ԻՐԱՎԱԿԱՆ ԹԱՐՄԱՑՈՒՄ

Դեկտեմբեր 2024

ՄԱՍ I. ՓՈՓՈԽՈՒԹՅԱՆ ԵՆԹԱՐԿՎԱԾ ԻՐԱՎԱԿԱՆ ԱԿՏԵՐ

1. Հայաստանի Հանրապետության հարկային օրենսգրքում ճանապարհային հարկի արտոնությունների վերաբերյալ փոփոխություններ
եւ լրացում կատարելու մասին.

2. Հայաստանի Հանրապետության քաղաքացիական դատավարության օրենսգրքում գործերի միանձնյա եւ կոլեգիալ քննության
կարգի, ինչպես նաեւ դատական սանկցիաների եւ դրանց կիրառման վերաբերյալ փոփոխություններ եւ լրացումներ
կատարելու մասին.

3. Հայաստանի Հանրապետության աշխատանքային օրենսգրքում աշխատանքային պայմանագրերի կնքման թվային
համակարգի ներդրման վերաբերյալ փոփոխություններ եւ լրացումներ կատարելու մասին.

4. Հայաստանի Հանրապետության հարկային օրենսգրքում հաշվարկային փաստաթղթի եւ դրանում
ներառվող պարտադիր տեղեկությունների վերաբերյալ լրացումներ եւ փոփոխություններ.
կատարելու մասին.

5. Հայաստանի Հանրապետության հարկային օրենսգրքում եկամտի առանձին տեսակների
հաշվառման, հարկման բազայի որոշման նպատակով համախառն եկամտից կատարվող
նվազեցումների սահմանափակումների, ծախսերի առանձին տեսակների հաշվառման
առանձնահատկությունների եւ օրենսգրքով նախատեսված այլ նվազեցումների
վերաբերյալ փոփոխություններ եւ լրացումներ կատարելու մասին.

6. Հայաստանի Հանրապետության հարկային օրենսգրքում շրջանառության հարկի եւ դրա
դրույքաչափերի վերաբերյալ փոփոխություններ եւ լրացումներ կատարելու մասին.

7. Բնակչության բժշկական օգնության եւ սպասարկման մասին օրենքում
շարունակական մասնագիտական զարգացման կազմակերպման վերաբերյալ
լրացումներ կատարելու մասին.

8. Հայաստանի Հանրապետության Կառավարության 2017 թվականի հոկտեմբերի 5-ի N
1260-ն որոշման մեջ դրամարկղ կանխիկ դրամի մուտքագրման (ընդունման) դեպքում
մուտքի օրդրների կազմման, էլեկտրոնային դրամարկղային գրքում կանխիկ դրամի
մուտքագրումների եւ ելքագրումների գրանցումների, յուրաքանչյուր ամսվա վերջնական
ամփոփումից հետո սխալ գրանցում հայտնաբերելու դեպքում դրանց հաշվարկի իրականացման
վերաբերյալ լրացումներ եւ փոփոխություններ կատարելու մասին.

9. Հայաստանի Հանրապետության հանրային ծառայությունները կարգավորող հանձնաժողովի 2022
թվականի հոկտեմբերի 5-ի N 391-ն որոշման մեջ հանրային էլեկտրոնային հաղորդակցության
շարժական կապի լայնաշերտ տեխնոլոգիաների բացօթյա ծածկույթների հասանելիության չափանիշի
վերաբերյալ փոփոխություններ կատարելու մասին.

10. Հայաստանի Հանրապետության կառավարության 2019 թվականի փետրվարի 28-ի N 156-ն որոշման մեջ
փոփոխություններ եւ լրացումներ կատարելու մասին.

11. Հայաստանի Հանրապետությունում դեղի պետական գրանցման, վերագրանցման, հավաստագրի ժամկետի երկարաձգման,
ինչպես նաեվ գրանցումը, վերագրանցումը, հավաստագրի ժամկետի երկարաձգումը մերժելու, գրանցումը կասեցնելու
եվ ուժը կորցրած ճանաչելու» որոշման մեջ փոփոխություններ եւ լրացումներ կատարելու մասին.

ՄԱՍ II. ՆՈՐ ԻՐԱՎԱԿԱՆ ԱԿՏԵՐ

1. Բարձր տեխնոլոգիաների ոլորտի պետական աջակցության մասին.

2. Մասնագիտական ուսումնական հաստատությունների ատեստավորված կամ տարակարգ ստացած մանկավարժական աշխատողների դրույքաչափի փոփոխության եւ հավելավճարի սահմանման կարգը եւ չափը հաստատելու մասին..

ՄԱՍ I. ՓՈՓՈԽՈՒԹՅԱՆ ԵՆԹԱՐԿՎԱԾ ԻՐԱՎԱԿԱՆ ԱԿՏԵՐ

(Իրավական թարմացումների այս բաժնում ներառվում են այն իրավական ակտերը, որոնք 2024 թվականի դեկտեմբեր ամսվան, ինչպես նաեւ ԱԺ ութերորդ նստաշրջանի ընթացքում ենթարկվել են փոփոխության)

1. Հայաստանի Հանրապետության հարկային օրենսգրքում ճանապարհային հարկի արտոնությունների վերաբերյալ փոփոխություններ եւ լրացում կատարելու մասին

Օրենսդրական ակտի անվանումը՝

Հայաստանի Հանրապետության հարկային օրենսգրքում փոփոխություններ եւ լրացում կատարելու մասին

Փոփոխության կարգավիճակը՝

Օրենքն ընդունվել է երկրորդ ընթերցմամբ եւ ամբողջությամբ 15.11.2024 թվականին եւ ստորագրվել է 27.11.2024թ.-ին

http://www.parliament.am/legislation.php?sel=show&ID=9506

Ինչին են վերաբերում փոփոխությունները՝

Օրենքի փոփոխությամբ լրացում է տեղի ունեցել «Հարկային օրենսգրքով» սահմանված Հայաստանի
Հանրապետության ավտոմոբիլային ճանապարհներից օգտվելու համար ճանապարհային հարկի
վճարումից ազատման վերաբերյալ դրույթներում։
Մասնավորապես՝ Օրենքով արտոնություն է սահմանված Հայաստանի Հանրապետության տարածքով
փոխադարձության սկզբունքով երրորդ երկրների տարածք տարանցման նպատակով, ինչպես նաեւ
առանց տարանցման Հայաստանի Հանրապետության տարածք մուտք գործող ճանապարհային հարկ
վճարողների համար։

2016 թվականի հոկտեմբերի 4-ի Հայաստանի Հանրապետության հարկային օրենսգրքի 191-րդ հոդվածում լրացնել հետեւյալ խմբագրությամբ 1.1-ին մասով:

Հոդված 191. Ճանապարհային հարկի արտոնությունները:

1.1. Հայաստանի Հանրապետությունում չգրանցված (չհաշվառված) բեռնատար ավտոտրանսպորտային միջոցներով Հայաստանի Հանրապետության ավտոմոբիլային
ճանապարհներից օգտվելու համար ճանապարհային հարկի վճարումից փոխադարձության սկզբունքով կարող են ազատվել Հայաստանի Հանրապետության տարածքով երրորդ երկրների տարածք տարանցման նպատակով, ինչպես նաեւ առանց տարանցման Հայաստանի Հանրապետության տարածք մուտք գործող ճանապարհային հարկ վճարողները, կամ այդ հարկ վճարողների նկատմամբ փոխադարձության սկզբունքով կարող է կիրառվել ճանապարհային հարկի նվազ դրույքաչափ այն դեպքում, երբ Կառավարությունը սահմանի բեռնատար տրանսպորտային միջոցների գրանցման (հաշվառման) երկիրը, տեսակը, քանակը, իսկ նվազ դրույքաչափ կիրառելու նպատակով՝ նաեւ ճանապարհային հարկի դրույքաչափի նվազեցման չափը կամ նվազեցված դրույքաչափը:».

2-րդ մասի 6-րդ կետը շարադրել հետեւյալ խմբագրությամբ.

6) սույն հոդվածի 1.1-ին մասում նշված դեպքերում այլ երկրներում գրանցված (հաշվառված) տրանսպորտային միջոցներով Հայաստանի Հանրապետություն մուտք գործող ճանապարհային հարկ վճարողների համար՝ տրանսպորտային միջոցների գրանցման (հաշվառման) վկայագիրը:

2. Հայաստանի Հանրապետության քաղաքացիական դատավարության օրենսգրքում գործերի միանձնյա եւ կոլեգիալ քննության կարգի, ինչպես նաեւ դատական սանկցիաների եւ դրանց կիրառման վերաբերյալ փոփոխություններ եւ լրացումներ կատարելու մասին

Օրենսդրական ակտի անվանումը՝

Հայաստանի Հանրապետության քաղաքացիական դատավարության օրենսգրքում փոփոխություններ եւ
լրացումներ կատարելու մասին ՀՕ-488-Ն օրենք.

Փոփոխության կարգավիճակը՝

Օրենքի փոփոխությունը ընդունվել է 04.12.2024թվականին երկրորդ ընթերցմամբ եւ ամբողջությամբ եւ ստորագրվել է 16.12.2024թ.-ին։

Սույն օրենքն ուժի մեջ է մտնելու 27.12.2024 թվականից։

Ինչին են վերաբերում փոփոխությունները՝

Օրենքի փոփոխությունը մասնավորապես վերաբերվում է գործերի միանձնյա եւ կոլեգիալ քննության
կարգին, ինչպես նաեւ դատական սանկցաներին եւ դրանց կիրառմանը։ Մասնավորապես՝ փոփոխությամբ սահմանվել է, որ դատարանի կազմի փոփոխման կամ դատական կազմում փոփոխության դեպքում գործը (վերաքննիչ բողոքը) վարույթ ընդունելու հետ միաժամանակ դատարանը որոշում է կայացնում գործի (վերաքննիչ բողոքի) քննությունն սկզբից սկսելու կամ գործի (վերաքննիչ բողոքի) քննությունն ընդհատման պահից շարունակելու մասին, բացառությամբ առաջին ատյանի դատարանում գործի դատաքննությունն ավարտված լինելու դեպքերի:

Ինչպես նաեւ Օրենսգրքում տեղի է ունեցել լրացում՝ դատարանի կողմից դատավարության մասնակցի,
դատական նիստին ներկա այլ անձի նկատմամբ իրավունքի իրականացման սահմանափակման սանկցիա կիրառելու վերաբերյալ։

2018 թվականի փետրվարի 9-ի Հայաստանի Հանրապետության քաղաքացիական դատավարության օրենսգրքի (այսուհետ՝ Օրենսգիրք) 27-րդ հոդվածի 5-րդ մասի երկրորդ նախադասությունից հանել «եւ գործի (վերաքննիչ բողոքի) քննությունն սկսվում է սկզբից» բառերը.

Հոդված 27. Գործերի միանձնյա եւ կոլեգիալ քննությունը

Հին տարբերակ

Առաջին ատյանի դատարանում գործի
քննությունը, իսկ վերաքննիչ դատարանում
բողոքի քննությունն անցկացվում են դատարանի
անփոփոխ կազմով, բացառությամբ սույն
օրենսգրքով նախատեսված դեպքերի:
Դատարանի կազմը փոխվելու կամ կազմում
փոփոխության դեպքում կայացվում է գործը
(վերաքննիչ բողոքը) վարույթ ընդունելու մասին որոշում, եւ գործի (վերաքննիչ բողոքի)
քննությունն սկսվում է սկզբից:

Նոր տարբերակ

Առաջին ատյանի դատարանում գործի
քննությունը, իսկ վերաքննիչ դատարանում բողոքի
քննությունն անցկացվում են դատարանի
անփոփոխ կազմով, բացառությամբ սույն
օրենսգրքով նախատեսված դեպքերի: Դատարանի
կազմը փոխվելու կամ կազմում փոփոխության դեպքում կայացվում է գործը (վերաքննիչ բողոքը)
վարույթ ընդունելու մասին որոշում:

Լրացնել հետեւյալ բովանդակությամբ 5.1-5.5-րդ մասերով.

«5.1. Դատարանի կազմը փոխվելու կամ դատական կազմում փոփոխության դեպքում գործը (վերաքննիչ բողոքը) վարույթ ընդունելու հետ միաժամանակ դատարանը որոշում է կայացնում գործի (վերաքննիչ բողոքի) քննությունն սկզբից սկսելու կամ գործի (վերաքննիչ բողոքի) քննությունն ընդհատման պահից շարունակելու մասին, բացառությամբ առաջին ատյանի դատարանում գործի դատաքննությունն ավարտված լինելու դեպքերի: Գործի դատաքննությունն ավարտված լինելու դեպքում առաջին ատյանի դատարանը գործը վարույթ ընդունելու հետ միաժամանակ որոշում է կայացնում գործի քննությունն սկզբից սկսելու կամ գործը դատաքննության փուլից վերսկսելու մասին:

5.2. Եթե սույն հոդվածով նախատեսված կարգով գործի (վերաքննիչ բողոքի) քննությունը շարունակվում է ընդհատման պահից, սակայն գործի (վերաքննիչ բողոքի) քննության համար սույն օրենսգրքով սահմանված եւ մնացած ժամկետը պակաս է մեկ ամսից, ապա այդ ժամկետը երկարաձգվում է մեկ ամսով, իսկ եթե տվյալ գործի (վերաքննիչ բողոքի) քննության համար սույն օրենսգրքով նախատեսված ժամկետը մեկ ամիս է կամ պակաս է մեկ ամսից, ապա տվյալ գործի (վերաքննիչ բողոքի) քննության համար՝ սույն օրենսգրքով նախատեսված ժամկետով:

5.3. Գործի (վերաքննիչ բողոքի) քննությունն ընդհատման պահից շարունակելու մասին որոշում կայացվելու դեպքում գործի (վերաքննիչ բողոքի) քննությունը շարունակվում է գործի (վերաքննիչ բողոքի) քննության ընդհատման՝ դատարանի կազմը փոխվելու կամ դատական կազմում փոփոխության պահից:

5.4. Գործի (վերաքննիչ բողոքի) քննությունն ընդհատման պահից շարունակելու մասին որոշում կայացվելու դեպքում մինչեւ գործի (վերաքննիչ բողոքի) քննության ընդհատման պահն ավարտված դատավարական ժամկետները չեն վերսկսվում, իսկ դատավարության մասնակիցները չեն կարող կատարել այնպիսի գործողություններ, որոնց կատարման ժամկետը լրացել է մինչեւ գործի (վերաքննիչ բողոքի) քննության ընդհատման պահը:

5.5. Գործի (վերաքննիչ բողոքի) քննությունն ընդհատման պահից շարունակվելու դեպքում մինչեւ գործի (վերաքննիչ բողոքի) քննության ընդհատման պահը կատարված գործողությունները կամ ընդունված որոշումները պարտադիր են եւ ունեն իրավական ուժ այնպես, ինչպես դատարանի կազմի կամ դատական կազմում փոփոխություն տեղի չունենալու դեպքում:»:

Օրենսգրքի 153-րդ հոդվածում 1-ին մասը լրացնել հետեւյալ բովանդակությամբ 4-րդ կետով.

Հոդված 153. Դատական սանկցիաները եւ դրանց կիրառման ընդհանուր կարգը

1. Հայաստանի Հանրապետության դատական օրենսգիրք սահմանադրական օրենքով նախատեսված հիմքերով դատարանն իրավունք ունի դատավարության մասնակցի, դատական նիստին ներկա այլ անձի նկատմամբ կիրառել հետեւյալ սանկցիաները.

Հին տարբերակ

1) նկատողություն.
2) դատական նիստերի դահլիճից հեռացում.
3) դատական տուգանք:

Նոր տարբերակ

1) նկատողություն.
2) դատական նիստերի դահլիճից հեռացում.
3) դատական տուգանք
4)իրավունքի իրականացման սահմանափակում:

Օրենսգիրքը լրացնել հետեւյալ բովանդակությամբ 155.1-ին եւ 155.2-րդ հոդվածներով.

Հոդված 155.1. Դատական նիստից դուրս դատական տուգանք կիրառելու առանձնահատկությունները

1. Եթե դատարանը գտնում է, որ դատավարության մասնակիցը դրսեւորել է այնպիսի վարքագիծ կամ կատարել է այնպիսի արարք, որը կարող է հանգեցնել դատական տուգանքի կիրառման, ապա այդ անձից պահանջում է գրավոր պարզաբանում վերոնշյալ վարքագծի կամ արարքի վերաբերյալ: Պարզաբանում պահանջելու մասին ծանուցագրում նշվում են այն հանգամանքները, որոնք դատարանի գնահատմամբ կարող են հանգեցնել դատական տուգանքի կիրառման:

2. Գրավոր պարզաբանումը կարող է ներկայացվել պարզաբանում պահանջելու մասին դատարանի ծանուցագիրն ստանալուց հետո՝ հնգօրյա ժամկետում:

3. Գրավոր պարզաբանում ներկայացնելու համար սահմանված ժամկետը լրանալուց հետո՝ 20-օրյա ժամկետում, դատարանն առանց դատական նիստ հրավիրելու որոշում է դատական տուգանք կիրառելու հարցը: Դատական տուգանք կիրառելու հիմքերի բացակայության դեպքում նույն ժամկետում դատարանը դատավարության մասնակցին ծանուցում է այդ մասին:

Հոդված 155.2. Իրավունքի իրականացման սահմանափակում կիրառելու առանձնահատկությունները

1. Իրավունքի իրականացման սահմանափակումը դատավարության մասնակցի` սույն օրենսգրքով սահմանված որոշակի իրավունքների պարբերաբար չարաշահման դեպքում համապատասխան որոշմամբ դրանց իրականացման համար ժամանակային կամ քանակական պայմանների սահմանումն է:

2. Սույն հոդվածով նախատեսված դատական սանկցիան կարող է կիրառվել միայն հետեւյալ իրավունքները պարբերաբար չարաշահելու դեպքում.
1) գործի նյութերին ծանոթանալը, դրանց պատճեններ ստանալը, քաղվածքներ, լուսանկարներ, լուսապատճեններ եւ պատճեններ անելը.
2) բացարկ հայտնելը.
3) ապացույցներ ներկայացնելը եւ դրանց հետազոտմանը մասնակցելը.
4) դատավարության մասնակիցներին հարցեր տալը.
5) միջնորդություններ ներկայացնելը, ցուցմունքներ տալը.
6) դիրքորոշում ներկայացնելը:

3. Սույն հոդվածով նախատեսված դատական սանկցիայի կիրառումը չպետք է բացառի համապատասխան իրավունքի բուն իրացումը:

4. Եթե դատարանը գտնում է, որ դատավարության մասնակիցը դրսեւորել է այնպիսի վարքագիծ կամ կատարել է այնպիսի արարք, որը կարող է հանգեցնել իրավունքի իրականացման սահմանափակում սանկցիայի կիրառման, ապա այդ անձը հասկանալի ձեւով նախազգուշացվում է դատարանի` սանկցիա
կիրառելու իրավասության մասին, պարզաբանվում են սանկցիա կիրառելու հիմքերը եւ հետեւանքները: Եթե դատավարության մասնակիցը նախազգուշացումից հետո կատարում է սույն հոդվածի 2-րդ մասով նախատեսված գործողություններից որեւէ մեկը, ապա դատավորն իրավասու է այդ անձի նկատմամբ կիրառելու իրավունքի իրականացման սահմանափակում սանկցիան:

5. Իրավունքի իրականացման սահմանափակումը դատական նիստում կիրառվելու դեպքում կայացվում է նույն դատական նիստում դատարանի արձանագրային որոշմամբ, որն ուժի մեջ է մտնում հրապարակման պահից, իսկ դատական նիստից դուրս կայացվելու դեպքում՝ առանձին դատական ակտով:

6. Իրավունքի իրականացման սահմանափակման ենթարկված անձի կամ նրա ներկայացուցչի միջնորդությամբ դատարանն իրավունք ունի վերականգնելու իրավունքի իրականացումը՝ վերացնելով կիրառված ժամանակային կամ քանակական պայմանները:

3. Հայաստանի Հանրապետության աշխատանքային օրենսգրքում աշխատանքային պայմանագրերի կնքման թվային համակարգի ներդրման վերաբերյալ փոփոխություններ եւ լրացումներ կատարելու մասին

Օրենսդրական ակտի անվանումը՝

Հայաստանի Հանրապետության աշխատանքային օրենսգրքում փոփոխություններ եւ լրացումներ
կատարելու մասին.

Փոփոխության կարգավիճակը՝

Օրենքի փոփոխությունը 04.12.2024թվականին ընդունվել է երկրորդ ընթերցմամբ եւ ամբողջությամբ

http://www.parliament.am/draftreading_docs8/K-907_DR2.pdf

Ինչին են վերաբերում փոփոխությունները՝

Օրենքի փոփոխությունները մասնավորապես վերաբերում են աշխատանքային պայմանագրերի կնքման
թվային համակարգի ներդրմանը։
Համաձայն Օրենքի փոփոխության եզրափակիչ մաս եւ անցումային դրույթների՝ օրենքն ուժի մեջ է
մտնում 2025 թվականի հուլիսի 1-ից, բացառությամբ Օրենքով նախատեսված դեպքերի։
2026 թվականի հունվարի 1-ից հետո՝ տասներկուամսյա ժամկետում, գործատուները թվային համակարգ են մուտքագրում իրենց հետ աշխատանքային հարաբերությունների մեջ գտնվող աշխատողների աշխատանքային պայմանագրերը (եթե աշխատանքային պայմանագրերը չեն կնքվել թվային համակարգի միջոցով)՝ մուտքագրման պահին գործող պայմաններով: Մինչեւ սույն օրենքն ուժի մեջ մտնելը կնքված եւ շարունակվող աշխատանքային պայմանագրերի թվային համակարգ մուտքագրելու կարգը սահմանում է Հայաստանի Հանրապետության կառավարությունը:

2004 թվականի նոյեմբերի 9-ի Հայաստանի Հանրապետության աշխատանքային օրենսգրքի (այսուհետեւ՝ Օրենսգիրք) 5-րդ հոդվածում լրացնել հետեւյալ բովանդակությամբ 4.1-ին մասով՝ լրացնել հետեւյալ բովանդակությամբ 4.1-ին մասով՝

Հոդված 5. Գործատուի ներքին եւ անհատական իրավական ակտերը

4.1.Աշխատանքային պայմանագիրը լուծելու մասին անհատական իրավական ակտն աշխատանքային պայմանագրերի կնքման թվային համակարգի (այսուհետեւ՝ թվային համակարգ) միջոցով ընդունելուց հետո՝ երեք օրվա ընթացքում ակտի օրինակն աշխատանքային պայմանագրում սահմանված
ծանուցման եղանակով ուղարկվում է աշխատողին:

Օրենսգիրքը լրացնել հետեւյալ բովանդակությամբ 4.2-րդ մասով՝

4.2.Եթե աշխատանքային պայմանագիրը լուծելու մասին անհատական իրավական ակտը թվային համակարգի միջոցով չի ընդունվում, ապա ակտի մեկ օրինակը հանձնվում է աշխատողին այն ընդունելուց հետո՝ երեք օրվա ընթացքում:»:
4) լրացնել հետեւյալ բովանդակությամբ 4.3-րդ մասով՝ «4.3.Սույն օրենսգրքի 13-րդ հոդվածի 4-րդ մասով, ինչպես նաեւ 14-րդ հոդվածի 2-րդ մասով
սահմանված դեպքերում աշխատանքի ընդունման, ինչպես նաեւ աշխատանքային պայմանագիրը լուծելու մասին անհատական իրավական ակտի մեկ օրինակը հանձնվում է աշխատողին այն ընդունելուց հետո՝ երեք օրվա ընթացքում:

Օրենսգիրքը լրացնել հետեւյալ բովանդակությամբ 13.1-ին գլխով.

Գ Լ ՈՒ Խ 13.1

ԱՇԽԱՏԱՆՔԱՅԻՆ ՊԱՅՄԱՆԱԳՐԵՐԻ ԿՆՔՄԱՆ ԹՎԱՅԻՆ ՀԱՄԱԿԱՐԳԸ

Հոդված 102.1.Աշխատանքային պայմանագրերի կնքման թվային համակարգը եւ համակարգի կիրառման հիմնական սկզբունքները

1. Աշխատանքային պայմանագրերի կնքման թվային համակարգը տվյալների ամբողջություն է, որի նպատակն է՝

1) ապահովել աշխատանքային պայմանագրի կամ աշխատանքային պայմանագիրը լուծելու մասին անհատական իրավական ակտի, ինչպես նաեւ դրանցում փոփոխությունների վերաբերյալ տվյալների մուտքագրմամբ կնքումը (ընդունումը) եւ օգտագործումը, ինչպես նաեւ մուտքագրումից հետո այդ տվյալների տպելու հնարավորությունը.
2) աջակցել աշխատանքային օրենսդրության պահանջների պահպանման նկատմամբ պետական վերահսկողության իրականացմանը:
2. Թվային համակարգի կիրառման հիմնական սկզբունքներն են՝
1) աշխատանքային օրենսդրության պահանջների պահպանման նկատմամբ վերահսկողության արդյունավետության ապահովումը.
2) թվային համակարգից սույն օրենսգրքով սահմանված կարգով օգտվելու իրավասություն ունեցող աշխատանքային հարաբերությունների կողմերի համար՝ թվային համակարգում առկա տվյալների ցանկացած պահի հասանելիությունը:

Հոդված 102.2.Թվային համակարգի կառավարումը, տվյալներին հասանելիությունը, տեխնիկական պահանջները եւ կառավարման կարգը
1. Թվային համակարգի կառավարումն իրականացնող լիազոր մարմինը սահմանվում է Հայաստանի Հանրապետության կառավարության կողմից:
2. Տեսչական մարմնին տրվում է թվային համակարգի տվյալներին հասանելիություն օրենքով սահմանված կարգով վերահսկողական գործառույթների իրականացման ժամանակ այն ծավալով, որն անհրաժեշտ է՝ աշխատանքային օրենսդրության, աշխատանքային իրավունքի նորմեր պարունակող այլ նորմատիվ իրավական ակտերի, կոլեկտիվ եւ աշխատանքային պայմանագրերի պահանջների նկատմամբ օրենսդրությամբ վերապահված լիազորությունների շրջանակում իրականացվող վերահսկողության համար:.

3.Հայաստանի Հանրապետության պետական եկամուտների կոմիտեի համապատասխան ստորաբաժանումներին տրվում է թվային համակարգի տվյալներին հասանելիություն այն ծավալով, որն անհրաժեշտ է աշխատողի աշխատանքի ընդունումն օրենսդրությամբ սահմանված կարգով ձեւակերպելու կամ աշխատողի համար գրանցման հայտ ներկայացնելու ճշտության ստուգումներ, ինչպես նաեւ աշխատողի համար հաշվարկված եւ վճարված եկամուտների, հաշվարկված (վճարված) եկամտային հարկի, սոցիալական եւ պարտադիր այլ վճարների համապատասխանության նկատմամբ հարկային հսկողություն իրականացնելու համար՝ օրենսդրությամբ վերապահված լիազորությունների շրջանակում:

4.Հայաստանի Հանրապետության ներքին գործերի նախարարության Միգրացիայի եւ քաղաքացիության ծառայությանը թվային համակարգի օտարերկրյա աշխատողի տվյալներին
հասանելիություն տրվում է այն ծավալով, որն անհրաժեշտ է օտարերկրյա աշխատողի ներգրավման https://workpermit.am միասնական էլեկտրոնային հարթակի միջոցով ներկայացված դիմումների հիման վրա հարուցված վարչական վարույթի ընթացքն ապահովելու համար:

5.Թվային համակարգում գործատուին եւ աշխատողին տրվում է էլեկտրոնային տվյալներին հասանելիության պատուհան (անձնական էջ): Մինչեւ տասնվեց տարեկան անձի մասնակցությամբ աշխատանքային հարաբերությունների ծագման դեպքում՝ էլեկտրոնային տվյալներին հասանելիությունը տրվում է աշխատանքային պայմանագիրը կնքող ծնողին կամ խնամատար ծնողին կամ որդեգրողին կամ խնամակալին:

6.Թվային համակարգին ներկայացվող տեխնիկական պահանջները, թվային համակարգի տվյալներին հասանելիություն տրամադրելու եւ թվային համակարգով աշխատանքային պայմանագրերի կնքման կարգերը սահմանում է Հայաստանի Հանրապետության կառավարությունը:.

4. Հայաստանի Հանրապետության հարկային օրենսգրքում հաշվարկային փաստաթղթի եւ դրանում ներառվող պարտադիր տեղեկությունների վերաբերյալ լրացումներ եւ փոփոխություններ կատարելու մասին

Օրենսդրական ակտի անվանումը՝

Հայաստանի Հանրապետության հարկային օրենսգրքում լրացումներ եւ փոփոխություններ կատարելու
մասին ՀՕ-491-Ն օրենք

Փոփոխության կարգավիճակը՝

Օրենքի փոփոխությունը ընդունվել է 04.12.2024 թվականին երկրորդ ընթերցմամբ եւ ամբողջությամբ,
ստորագրվել է 16.12.2024 Օրենքի ուժի մեջ է մտնելու 2024 թվականի հունվարի 1-ից, բացառությամբ այն դրույթների, որոնց համար օրենքով նախատեսված է կիրարկումն ապահովող համապատասխան ծրագրային ապահովման աշխատանքներ.

Ինչին են վերաբերում փոփոխությունները՝

Օրենքի փոփոխությունները մասնավորապես վերաբերում են հաշվարկային փաստաթղթինեւ դրանում
ներառվող պարտադիր տեղեկությունների։ Սույն օրենքն ուժի մեջ է մտնում 2025 թվականի հունվարի 1-ից, բացառությամբ օրենքով սահմանված հստակ դեպքերի, որոնք ուժի մեջ են մտնում օրենքով
նախատեսված դրույթների կիրարկումն ապահովող համապատասխան ծրագրային ապահովման
աշխատանքներն ավարտելու օրվան հաջորդող տասներորդ օրը:

2016 թվականի հոկտեմբերի 4-ի Հայաստանի Հանրապետության հարկային օրենսգրքի (այսուհետ՝ Օրենսգիրք) 55-րդ հոդվածում 4-րդ մասը լրացնել հետեւյալ բովանդակությամբ 7.1-ին եւ 7.2-րդ կետերով.

Հոդված 55. Հաշվարկային փաստաթուղթը եւ դրա կազմումը

4. Հարկային հաշվում կամ ճշգրտող հարկային հաշվում պարտադիր ներառվում են՝

7.1) գործարքի առարկա հանդիսացող ապրանքի, բացառությամբ անշարժ գույքի եւ սույն մասի 11-րդ կետով սահմանված ապրանքների, ԱՏԳ ԱԱ ծածկագիրը՝ Կառավարության սահմանած դեպքերում, կարգով եւ ժամկետներում.

7.2) հսկիչ (նույնականացման) նշաններով պարտադիր դրոշմավորման ենթակա դրոշմավորված ապրանքների մատակարարման դեպքում հսկիչ (նույնականացման) նշանների եւ դրանց քանակի վերաբերյալ տեղեկությունը` Կառավարության սահմանած դեպքերում, կարգով եւ ժամկետներում.

5. Հայաստանի Հանրապետության հարկային օրենսգրքում եկամտի առանձին տեսակների հաշվառման, հարկման բազայի որոշման նպատակով համախառն եկամտից կատարվող նվազեցումների սահմանափակումների, ծախսերի առանձին տեսակների հաշվառման առանձնահատկությունների եւ օրենսգրքով նախատեսված այլ նվազեցումների վերաբերյալ փոփոխություններ եւ լրացումներ կատարելու մասին

Օրենսդրական ակտի անվանումը՝

Հայաստանի Հանրապետության Հարկային օրենսգրքում փոփոխություններ եւ լրացումներ կատարելու մասին

Փոփոխության կարգավիճակը՝

Օրենքի փոփոխությունը ընդունվել է 04.12.2024թվականին երկրորդ ընթերցմամբ եւ ամբողջությամբ։

http://www.parliament.am/draftreading_docs8/K-952-1_DR2.pdf

Ինչին են վերաբերում փոփոխությունները՝

Հարկային օրենսգրքում փոփոխության իրականացումը մասնավորապես կապված է «Բարձր
տեխնոլոգիաների ոլորտի պետական աջակցության մասին» օրենքի ընդունմամբ։
Մասնավորապես՝ Հարկային օրենսգրքում լրացումներ են տեղի ունեցել եկամտի առանձին տեսակների
հաշվառման, հարկման բազայի որոշման նպատակով համախառն եկամտից կատարվող նվազեցումների
սահմանափակումների, ծախսերի առանձին տեսակների հաշվառման առանձնահատկությունների եւ
օրենսգրքով նախատեսված այլ նվազեցումների վերաբերյալ դրույթներում։

Օրենսգրքի 109-րդ հոդվածի 4-րդ մասի 1-ին կետի «բ» ենթակետում «եւ «բ4»» բառերը փոխարինել « «բ4» եւ «բ5»» բառերով, եւ նույն կետում լրացնել հետեւյալ բովանդակությամբ «բ5» ենթակետ.

Հոդված 109. Եկամտի առանձին տեսակների հաշվառման առանձնահատկությունները

4. Շահութահարկով հարկման բազայի որոշման նպատակով շահութահարկ վճարողների համար եկամուտ են համարվում նաեւ՝
1) առեւտրային կազմակերպությունների, անհատ ձեռնարկատերերի եւ նոտարների անհատույց ստացված ակտիվները: Սույն կետով սահմանված դեպքում՝:

bբ5. բացառապես Կառավարության սահմանած` բարձր տեխնոլոգիաների ոլորտի գործունեության տեսակների ցանկում ներառված գործունեության տեսակներով զբաղվող եւ տվյալ հարկային տարվա ընթացքում մինչեւ 50 (ներառյալ) վարձու աշխատողների եւ քաղաքացիաիրավական պայմանագրերի հիման վրա աշխատանք կատարող կամ ծառայություն մատուցող ֆիզիկական անձանց միջին տարեկան քանակ հայտարարագրած առեւտրային կազմակերպությունների եւ անհատ
ձեռնարկատերերի ստացած նպատակային դրամական միջոցները եկամուտ են համարվում այն հարկային տարում, երբ այդ դրամական միջոցները կամ այդ դրամական միջոցներով ձեռք բերված, կառուցված, ստեղծված կամ մշակված ակտիվները ճանաչվում են որպես ծախս կամ կորուստ՝ անկախ այդ ծախսը կամ կորուստը համախառն եկամտից նվազեցնելու հանգամանքից: Որեւէ հարկային տարվա ընթացքում առեւտրային կազմակերպության կամ անհատ ձեռնարկատիրոջ կողմից հայտարարագրված վարձու աշխատողների եւ քաղաքացիաիրավական պայմանագրերի հիման վրա աշխատանք կատարող կամ ծառայություն մատուցող ֆիզիկական անձանց միջին տարեկան քանակը 50-ը գերազանցելու դեպքում դրամական միջոցների՝ դեռեւս եկամուտ չհամարված մասը եկամուտ է համարվում միջին տարեկան քանակը 50-ը գերազանցելու հարկային տարում:

Սույն ենթակետի պահանջների պահպանմամբ սույն ենթակետը կիրառվում է նաեւ այն առեւտրային կազմակերպությունների ու անհատ ձեռնարկատերերի նկատմամբ, որոնք հարկային տարվա ընթացքում բացառապես Կառավարության սահմանած` բարձր տեխնոլոգիաների ոլորտի գործունեության տեսակների ցանկում ներառված գործունեության տեսակներից ստացվող եկամուտներից բացի, ստացել են նաեւ այլ եկամուտներ՝ պայմանով, որ այդ եկամուտների տեսակարար կշիռը հարկային տարվա համախառն եկամտի մեջ չի գերազանցում տասը տոկոսը:

Սույն ենթակետի կիրառության նպատակով, աշխատողների միջին տարեկան քանակը որոշվում է տվյալ հարկային տարում ամբողջական ամիսների յուրաքանչյուր ամսվա վերջին օրվա դրությամբ աշխատողների քանակների հանրագումարը հարաբերելով ամբողջական ամիսների թվի վրա, իսկ եթե առեւտրային կազմակերպությունը կամ անհատ ձեռնարկատերը պետական գրանցում է ստացել (հաշվառվել է) դեկտեմբեր ամսին, ապա աշխատողների միջին տարեկան քանակ է համարվում այդ հարկային տարվա դեկտեմբերի 31-ի դրությամբ առեւտրային կազմակերպության կամ անհատ ձեռնարկատիրոջ մոտ առկա աշխատողների քանակը:

Ամբողջական ամիսների մեջ չեն ներառվում առեւտրային կազմակերպության գրանցման (անհատ ձեռնարկատիրոջ հաշվառման) ամիսը, պետական ռեգիստրի գործակալության կողմից առեւտրային կազմակերպության (անհատ ձեռնարկատիրոջ) լուծարման (հաշվառումից հանելու) գործընթաց սկսելու մասին գրառում կատարելու օրվանից մինչեւ լուծարումն (հաշվառումից դուրս գալու) ընկած օրը ներառող ամիսները, ինչպես նաեւ առեւտրային կազմակերպության (անհատ ձեռնարկատիրոջ)
գործունեությունը որոշակի կամ անորոշ ժամկետով դադարեցնելու ամիսները:

Սույն ենթակետի դրույթները չեն տարածվում այն դեպքերի վրա, երբ տվյալ հարկային տարվա ընթացքում առեւտրային կազմակերպության կամ անհատ ձեռնարկատիրոջ գործունեության իրականացման ամբողջական ամիսներ առկա չեն, բացառությամբ այն դեպքերի, երբ առեւտրային կազմակերպությունը կամ անհատ ձեռնարկատերը պետական գրանցում է ստացել (հաշվառվել է) դեկտեմբեր ամսին։.

Օրենսգրքի 113-րդ հոդվածի 1-ին մասում լրացնել հետեւյալ բովանդակությամբ նոր՝ 10-րդ կետ.

Հոդված 113. Հարկման բազայի որոշման նպատակով համախառն եկամտից կատարվող նվազեցումների սահմանափակումները

Կառավարության սահմանած` բարձր տեխնոլոգիաների ոլորտի գործունեության տեսակների ցանկում ներառված գործունեության տեսակների մասով շրջանառության հարկ
վճարողներից ձեռք բերված ապրանքների, ստացված ծառայությունների եւ ընդունված աշխատանքների գծով կատարվող ծախսերը:

Օրենսգրքի 121-րդ հոդվածի 2-րդ մասում լրացնել նոր 4-րդ կետ՝

Հոդված 121. Ծախսերի առանձին տեսակների հաշվառման առանձնահատկությունները

4) Կառավարության սահմանած չափանիշներին համապատասխանող եւ Կառավարության ձեւավորած մասնագիտական հանձնաժողովի դրական եզրակացությանն արժանացած գիտական հետազոտություններ եւ փորձարարական մշակումների աշխատանքների շրջանակներում ամիջականորեն ռեզիդենտ շահութահարկ վճարողի կողմից ներմուծվող, ձեռք բերվող (կառուցվող, մշակվող) կամ լիզինգով (տարատեսակներով) ստացվող հիմնական միջոցների (բացառությամբ՝ հիմնական միջոց համարվող անշարժ գույքի) ամորտիզացիոն նվազագույն ժամկետը սահմանվում է ռեզիդենտ շահութահարկ վճարողի հայեցողությամբ, բայց ոչ պակաս, քան մեկ տարի: Սույն կետում
նշված մասնագիտական հանձնաժողովի գործունեության կարգը եւ կազմը, ինչպես նաեւ հանձնաժողովի կողմից աշխատանքները որպես գիտական հետազոտություններ եւ փորձարարական մշակումների աշխատանքներ որակելու կարգը սահմանում է Կառավարությունը: Սույն կետով սահմանված մասնագիտական հանձնաժողովի կողմից տրամադրված դրական եզրակացությունը չեղյալ ճանաչվելու դեպքում կատարվում է հարկային պարտավորությունների վերահաշվարկ՝ հիմք ընդունելով Օրենսգրքով սահմանված ընդհանուր կարգավորումները:.

6-րդ մասը շարադրել հետեւյալ խմբագրությամբ.

Հին տարբերակ

6. Ռեզիդենտ շահութահարկ վճարողի եւ մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի հարկման բազայի որոշման նպատակով, համախառն եկամուտը նվազեցվում է անմիջականորեն շահութահարկ վճարողի կողմից կամ նրա պատվերով իրականացվող գիտահետազոտական եւ (կամ) փորձակոնստրուկտորական աշխատանքների ու ծառայությունների վրա կատարվող ծախսերի չափով` այդ ծախսերի կատարման հարկային տարվա ընթացքում ամբողջովին:

Նոր տարբերակ

6. Ռեզիդենտ շահութահարկ վճարողի եւ մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի հարկման բազայի որոշման նպատակով, համախառն եկամուտը նվազեցվում է անմիջականորեն շահութահարկ վճարողի կողմից կամ նրա պատվերով իրականացվող Կառավարության սահմանած չափանիշներին համապատասխանող գիտական հետազոտությունների եւ փորձարարական մշակումների աշխատանքների վրա կատարվող ծախսերի չափով` այդ ծախսերի կատարման հարկային տարվա ընթացքում ամբողջովին:

Օրենսգրքի 123-րդ հոդվածի 2-րդ մասը շարադրել հետեւյալ խմբագրությամբ:

Հոդված 123.Այլ նվազեցումները

Հին տարբերակ

2. Ռեզիդենտ շահութահարկ վճարողի հարկման
բազայի որոշման նպատակով համախառն
եկամտից նվազեցվում են նաեւ ստացվող
շահաբաժինները:.

Նոր տարբերակ

2. Ռեզիդենտ շահութահարկ վճարողի հարկման բազայի որոշման նպատակով համախառն եկամտից նվազեցվում են նաեւ՝ 1) ստացվող շահաբաժինները, 2) բացառապես Կառավարության սահմանած` բարձր տեխնոլոգիաների ոլորտի գործունեության տեսակների ցանկում ներառված գործունեության տեսակներով զբաղվող՝ անմիջականորեն ռեզիդենտ շահութահարկ վճարողի կողմից ներգրավված` Կառավարության սահմանած բարձր տեխնոլոգիաների ոլորտի մասնագիտական աշխատանքների ցանկում ներառված զբաղմունքներով զբաղվող անձնակազմի (բացառությամբ Հայաստանի Հանրապետությունում բնակության իրավունք (կացության կարգավիճակ) չունեցող օտարերկրյա քաղաքացիների ու քաղաքացիություն չունեցող ֆիզիկական անձանց) համար մասնագիտական աշխատանքի մասով հաշվարկված աշխատավարձի եւ դրան հավասարեցված այլ վճարումների 200 տոկոսը: Սույն կետով սահմանված նվազեցումը կատարվում է՝ անկախ աշխատավարձը եւ դրան հավասարեցված այլ վճարումները շահութահարկով հարկման բազայի որոշման նպատակով համախառն եկամտից նվազեցնելու հանգամանքից: Սույն կետի պահանջների պահպանմամբ սույն կետը կիրառվում է նաեւ այն ռեզիդենտ շահութահարկ վճարողների նկատմամբ, որոնք հարկային տարվա ընթացքում բացառապես Կառավարության սահմանած` բարձր տեխնոլոգիաների ոլորտի գործունեության տեսակների ցանկում ներառված գործունեության տեսակներից ստացվող եկամուտներից բացի ստացել են նաեւ այլ եկամուտներ՝ պայմանով, որ այդ եկամուտների տեսակարար կշիռը հարկային տարվա համախառն եկամտի մեջ չի գերազանցում տասը տոկոսը: 3) Կառավարության սահմանած չափանիշներին համապատասխանող եւ Օրենսգրքի 121-րդ հոդվածի 2-րդ մասի 4-րդ կետով նախատեսված՝ մասնագիտական հանձնաժողովի դրական եզրակացությանն արժանացած գիտական հետազոտությունների եւ փորձարարական մշակումների աշխատանքներում անմիջականորեն ռեզիդենտ շահութահարկ վճարողի կողմից ներգրավված՝ Կառավարության սահմանած բարձր տեխնոլոգիաների ոլորտի մասնագիտական աշխատանքների ցանկում ներառված զբաղմունքներով զբաղվող անձնակազմի (բացառությամբ Հայաստանի Հանրապետությունում բնակության իրավունք (կացության կարգավիճակ) չունեցող օտարերկրյա քաղաքացիների ու քաղաքացիություն չունեցող ֆիզիկական անձանց) համար մասնագիտական աշխատանքի մասով հաշվարկված աշխատավարձի եւ դրան հավասարեցված այլ վճարումների 200 տոկոսը: Սույն կետով սահմանված նվազեցումը կատարվում է անկախ աշխատավարձը եւ դրան հավասարեցված այլ վճարումները շահութահարկով հարկման բազայի որոշման նպատակով համախառն եկամտից նվազեցնելու հանգամանքից: Սույն մասի 2-րդ եւ կամ 3-րդ կետերով սահմանված նվազեցումները կամ դրանց հանրագումարը տվյալ հարկային տարվա համար չի կարող գերազանցել սույն բաժնով սահմանված կարգով առանց սույն մասի 2-րդ եւ 3-րդ կետերով սահմանված նվազեցումների հաշվարկված հարկման բազայի 50 տոկոսը, բացառությամբ սույն մասի երրորդ պարբերությամբ սահմանված դեպքի: Անկախ սույն մասի երկրորդ պարբերությամբ սահմանված դրույթներից՝ համախառն եկամտից նվազեցման ենթակա գումարի՝ հարկման բազայի 50 տոկոսը չգերազանցելու սահմանափակումը չի տարածվում սույն մասի պահանջների պահպանմամբ գիտական հետազոտություններ եւ փորձարարական մշակումներ իրականացնող այն ռեզիդենտ շահութահարկ վճարողների վրա, որոնք եկամուտները ստացել են բացառապես գիտական հետազոտությունների եւ փորձարարական մշակումների աշխատանքներից կամ միաժամանակ ստացել են այլ եկամուտներ՝ պայմանով, որ այդ եկամուտների տեսակարար կշիռը հարկային տարվա համախառն եկամտի մեջ չի գերազանցում տասը տոկոսը: Oրենսգրքի 121-րդ հոդվածի 2-րդ մասի 4-րդ կետով սահմանված մասնագիտական հանձնաժողովի կողմից տրամադրված դրական եզրակացությունը չեղյալ ճանաչվելու դեպքում կատարվում է հարկային պարտավորությունների վերահաշվարկ՝ հիմք ընդունելով Օրենսգրքով սահմանված ընդհանուր կարգավորումները։

6. Հայաստանի Հանրապետության հարկային օրենսգրքում շրջանառության հարկի եւ դրա դրույքաչափերի վերաբերյալ փոփոխություններ եւ լրացումներ կատարելու մասին

Օրենսդրական ակտի անվանումը՝

«Հայաստանի Հանրապետության հարկային օրենսգրքում փոփոխություններ կատարելու մասին»
օրենքում փոփոխություն կատարելու մասին.

Փոփոխության կարգավիճակը՝

Օրենքի փոփոխությունը ընդունվել է 04.12.2024թվականին երկրորդ ընթերցմամբ եւ ամբողջությամբ։
Սույն օրենքն ուժի մեջ է մտնում 2025 թվականի հունվարի 1-ից եւ գործում է մինչեւ 2031 թվականի
դեկտեմբերի 31-ը:

http://www.parliament.am/draftreading_docs8/K-952-2_DR2.pdf

Ինչին են վերաբերում փոփոխությունները՝

Օրենքի փոփոխությունը մասնավորապես վերաբերում է շրջանառության հարկի դրույքաչափին,
համաձայն որի՝ Կառավարության սահմանած` բարձր տեխնոլոգիաների ոլորտի գործունեության
տեսակների ցանկում ներառված, գործունեության տեսակներից ստացվող եկամուտների դրույքաչափը
կազմում է 1%:

A«Հայաստանի Հանրապետության հարկային օրենսգրքում փոփոխություններ կատարելու մասին» 2024 թվականի հունիսի 12-ի ՀՕ-285-Ն օրենքի 12-րդ հոդվածով նոր խմբագրությամբ շարադրված՝ Հայաստանի Հանրապետության հարկային օրենսգրքի 258-րդ հոդվածի 1-ին մասի աղյուսակի 8-րդ տողը շարադրել հետեւյալ խմբագրությամբ.

Հոդված 258. Շրջանառության հարկի դրույքաչափերը

1. Շրջանառության հարկով հարկման օբյեկտ համարվող գործարքների հարկման բազայի նկատմամբ շրջանառության հարկը հաշվարկվում է հետեւյալ դրույքաչափերով` հաշվի առնելով սույն հոդվածի 2-4-րդ մասերով սահմանված դրույթները:

	Եկամտի տեսակը	Դրույքաչափը (տոկոս)
8)	Կառավարության սահմանած` բարձր տեխնոլոգիաների ոլորտի գործունեության տեսակների ցանկում ներառված, գործունեության տեսակներից ստացվող եկամուտներ	1

7. Բնակչության բժշկական օգնության եւ սպասարկման մասին օրենքում շարունակական մասնագիտական զարգացման կազմակերպման վերաբերյալ լրացումներ կատարելու մասին

Օրենսդրական ակտի անվանումը՝

«Բնակչության բժշկական օգնության եւ սպասարկման մասին» օրենքում լրացումներ կատարելու մասին ՀՕ-451-Ն օրենք

Փոփոխության կարգավիճակը՝

Օրենքի փոփոխությունը ուժի մեջ է մտել 29.11.2024 թվականին։

Ինչին են վերաբերում փոփոխությունները՝

Օրենքի փոփոխությամբ լրացում է տեղի ունեցել «Բնակչության բժշկական օգնության եւ սպասարկման մասին» օրենքում, մասնավորապես՝ փոփոխությունը վերաբերում է ավագ եւ միջին բուժաշխատողների շարունակական մասնագիտական զարգացման կազմակերպման գործընթացին եւ շարունակական մասնագիտացման զարգացման կրեդիտների քանակի լրացմանը։

«Բնակչության բժշկական օգնության եւ սպասարկման մասին» 1996 թվականի մարտի 4-ի ՀՕ-
42 օրենքի 33-րդ հոդվածը լրացնել հետեւյալ բովանդակությամբ 4.1-ին եւ 4.2-րդ մասերով.

Հոդված 33. Շարունակական մասնագիտական զարգացման կազմակերպման գործընթացը

4.1. Հավաստագրման յուրաքանչյուր հնգամյա շրջափուլում ավագ եւ միջին բուժաշխատողները սույն հոդվածի 4-րդ մասով նախատեսված ՇՄԶ կրեդիտների քանակը լրացնում են շարունակական մասնագիտական զարգացումն ապահովող իրենց կողմից ընտրված միջոցառումներին եւ Կառավարության կողմից հաստատված պարտադիր շարունակական մասնագիտական զարգացումն ապահովող միջոցառումների ցանկում ներառված բոլոր միջոցառումներին մասնակցելով։

4.2. Սույն հոդվածի 6-րդ մասով նախատեսված օտարերկրյա եւ միջազգային կազմակերպությունների կողմից կազմակերպվող շարունակական մասնագիտական զարգացումն ապահովող միջոցառումներին առցանց մասնակցության դեպքում դրանց համար նախատեսված վճարի փոխհատուցման կարգը եւ դեպքերը սահմանում է Կառավարությունը։

8. Հայաստանի Հանրապետության Կառավարության 2017 թվականի հոկտեմբերի 5-ի N 1260-ն որոշման մեջ դրամարկղ կանխիկ դրամի մուտքագրման (ընդունման) դեպքում մուտքի օրդրների կազմման, էլեկտրոնային դրամարկղային գրքում կանխիկ դրամի մուտքագրումների եւ ելքագրումների գրանցումների, յուրաքանչյուր ամսվա վերջնական ամփոփումից հետո սխալ գրանցում հայտնաբերելու դեպքում դրանց հաշվարկի իրականացման վերաբերյալ լրացումներ եւ փոփոխություններ կատարելու մասին

Օրենսդրական ակտի անվանումը՝

Հայաստանի Հանրապետության Կառավարության 2017 թվականի հոկտեմբերի 5-ի Ո 1260-ն որոշման
մեջ լրացումներ եւ փոփոխություններ կատարելու մասին N 1401-Ն Որոշում

Փոփոխության կարգավիճակը՝

Օրենքի փոփոխությունը ուժի մեջ է մտել 06.12.2024 թ-ից

Ինչին են վերաբերում փոփոխությունները՝

Օրենքի փոփոխությունը վերաբերում է «Դրամարկղային գործառնությունների իրականացման, դրանց
փաստաթղթավորման, դրամարկղային գրքի գրանցման եւ դրամարկղային գրքի վարման կարգը, ինչպես նաեւ առհաշիվ տրված կանխիկ դրամով գումարների նկատմամբ ժամկետային սահմանափակումները սահմանելու մասին» օրենքում փոփոխություններ եւ լրացումներ կատարելուն։
Մասնավորապես՝ կազմակերպության կամ անհատ ձեռնարկատիրոջ դրամարկղ կանխիկ դրամի
մուտքագրման (ընդունման) դեպքում մուտքի օրդերը կազմմանը, էլեկտրոնային դրամարկղային
գրքում կանխիկ դրամի մուտքագրումների եւ ելքագրումների գրանցումները վերջնական ամփոփմանը,
յուրաքանչյուր ամսվա վերջնական ամփոփումից հետո սխալ գրանցում հայտնաբերելու դեպքում
դրանց հաշվարկի իրականացմանը։

Հայաստանի Հանրա պետության կառավարության 2017 թվականի հոկտեմբերի 5-ի «Դրամարկղային գործառնությունների իրականացման, դրանց փաստաթղթավորման, դրամարկղային գրքի գրանցման եւ դրամարկղային գրքի վարման կարգը, ինչպես նաեւ առհաշիվ տրված կանխիկ դրամով գումարների նկատմամբ ժամկետային սահմանափակումները սահմանելու մասին» N 1260-Ն որոշման N 1 հավելվածում կատարել հետեւյալ լրացումները եւ փոփոխությունները՝ 23-րդ կետից հետո լրացնել հետեւյալ բովանդակությամբ 23.1-ին կետով՝

23.1. Նույն արժույթի մասով կազմակերպությունը կամ անհատ ձեռնարկատերը կարող է վարել մեկից ավելի էլեկտրոնային դրամարկղային գիրք։

28-րդ կետից հետո լրացնել հետեւյալ բովանդակությամբ 28.1-ին կետով

28.1. Էլեկտրոնային դրամարկղային գիրքը համարվում է գրանցված (վերագրանցված) էլեկտրոնային դրամարկղային գրքի գրանցման (վերագրանցման) հայտը ՀՀ ՊԵԿ ներկայացնելու օրվանից:

31-րդ կետից հետո լրացնել հետեւյալ բովանդակությամբ 31.1-ին եւ 31.2-րդ կետերով՝

31.1. Կազմակերպության կամ անհատ ձեռնարկատիրոջ դրամարկղ կանխիկ դրամի մուտքագրման (ընդունման) դեպքում մուտքի օրդերը կազմվում է կանխիկ դրամը դրամարկղ մուտքագրելու (ընդունելու) պահին։
31.2. Կազմակերպության կամ անհատ ձեռնարկատիրոջ դրամարկղից կանխիկ դրամի ելքագրման (վճարման) դեպքում ելքի օրդերը կազմվում է կանխիկ դրամը դրամարկղից ելքագրելու պահին, բացառությամբ տեղեկագրով կատարված վճարումների, որոնց դեպքում ելքի օրդերը կազմվում է սույն կարգի 9-րդ կետում նշված ժամկետներին համապատասխան։.

32-րդ կետը շարադրել հետեւյալ խմբագրությամբ՝

Հին տարբերակ

Էլեկտրոնային դրամարկղային գրքի վարման համար պատասխանատու անձը (օգտվողը) կանխիկ դրամի բոլոր մուտքագրումները եւ ելքագրումները յուրաքանչյուր մուտքի եւ ելքի օրդերի հիման վրա առանձին ըստ կանխիկ դրամի մուտքի եւ ելքի հաջորդականության, դարանի համապատասխան էլեկտրոնային գրքում կատարում է գրանցումները` պարտադիր լրացնելով մուտքի եւ ելքի օրդերի համարը, ամսաթիվը եւ գումարը: Էլեկտրոնային դրամարկղային գրքում գրանցումները կատարվում են յուրաքանչյուր մուտքի կամ ելքի օրդերի հիման վրա՝ ոչ ուշ, քան սույն կարգի 33- րդ կետում նշված էլեկտրոնային դրամարկղային գրքում կանխիկ դրամի մուտքագրումների եւ ելքագրումների գրանցումների ամփոփման օրը ներառյալ: Էլեկտրոնային դրամարկղային գրքում մուտքի եւ ելքի օրդերների վերաբերյալ տվյալները գրանցվում են գործողության կատարման ամսաթվով: Տեղեկագրով կանխիկ դրամ վճարելիս` էլեկտրոնային դրամարկղային գրքում գրանցումը կատարվում է սույն կարգի 9- րդ կետում նշված ժամկետում դրամարկղային ելքի օրդերի կազմման օրը:

Նոր տարբերակ

Էլեկտրոնային դրամարկղային գրքի վարման համար պատասխանատու անձը (օգտվողը) կանխիկ դրամի բոլոր մուտքագրումների եւ ելքագրումների համար կազմված մուտքի եւ (կամ) ելքի օրդերների հիման վրա, ըստ դրանց կազմման հաջորդականության, բացառությամբ սույն կետում նշված դեպքի, էլեկտրոնային գրքում կատարում է գրանցումներ` պարտադիր լրացնելով մուտքի եւ ելքի օրդերի համարը, կազմման ամսաթիվն ու գումարը: Մուտքի եւ (կամ) ելքի օրդերների վերաբերյալ տվյալները էլեկտրոնային դրամարկղային գրքում գրանցվում են ոչ ուշ, քան մուտքի եւ (կամ) ելքի օրդերների կազմման օրվան հաջորդող 5 աշխատանքային օրվա ընթացքում։ Գրանցումը կատարվում է գրանցման գործողության կատարման ամսաթվով։ Էլեկտրոնային դրամարկղային գրքում մուտքի եւ (կամ) ելքի օրդերի գրանցումից հետո՝ գրանցված համար կրկնող նոր մուտքի եւ (կամ) ելքի օրդեր գրանցելու համար տող ավելացվելու դեպքում՝ նոր գրանցվող մուտքի եւ (կամ) ելքի օրդերի համարակալումը կատարվում է գրանցված համարի եւ «I»-ի համապատասխան համարի նշումով։

33-րդ կետում 1-ին նախադասությունը շարադրել հետեւյալ խմբագրությամբ՝

Հին տարբերակ

Էլեկտրոնային դրամարկղային գրքում կանխիկ դրամի մուտքագրումների եւ ելքագրումների գրանցումները վերջնական ամփոփվում են յուրաքանչյուր ամիսը մեկ անգամ` ամսվա վերջին օրվա դրությամբ, տվյալ ամսվան հաջորդող որեւէ աշխատանքային օրվա ընթացքում, բայց ոչ ուշ մինչեւ տվյալ աշխատանքային օրվա ընթացքում էլեկտրոնային դրամարկղային գրքում կանխիկ դրամի մուտքագրման կամ ելքագրման վերաբերյալ գրանցում կատարելը: Էլեկտրոնային դրամարկղային գրքի գրանցումներն ամփոփելիս լրացվում են դրամարկղում կանխիկ դրամի մնացորդը տվյալ ամսվա սկզբի (սկզբնական մնացորդ) եւ տվյալ ամսվա վերջի (վերջնական մնացորդ) դրությամբ, ինչպես նաեւ տվյալ ամսվա վերջին օրվա դրությամբ բոլոր մուտքագրված եւ ելքագրված գումարների հանրագումարները: Էլեկտրոնային եղանակով դրամարկղային գրքում առաջին անգամ գրանցումներ կատարելու (այդ թվում` էլեկտրոնային դրամարկղային գրքի վերագրանցումից հետո) դրամարկղային գրքի գրանցման (վերագրանցման) օրվա դրությամբ սկզբնական մնացորդը լրացվում է պատասխանատու անձի (օգտվողի) կողմից, որը համարվում է գրանցման (վերագրանցման) օրը ներառող ամսվա սկզբնական մնացորդ: Էլեկտրոնային եղանակով դրամարկղային գրքի վարման դադարեցման դեպքում էլեկտրոնային դրամարկղային գրքում կանխիկ դրամի մուտքագրումների եւ ելքագրումների գրանցումները վերջնական ամփոփվում են մինչեւ էլեկտրոնային եղանակով դրամակղային գրքի վարման դադարեցման օրը` այդ օրվան նախորդող վերջին օրը համարելով դրամարկղային գրքի վարման դադարեցման օրը ներառող ամսվա վերջին օր:

Նոր տարբերակ

"Էլեկտրոնային դրամարկղային գրքում կանխիկ
դրամի մուտքագրումների եւ ելքագրումների
գրանցումները վերջնական ամփոփվում են
յուրաքանչյուր ամիսը մեկ անգամ` ամսվա վերջին
օրվա դրությամբ, այդ օրվան անմիջապես հաջորդող
ամսվա որեւէ օրվա ընթացքում, բայց ոչ ուշ, քան
էլեկտրոնային դրամարկղային գրքում հաջորդող
ամսվան վերաբերող մուտքի եւ (կամ) ելքի օրդերների
տվյալների գրանցումը: Էլեկտրոնային
դրամարկղային գրքում հաջորդող ամսվան
վերաբերող մուտքի եւ (կամ) ելքի օրդերների
տվյալներ չեն կարող գրանցվել, քանի դեռ դրան նախորդող ամիսը վերջնական չի ամփոփվել։ Հարկ
վճարողի կողմից յուրաքանչյուր ամսվա համար
մինչեւ այդ ամսվան անմիջապես հաջորդող ամսվա
վերջին օրը ներառյալ էլեկտրոնային դրամարկղային
գրքում կանխիկ դրամի մուտքագրումների եւ
ելքագրումների գրանցումների վերաբերյալ
վերջնական ամփոփում չկատարվելու դեպքում
յուրաքանչյուր ամսվա վերջնական ամփոփումը
կատարվում է համակարգի կողմից ինքնաշխատ՝ այդ
ամսվան անմիջապես հաջորդող ամսվա վերջին օրը:.

4-րդ կետից հետո լրացնել հետեւյալ բովանդակությամբ 34.1-ին, 34.2-րդ եւ 34.3-րդ կետերով՝

34.1. Էլեկտրոնային դրամարկղային գրքի գրանցման (վերագրանցման) օրվա դրությամբ սկզբնական մնացորդի սխալ գրանցում հայտնաբերելու դեպքում` էլեկտրոնային դրամարկղային գրքի վարման համար պատասխանատու անձը (օգտվողը) սխալ գրառում պարունակող տողի խմբագրումն իրականացնում է սույն կարգի 34-րդ կետում նշված կարգով։

34.2. Էլեկտրոնային դրամարկղային գրքում կատարված գրանցումներում յուրաքանչյուր ամսվա վերջնական ամփոփումից հետո սխալ գրանցում հայտնաբերելու դեպքում էլեկտրոնային դրամարկղային գրքի վարման համար պատասխանատու անձը (օգտվողը) սխալ գրառում պարունակող տողի խմբագրումն իրականացնում է սույն կարգի 34-րդ կետում նշված կարգով, իսկ չգրանցված մուտքի եւ (կամ) ելքի օրդեր հայտնաբերելու դեպքում էլեկտրոնային դրամարկղային գրքի վարման համար պատասխանատու անձը (օգտվողը) տվյալ մուտքի եւ (կամ) ելքի օրդերը էլեկտրոնային դրամարկղային գրքում գրանցում է այն ամսվա մեջ, որին վերաբերում է տվյալ մուտքի եւ (կամ) ելքի օրդերը։

34.3. Սույն կարգի 34.1-ին եւ 34.2-րդ կետերով սահմանված դեպքերում կատարվում է տվյալ եւ հետագա ամիսների հաշվարկների վերահաշվարկ։

9. Հայաստանի Հանրապետության հանրային ծառայությունները կարգավորող հանձնաժողովի 2022 թվականի հոկտեմբերի 5-ի N 391-ն որոշման մեջ հանրային էլեկտրոնային հաղորդակցության շարժական կապի լայնաշերտ տեխնոլոգիաների բացօթյա ծածկույթների հասանելիության չափանիշի վերաբերյալ փոփոխություններ
կատարելու մասին

Օրենսդրական ակտի անվանումը՝

Հայաստանի Հանրապետության հանրային ծառայությունները կարգավորող հանձնաժողովի 2022
թվականի հոկտեմբերի 5-ի N 391-ն որոշման մեջ փոփոխություններ կատարելու մասին N 385-Ն Որոշում.

Փոփոխության կարգավիճակը՝

Օրենքի փոփոխությունը ուժի մեջ է մտել 06.12.2024 թ-ից

Ինչին են վերաբերում փոփոխությունները՝

Օրենքի փոփոխությունը վերաբերում է հանրային էլեկտրոնային հաղորդակցության շարժական կապի
ցանցի օպերատորի (այսուհետ՝ Օպերատոր) հանրային էլեկտրոնային հաղորդակցության շարժական
կապի լայնաշերտ (4G/LTE, 5G/NR) տեխնոլոգիաների բացօթյա ծածկույթների (այսուհետ՝ Ծածկույթ)
հասանելիության չափանիշը սույն կետի աղյուսակով նախատեսված՝ Օպերատորի ռադիոծածկույթի
աշխատունակությունն ապահովող բազային կայանի ազդանշանի (ռադիոհաճախականություն)
սահմանային (նվազագույն) պարամետրերի համաձայն՝ Օպերատորի Ծածկույթի հասանելիության
ապահովումանը։ Մասնավորապես՝ փոփոխություն է տեղի ունեցել նաեւ հասանելիության չափանիշի
աղյուսակում։

Որոշմամբ սահմանված հավելվածի 1-ին կետում «(LTE) տեխնոլոգիայի բացօթյա ծածկույթի» բառերը փոխարինել «(4G/LTE, 5G/NR) տեխնոլոգիաների բացօթյա ծածկույթների» բառերով եւ նույն կետի աղյուսակը շարադրել հետեւյալ խմբագրությամբ.

Հանրային էլեկտրոնային հաղորդակցության շարժական կապի ցանցի օպերատորի (այսուհետ՝ Օպերատոր) հանրային էլեկտրոնային հաղորդակցության շարժական կապի լայնաշերտ (4G/LTE, 5G/NR) տեխնոլոգիաների բացօթյա ծածկույթների (այսուհետ՝ Ծածկույթ) հասանելիության չափանիշը սույն կետի աղյուսակով նախատեսված՝ Օպերատորի ռադիոծածկույթի աշխատունակությունն ապահովող բազային կայանի ազդանշանի (ռադիոհաճախականություն) սահմանային (նվազագույն) պարամետրերի համաձայն՝ Օպերատորի Ծածկույթի հասանելիության ապահովումն է։ Սույն կետի աղյուսակի իմաստով շինություններ ներթափանցելիս ազդանշանի թուլացման միջին գործակիցը 10դԲ է։ Սույն կետի աղյուսակով նախատեսված պարամետրերի ապահովումը՝ շինություններ ներթափանցելիս ազդանշանի թուլացման գործակցի կիրառմամբ, ենթադրում է շինությունների
ներսում ազդանշանի հաջող ներթափանցման առնվազն 75 տոկոս հավանականություն։

Ազդանշանի (ընդունման) հզորությունը (RSRP, SS-RSRP) չբնակեցված տարածքների (բացօթյա տարածք) եւ ճանապարհների դեպքում (դԲմ)	Ազդանշանի (ընդունման) հզորությունը (RSRP, SS-RSRP) բնակեցված տարածքների դեպքում (բացօթյա տարածք)՝ շինություններ ներթափանցելիս ազդանշանի թուլացման գործակցի կիրառմամբ (դԲմ)
	միջին	ուժեղ
≥-115	≥-105	≥-95

10. Հայաստանի Հանրապետության կառավարության 2019 թվականի փետրվարի 28-ի N
156-ն որոշման մեջ փոփոխություններ եւ լրացումներ կատարելու մասին

Օրենսդրական ակտի անվանումը՝

Հայաստանի Հանրապետության կառավարության 2019 թվականի փետրվարի 28-ի N 156-ն որոշման մեջ փոփոխություններ եւ լրացումներ կատարելու մասին N 1899-Ն որոշում.

Փոփոխության կարգավիճակը՝

Օրենքի փոփոխությունը ուժի մեջ է մտել 15.12.2024 թ-ից

Ինչին են վերաբերում փոփոխությունները՝

Որոշման փոփոխությունը մասնավորապես վերաբերում է դեղերի մեծածախ իրացման լիցենզիա
ունեցող իրավաբանական անձանց եւ անհատ ձեռնարկատերերի տարածքներում դեղերի մեծածախ
իրացման լիցենզիա ստանալուց հետո առաջին 3 տարվա ընթացքում ընթացիկ դիտարկումներներին,
դեղերի մեծածախ իրացման գործունեության շրջանակին, ՊԲԳ-ի համապատասխանության
գնահատման արդյունքների հիման դիտարկման հաշվետվության տրամադրմանը։

Հայաստանի Հանրապետության կառավարության 2019 թվականի փետրվարի 28-ի «Մատակարարի հավաստագրման նպատակով մասնագիտական դիտարկման եւ պատշաճ բաշխման գործունեության հավաստագրի տրամադրման կարգը, դեղերի մեծածախ իրացման
լիցենզավորման նպատակով փորձաքննության կարգը եւ անհրաժեշտ փաստաթղթերի ցանկը սահմանելու մասին» N 156-Ն որոշման (այսուհետ՝ որոշում) N 1 հավելվածում 5-րդ կետը շարադրել հետեւյալ խմբագրությամբ.

5. Դեղերի մեծածախ իրացման լիցենզիա ունեցող իրավաբանական անձանց եւ անհատ ձեռնարկատերերի տարածքներում դեղերի մեծածախ իրացման լիցենզիա ստանալուց հետո առաջին 3 տարվա ընթացքում ընթացիկ դիտարկումներն իրականացվում են ամեն տարի, այնուհետեւ` յուրաքանչյուր 2 տարին մեկ անգամ՝ բացառությամբ այն դեպքերի, երբ ՊԲԳ հավաստագիրը տրված է ավելի երկար ժամկետով:

18-րդ կետը «իրականացման ժամանակացույցով:» բառերից հետո լրացնել հետեւյալ բովանդակությամբ նոր նախադասություններով.

ՊԲԳ-ի փորձագետը թերությունների վերացման ու կանխարգելման միջոցառումների ծրագիրն ստանալուց հետո առավելագույնը 10 աշխատանքային օրվա ընթացքում էլեկտրոնային փոստով ուղարկում է ծանուցում այդ ծրագրի համաձայնեցման մասին կամ ներկայացնում հիմնավորված առարկություններ: Մատակարարն առավելագույնը 5 աշխատանքային օրվա ընթացքում ներկայացնում է առարկությունների հիման վրա թերությունների վերացման ու կանխարգելման միջոցառումների ծրագրի շտկված տարբերակը:

20-րդ կետը շարադրել հետեւյալ խմբագրությամբ

20. ՊԲԳ-ի համապատասխանության գնահատման արդյունքների հիման վրա դիտարկման ավարտից հետո առավելագույնը 20 աշխատանքային օրվա ընթացքում կազմվում եւ մատակարարին է տրամադրվում դիտարկման հաշվետվություն` համաձայն սույն կարգի N 1 ձեւի, եթե չեն հայտնաբերվել կրիտիկական ու խոշոր թերություններ: Վերջիններիս առկայության դեպքում, եթե սույն կարգով սահմանված ժամկետում ներկայացվել եւ համաձայնեցվել է թերությունների վերացման ու կանխարգելման միջոցառումների ծրագիրը, ապա դիտարկման հաշվետվությունը տրամադրվում է դրա կատարման մասին հաշվետվության ներկայացման օրվանից առավելագույնը 20 աշխատանքային օրվա
ընթացքում: Սահմանված ժամկետում թերությունների վերացման ու կանխարգելման միջոցառումների ծրագիրը կամ դրա շտկված տարբերակը չներկայացնելու դեպքում դիտարկման ավարտից հետո առավելագույնը 60 աշխատանքային օրվա ընթացքում տրամադրվում է ՊԲԳ անհամապատասխանության վերաբերյալ դիտարկման հաշվետվություն: Համաձայնեցված
թերությունների վերացման ու կանխարգելման միջոցառումների ծրագրի ժամանակացույցին համապատասխան դրա կատարման մասին հաշվետվություն չներկայացնելու դեպքում ՊԲԳ
անհամապատասխանության վերաբերյալ դիտարկման հաշվետվություն է ներկայացվում ժամանակացույցով սահմանված վերջնաժամկետի օրվանից առավելագույնը 20 աշխատանքային օրվա ընթացքում: Դիտարկման հաշվետվությունը մատակարարին է փոխանցվում էլեկտրոնային փոստի միջոցով:

29-րդ կետը շարադրել հետեւյալ խմբագրությամբ:

29. ՊԲԳ հավաստագիրը տրվում է առավելագույնը հինգ տարի ժամկետով՝ ըստ մասնագիտական դիտարկումների արդյունքների գնահատման, որն իրականացվում է լիազոր մարմնի սահմանած ռիսկերի վերլուծության կարգի համաձայն: Լիցենզիա ստանալուց հետո` առաջին երեք տարվա ընթացքում, դեղերի մեծածախ իրացման լիցենզիա ունեցող իրավաբանական անձանց եւ անհատ ձեռնարկատերերի մոտ մասնագիտական դիտարկումներն իրականացվում են ամեն տարի, այնուհետեւ` երկու տարին մեկ, բացառությամբ այն դեպքերի, երբ ՊԲԳ հավաստագիրը տրված է ավելի երկար ժամկետով: Հավաստագրի ժամկետը հաշվարկվում է դիտարկման վերջին օրվանից:

N 1 ձեւում 3-րդ կետը շարադրել հետեւյալ խմբագրությամբ.
3. Դեղերի մեծածախ իրացման գործունեության շրջանակը
- Սերիայի հավաստագրում (սերիայի բացթողում)
- Մատակարարում՝ առանց սերիայի հավաստագրման
Դեղերի մեծածախ իրացման գործունեության տեսակը
1) Ձեռքբերում
2) Ներմուծում
3) Պահպանում
4) Բաշխում
5) Արտահանում».
7) N 2 ձեւի հայցվող մատակարարման գործընթացների ցանկի 1-ին կետը շարադրել հետեւյալ խմբագրությամբ.
«1. Դեղերի մեծածախ իրացման գործունեության շրջանակը
- Սերիայի հավաստագրում (սերիայի բացթողում)
- Մատակարարում՝ առանց սերիայի հավաստագրման
Դեղերի մեծածախ իրացման գործունեության տեսակը
1) Ձեռքբերում
2) Ներմուծում
3) Պահպանում
4) Բաշխում
5) Արտահանում

11. Հայաստանի Հանրապետությունում դեղի պետական գրանցման, վերագրանցման, հավաստագրի ժամկետի երկարաձգման, ինչպես նաեվ գրանցումը, վերագրանցումը, հավաստագրի ժամկետի երկարաձգումը մերժելու, գրանցումը կասեցնելու եվ ուժը կորցրած ճանաչելու» որոշման մեջ փոփոխություններ եւ լրացումներ կատարելու մասին

Օրենսդրական ակտի անվանումը՝

Հայաստանի Հանրապետության կառավարության 2019 թվականի փետրվարի 28-ի N 162-ն որոշման մեջ փոփոխություններ եւ լրացումներ կատարելու մասին N 1873-Ն որոշում

Փոփոխության կարգավիճակը՝

Օրենքի փոփոխությունը ուժի մեջ է մտել 08.12.2024 թ-ից

Ինչին են վերաբերում փոփոխությունները՝

Օրենքի փոփոխությունը մասնավորապես վերաբերում է«Դեղի պետական գրանցման,
վերագրանցման, հավաստագրի ժամկետի երկարաձգման, ինչպես նաեվ գրանցումը, վերագրանցումը,
հավաստագրի ժամկետի երկարաձգումը մերժելու, գրանցումը կասեցնելու եւ ուժը կորցրած ճանաչելու»
որոշման մեջ փոփոխություններ եվ լրացումներ կատարելու մասին» օրենքում փոփոխություններ եւ
լրացումներ կատարելուն։ Մասնավորապես՝ փոփոխություն է տեղի ունեցել մարդու օգտագործման
դեղերի վերագրանցման կամ դրանց գրանցման փաստաթղթերում կատարվող փոփոխությունների
ժամկետներին, հայտատուի կողմից գրանցումից հրաժարվելուն, դեղի վերագրանցման ժամկետին,
դեղի գրանցման հավաստագրի ժամկետի երկարաձգմանը, հավաստագրի երկարաջգման նպատակով
հավաստագրի ժամկետին եւ որոշմամբ նախատեսված այլ փոփոխություններին։.

4-րդ կետում «, սակայն հավաստագրի ժամկետը չի կարող գերազանցել 2025 թվականի դեկտեմբերի 31-ը» բառերը փոխարինել «՝ Եվրասիական տնտեսական հանձնաժողովի խորհրդի 2016 թվականի նոյեմբերի 3-ի N 78 որոշմամբ սահմանված ժամկետներում եւ պայմաններով» բառերով.

Հին տարբերակ

4. Մինչեւ 2021 թվականի հուլիսի 1-ը Հայաստանի Հանրապետությունում գրանցված մարդու օգտագործման դեղերը կարող են վերագրանցվել կամ դրանց գրանցման փաստաթղթերում կատարվել փոփոխություններ՝ սույն կարգի համաձայն, սակայն հավաստագրի ժամկետը չի կարող գերազանցել 2025 թվականի դեկտեմբերի 31-ը:

Նոր տարբերակ

4. Մինչեւ 2021 թվականի հուլիսի 1-ը Հայաստանի Հանրապետությունում գրանցված մարդու օգտագործման դեղերը կարող են վերագրանցվել կամ դրանց գրանցման փաստաթղթերում կատարվել փոփոխություններ՝ սույն կարգի համաձայն՝ Եվրասիական տնտեսական հանձնաժողովի խորհրդի 2016 թվականի նոյեմբերի 3-ի N 78 որոշմամբ սահմանված ժամկետներում եւ պայմաններով:

23-րդ կետը շարադրել հետեւյալ խմբագրությամբ՝

Հին տարբերակ

23. Հայտատուն իրավունք ունի հրաժարվելու գրանցումից` փորձաքննության ցանկացած փուլում: Այդ դեպքում փորձաքննության վճարը վերադարձման ենթակա չէ՝ անկախ փորձաքննության փուլից:

Նոր տարբերակ

23. Հայտատուն իրավունք ունի հրաժարվելու գրանցումից` փորձաքննության ցանկացած փուլում` «Դեղերի մասին» օրենքի 16-րդ հոդվածի 16-րդ մասով սահմանված կարգով:

38-րդ կետը շարադրել հետեւյալ խմբագրությամբ՝

Հին տարբերակ

38. Դեղի վերագրանցման առավելագույն ժամկետը 31 օրացուցային օր է, որի մեջ հաշվարկվում է գրանցման նպատակով փորձաքննության ժամկետը, որի առավելագույն տեւողությունը 21 օրացուցային օր է:

Նոր տարբերակ

38. Դեղի վերագրանցման գործընթացի առավելագույն տեւողությունը 120 օրացուցային օր է, որի մեջ հաշվարկվում է փորձաքննության ժամկետը՝ 110 օրացուցային օր:

45-րդ կետը շարադրել հետեւյալ խմբագրությամբ՝

Հին տարբերակ

45. Դեղի գրանցման հավաստագրի ժամկետի երկարաձգման գործընթացի առավելագույն ժամկետը 10 օրացուցային օր է, ներառյալ՝ փորձաքննության ժամկետը:

Նոր տարբերակ

45. Դեղի գրանցման հավաստագրի ժամկետի երկարաձգման գործընթացի առավելագույն տեւողությունը 30 օրացուցային օր է, որի մեջ հաշվարկվում է փորձաքննության ժամկետը՝ 20 օրացուցային օր:

Որոշման N 2 հավելվածի՝ 6-րդ կետը լրացնել հետեւյալ բովանդակությամբ նոր նախադասությամբ՝

Եթե մեկ հայտով ներկայացված են նույն դեղի տարբեր դեղաչափ (դեղաչափեր), արտադրատարածք (արտադրատարածքներ) եւ կիրառման, փաթեթավորման եւ թողարկման ձեւ (ձեւեր), ապա լաբորատոր փորձաքննության է ենթարկվում միայն մեկ դեղ՝ պատահական ընտրությամբ:

9-րդ կետը շարադրել հետեւյալ խմբագրությամբ՝

Հին տարբերակ

9. Փորձաքննությունը սկսվում է
կազմակերպության կողմից հայտը ստանալու
մասին ծանուցում ուղարկելուց հետո՝
պետական տուրքի եւ Հայաստանի
Հանրապետությունում չարգելված ցանկացած
եղանակով փորձաքննության վարձի վճարման
փաստը հավաստող փաստաթղթերի
առկայության դեպքում:.

Նոր տարբերակ

9. Փորձաքննությունը սկսվում է կազմակերպության
կողմից հայտը ստանալու մասին ծանուցում
ուղարկելուց հետո՝ փորձաքննության համար
սահմանված պետական տուրքի վճարման փաստը
հավաստող փաստաթղթերի առկայության դեպքում:

10-րդ կետը շարադրել հետեւյալ խմբագրությամբ՝

Հին տարբերակ

10. Նույն դեղի յուրաքանչյուր հաջորդ դեղաձեւի, դեղաչափի, արտադրատարածքի եւ թողարկման ձեւի գրանցման համար միաժամանակ հայտ ներկայացնելու դեպքում հայտատուին տրամադրվում է զեղչ՝ Հայաստանի Հանրապետության կառավարության կողմից դրանց գրանցման նպատակով փորձաքննության համար հաստատված վճարի 5 տոկոսի չափով:

Նոր տարբերակ

10. Դեղի առաջին դեղաձեւի, առաջին եւ
յուրաքանչյուր հաջորդ դեղաչափի (դեղաչափերի),
արտադրատարածքի (արտադրատարածքների) եւ
կիրառման, փաթեթավորման եւ թողարկման ձեւի
(ձեւերի)՝ բացառությամբ հաջորդ դեղաձեւի, գրանցման (վերագրանցման, հավաստագրի
ժամկետի երկարաձգման), գրանցված դեղի դոսյեի
համապատասխանեցման նպատակով
փաստաթղթերը միաժամանակ մեկ հայտով
(դիմումով) ներկայացնելու դեպքում
փորձաքննության համար ներկայացվում է մեկ
փորձաքննության իրականացման համար
սահմանված պետական տուրքի վճարման փաստը
հավաստող փաստաթուղթ:

11-րդ կետը շարադրել հետեւյալ խմբագրությամբ՝

Հին տարբերակ

11. Դեղի գրանցման ժամկետի ավարտից վեց ամիս առաջ վերագրանցման հայտը կամ հավաստագրի երկարաձգման դիմումը ներկայացնելու դեպքում հայտատուին տրամադրվում է զեղչ՝ Հայաստանի Հանրապետության կառավարության կողմից վերագրանցման եւ հավաստագրի ժամկետի երկարաձգման նպատակով փորձաքննության համար հաստատված վճարի 5%-ի չափով:

Նոր տարբերակ

11. Գրանցված դեղի յուրաքանչյուր հաջորդ դեղաձեւի, նոր դեղաչափի, արտադրատարածքի, ցուցման, կիրառման, փաթեթավորման եւ թողարկման ձեւերի գրանցման (վերագրանցման, հավաստագրի ժամկետի երկարաձգման) կամ հետգրանցումային փոփոխությունների փաստաթղթերը փորձաքննության ներկայացնելիս ներկայացվում են պետական տուրքի վճարման փաստը հավաստող փաստաթղթերը՝ ըստ յուրաքանչյուր դեպքի համար սահմանված դրույքաչափերի:

12-րդ կետը շարադրել հետեւյալ խմբագրությամբ՝

Հին տարբերակ

12. Ցածր պահանջարկ ունեցող, սակայն կենսականորեն անհրաժեշտ դեղերի գրանցման, վերագրանցման, հավաստագրի ժամկետի երկարաձգման եւ հետգրանցումային փոփոխությունների փորձաքննությունը կարող է անցկացվել լիազոր մարմնի կողմից տրվող պետական պատվերի սահմաններում: Տվյալ դեպքում հայտատուն վճարում է միայն պետական տուրքը:

Նոր տարբերակ

12. Ցածր պահանջարկ ունեցող, սակայն կենսականորեն անհրաժեշտ դեղերի, այդ թվում՝ «որբ» դեղերի գրանցման, վերագրանցման, հավաստագրի ժամկետի երկարաձգման եւ հետգրանցումային փոփոխությունների փորձաքննությունը կարող է անցկացվել լիազոր մարմնի կողմից տրվող պետական պատվերի շրջանակներում: Տվյալ դեպքում հայտատուն վճարում է միայն գրանցման համար սահմանված պետական տուրքը:

20-րդ կետը շարադրել հետեւյալ խմբագրությամբ՝

Հին տարբերակ

20. Եթե փորձաքննության ընթացքում պարզվում է, որ փորձաքննության վճարը չի համապատասխանում գրանցման դեպքին, կատարվում է վճարի վերահաշվարկ՝ ըստ փորձաքննության արդյունքների, որի մասին գրավոր տեղեկացվում է հայտատուին՝ մինչեւ փորձաքննության ավարտը:

Նոր տարբերակ

20. Եթե փորձաքննության ընթացքում պարզվում է, որ փորձաքննության համար վճարված պետական տուրքի գումարը չի համապատասխանում սահմանված չափերին, ապա պակաս վճարված պետական տուրքը ենթակա է վճարման այդ մասին ծանուցագրի ստացման օրվանից 5-օրյա ժամկետում:

45-րդ կետը շարադրել հետեւյալ խմբագրությամբ՝

Հին տարբերակ

45. Փորձաքննության տեւողությունը 21
օրացուցային օր է:

Նոր տարբերակ

45. Փորձաքննության առավելագույն տեւողությունը 110 օրացուցային օր է, որը ներառում է նաեւ անհրաժեշտության դեպքում հետգրանցումային փոփոխությունների փորձաքննության ժամկետը: Փորձաքննության ընթացքում նախորդ հավաստագրի գործողության ժամկետի ավարտից հետո դեղի վերաբերյալ տվյալները պահպանվում են գրանցամատյանում՝ կատարելով նշում այն մասին, որ ներկայացված է վերագրանցման հայտ:

48-րդ կետը լրացնել հետեւյալ բովանդակությամբ նոր նախադասությամբ՝

Եթե փորձաքննության ընթացքում պարզվում է, որ անհրաժեշտ է իրականացնել հետգրանցումային փոփոխություններ, ապա հայտատուին ծանուցում ուղարկելուց հետո գործընթացը դադարեցվում է՝ մինչեւ դրանց վերաբերյալ փաստաթղթերի ներկայացման եւ փորձաքննության ավարտը:»

49-րդ կետը շարադրել հետեւյալ խմբագրությամբ՝

4. ՀԱՎԱՍՏԱԳՐԻ ԺԱՄԿԵՏԻ ԵՐԿԱՐԱՁԳՄԱՆ ՆՊԱՏԱԿՈՎ ՓՈՐՁԱՔՆՆՈՒԹՅՈՒՆԸ

Հին տարբերակ

49. Փորձաքննության առավելագույն տեւողությունը 5 աշխատանքային օր է:

Նոր տարբերակ

49. Փորձաքննության առավելագույն տեւողությունը 20 օրացուցային օր է: Փորձաքննության ընթացքում նախորդ հավաստագրի գործողության ժամկետի ավարտից հետո դեղի վերաբերյալ տվյալները պահպանվում են գրանցամատյանում՝ կատարելով նշում այն մասին, որ ներկայացված է հավաստագրի ժամկետի երկարաձգման դիմում:

ՄԱՍ II. ՆՈՐ ԻՐԱՎԱԿԱՆ ԱԿՏԵՐ

(Իրավական թարմացումների այս բաժնում ներառվում են այն իրավական ակտերը, որոնք ընդունվել են ԱԺ ութերորդ նստաշրջանի ընթացքում)

1. Բարձր տեխնոլոգիաների ոլորտի պետական աջակցության մասին

Օրենսդրական ակտի անվանումը՝

«Բարձր տեխնոլոգիաների ոլորտի պետական աջակցության մասին» օրենք

Ընդունման կարգավիճակը՝

Օրենքը ընդունվել է 04.12.2024թվականին երկրորդ ընթերցմամբ եւ ամբողջությամբ։

http://www.parliament.am/draftreading_docs8/K-952_DR2.pdf

Ինչին են վերաբերում փոփոխությունները՝

Օրենքի նպատակը բարձր տեխնոլոգիական ոլորտի, ինչպես նաեւ գիտահետազոտական աշխատանքների համար պետական աջակցության գործիքակազմի եւ հարկային արտոնությունների շրջանակի վերանայումն է՝ նպատակ ունենալով ստեղծել ավելի բարենպաստ պայմաններ նշյալ ոլորտներում առաջանցիկ զարգացում ապահովելու համար:
Օրենքով առաջարկվում է սահմանել հարկային արտոնությունները եւ բյուջետային աջակցության հետեւյալ ուղղությունները, որոնցից են՝

1) վերաիմաստավորել եւ վերանայել բարձր տեխնոլոգիական ոլորտում գործունեություն իրականացվող տնտեսավարող սուբյեկտների համար գործող օրենսդրությամբ նախատեսված՝ հարկային արտոնությունների շրջանակը,

2) ընդլայնել գիտական հետազոտությունների եւ փորձարարական մշակումների (գիտահետազոտական՝ R&D) աշխատանքների մասով գործող հարկային արտոնությունների շրջանակը: Ընդ որում, այս ուղղությամբ առաջարկվող հարկային արտոնությունները վերաբերելու են ոչ միայն բարձր տեխնոլոգիական ոլորտի տնտեսավարող սուբյեկտներին, այլ բոլոր ոլորտներում գիտական
հետազոտությունների եւ փորձարարական մշակումների աշխատանքներ կատարող տնտեսավարող
սուբյեկտներին:

Մասնավորապես, առաջարկվում է հարկային արտոնություններ, որոնցից են շրջանառության հարկի
դրույքաչափի նվազեցում 2.5 անգամ՝ 5 տոկոսի փոխարեն սահմանելով 2 տոկոս, մասնագիտական
աշխատանք կատարող անձնակազմին վճարվող աշխատավարձի 200 տոկոսի չափով շահութահարկով
հարկման նպատակով համախառն եկամուտը հավելյալ նվազեցնելու հնարավորության նախատեսում,
բայց ոչ ավելի, քան հաշվարկված հարկման բազայի 50 տոկոսը, ինչպես նաեւ գիտական
հետազոտությունների եւ փորձարարական մշակումների աշխատանքներում ներգրավված
մասնագիտական անձնակազմին վճարվող աշխատավարձի եւ դրան հավասարեցված եկամուտների մասով եկամտային հարկի դրույքաչափի կիսով չափ նվազեցում՝ 20-ից 10 տոկոս եւ այլ օրենքով սահմանված արտոնություններ։

«Բարձր տեխնոլոգիաների ոլորտի պետական աջակցության մասին» օրենքի ընդունմամբ,
համապատասխան փոփոխություններ եւ լրացումներ են կատարվելու նաեւ հարակից՝ «Հայաստանի Հանրապետության հարկային օրենսգրքում, ինչը պայմանավորված է բարձր տեխնոլոգիական ոլորտի,
ինչպես նաեւ գիտահետազոտական աշխատանքների համար պետական աջակցության գործիքակազմի եւ հարկային արտոնությունների շրջանակի վերանայմամբ եւ գիտահետազոտական աշխատանքների
իրականացման համար նպաստավոր պայմանների ձեւավորմամբ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ

ԲԱՐՁՐ ՏԵԽՆՈԼՈԳԻԱՆԵՐԻ ՈԼՈՐՏԻ ՊԵՏԱԿԱՆ ԱՋԱԿՑՈՒԹՅԱՆ ՄԱՍԻՆ

Հոդված 1. Օրենքի կարգավորման առարկան
1. Սույն օրենքը սահմանում է բարձր տեխնոլոգիաների ոլորտի պետական աջակցության հիմնական սկզբունքները եւ կարգավորում է այդ ոլորտում պետական աջակցության իրականացման համակարգի ձեւավորման եւ գործունեության հետ կապված հարաբերությունները:

Հոդված 2. Բարձր տեխնոլոգիաների ոլորտի պետական աջակցության մասին օրենսդրությունը
1. Բարձր տեխնոլոգիաների ոլորտի պետական աջակցության մասին օրենսդրությունը բաղկացած է սույն օրենքից, Հայաստանի Հանրապետության քաղաքացիական օրենսգրքից եւ այլ իրավական ակտերից:
2. Եթե Հայաստանի Հանրապետության միջազգային պայմանագրերով սահմանված են այլ նորմեր,
քան նախատեսված են սույն օրենքով, ապա կիրառվում են միջազգային պայմանագրերի նորմերը:

Հոդված 3. Օրենքում օգտագործվող հիմնական հասկացությունները
1. Սույն օրենքում օգտագործվում են հետեւյալ հիմնական հասկացությունները.
1) բարձր տեխնոլոգիաներ՝ նոր հնարավորությունների, տեղեկատվության, գիտելիքի, փորձի, նյութական միջոցների ամբողջություն, որը միտված է տնտեսությունում մրցունակ արտադրանք մշակելուն, ստեղծելուն, արտադրելուն, եւ որի հիմքում դրված են գիտատեխնիկական նորարարությունները, ներառյալ՝ տեղեկատվական տեխնոլոգիաները.
2) տեղեկատվական տեխնոլոգիաներ՝ համակարգչային հիմքի վրա, մասնավորապես ծրագրային ապահովման, սպասարկման կամ կառավարման տեղեկատվական համակարգեր, ինչպես նաեւ բոլոր ձեւաչափերով տեղեկատվություն, ներառյալ` տվյալներ, պատկերներ (շարժական, անշարժ) ստեղծելու, փոխակերպելու, պահպանելու, պաշտպանելու, մշակելու, փոխանցելու եւ անվտանգ հայթայթելու համար օգտագործվող տեխնոլոգիաների բոլոր տեսակները.
3) hարթակ` ինքնաշխատ ծրագրային համակարգ, որի միջոցով ներկայացվում են համապատասխան դիմումներն ու կազմակերպվում է պետական աջակցության տրամադրումը.
4) վարձու աշխատող՝ աշխատանքային կամ քաղաքացիաիրավական պայմանագրին համապատասխան աշխատանքներ կատարող.
5) բարձր տեխնոլոգիաների ոլորտի կազմակերպություն կամ անհատ ձեռնարկատեր՝ Հայաստանի Հանրապետության ռեզիդենտ իրավաբանական անձինք կամ անհատ
ձեռնարկատերեր, որոնց ավելացված արժեքի հարկի եւ (կամ) շրջանառության հարկի հարկային հաշվարկներով հայտարարագրած գործունեության բոլոր տեսակներից իրացման շրջանառության առնվազն 90%-ը պետական աջակցության տրամադրման հաշվետու ժամանակաշրջանում ձեւավորվել է բարձր տեխնոլոգիաների ոլորտի գործունեության տեսակներից: Բարձր տեխնոլոգիաների ոլորտի գործունեության տեսակների որոշման համար հիմք է ընդունվում սույն կետում նշված հաշվարկներով (հաշվետվությամբ) հայտարարագրած տնտեսական գործունեության տեսակների դասակարգիչները.
6) իազոր մարմին՝ բարձր տեխնոլոգիաների, տեղեկատվայնացման, տեղեկատվական տեխնոլոգիաների եւ ինովացիոն ոլորտներում Կառավարության քաղաքականությունը մշակող եւ իրականացնող լիազոր մարմին.
7) պետական աջակցություն՝ բարձր տեխնոլոգիաների ոլորտի կազմակերպություններին կամ անհատ ձեռնարկատերերին Հայաստանի Հանրապետության պետական բյուջեից սույն օրենքի 5-րդ հոդվածի 4-րդ մասի համաձայն յուրաքանչյուր եռամսյակ տրամադրվող գումար.

8) աշխատանքային միգրանտ՝ օտարերկրյա քաղաքացի կամ քաղաքացիություն չունեցող եւ Հայաստանի Հանրապետությունում օրինական աշխատանքային իրավունք ունեցող
մասնագիտական աշխատանք կատարող վարձու աշխատող: Հայաստանի Հանրապետության քաղաքացիություն ունեցող երկքաղաքացին սույն օրենքի իմաստով աշխատանքային միգրանտ չի համարվում.
9) նոր աշխատող` մինչեւ 30 տարեկանը ներառյալ, առաջին անգամ բարձր տեխնոլոգիաների ոլորտ մուտք գործած եւ Կառավարության կողմից սահմանված բարձր տեխնոլոգիական ոլորտի մասնագիտական աշխատանքների ցանկում ներառված զբաղմունքներով զբաղվող մասնագիտական
վարձու աշխատող.
10) մասնագիտական աշխատանք՝ Կառավարության կողմից սահմանված ցանկում ներառված զբաղմունքներով զբաղվող անձնակազմի մասնագիտական աշխատանք.
11) պետական աջակցության տրամադրման հաշվետու ժամանակաշրջան՝ միգրանտների եւ նոր աշխատողների դեպքում՝ եռամսյակ, իսկ կադրերի պատրաստման եւ վերապաստրաստման գծով՝ ավարտական վկայականի տրման օրը:

Հոդված 4. Բարձր տեխնոլոգիաների ոլորտի պետական աջակցության սկզբունքները եւ նպատակները
1. Բարձր տեխնոլոգիաների ոլորտի պետական աջակցությունն իրականացվում է պետության եւ մասնավոր հատվածի համագործակցության, ինչպես նաեւ հրապարակայնության սկզբունքների հիման վրա:
2. Բարձր տեխնոլոգիաների ոլորտում պետական աջակցության նպատակն է բարձր տեխնոլոգիաների`
1) մրցունակության բարձրացումը,
2) նոր աշխատուժի ներգրավումը,
3) աշխատողների հմտությունների շարունակական բարձրացումը,
4) որպես արտադրանք արտահանող երկրի դիրքերի ամրապնդումը:

Հոդված 5. Բարձր տեխնոլոգիաների ոլորտի պետական աջակցության իրականցումը
1. Բարձր տեխնոլոգիաների ոլորտի պետական աջակցության ենթակա գործունեության տեսակները՝ ըստ տնտեսական գործունեության դասակարգիչների, սահմանում է Կառավարությունը:
2. Բարձր տեխնոլոգիաների ոլորտի կազմակերպություններին կամ անհատ ձեռնարկատերերին (այսուհետ նաեւ՝ տնտեսավարող սուբյեկտ) պետական աջակցությունը տրամադրվում է սույն օրենքով: Պետական աջակցության այլ ուղղություններ կարող են սահմանվել Հայաստանի Հանրապետության հարկային օրենսգրքով եւ այլ օրենսդրական ակտերով:
3. Լիազոր մարմինը, հաշվի առնելով բարձր տեխնոլոգիաների ոլորտի զարգացման գերակայությունները՝ կարող է մշակել եւ Կառավարության հաստատմանը ներկայացնել պետական աջակցության տրամադրման այլ կարգեր:
4. Կառավարության կողմից սահմանված պետական աջակցության ենթակա տնտեսական գործունեության դասակարգիչներով նշված գործունեությամբ զբաղվող տնտեսավարող սուբյեկտներին պետական աջակցությունը տրամադրվում է՝
1) աշխատանքային միգրանտների ներգրավման համար, որոնք իրականացնում են մասնագիտական աշխատանք եւ համարվում են տվյալ տնտեսավարող սուբյեկտի վարձու աշխատողները: Սույն ենթակետով սահմանված պետական աջակցությունը տնտեսավարող սուբյեկտին տրամադրվում է աշխատանքային միգրանտի աշխատավարձի եւ դրան հավասարեցված այլ վճարումների գծով հաշվարկված եկամտային հարկի գումարի 50 տոկոսի չափով.
2) նոր աշխատողների ներգրավման համար, ընդ որում՝
ա. նոր աշխատողների աշխատավարձի եւ դրան հավասարեցված այլ վճարումների գծով հաշվարկված եկամտային հարկի գումարի 100 տոկոսի չափով, եթե տնտեսավարող սուբյեկտի բոլոր վարձու աշխատողների եռամսյակային միջին քանակը չի գերազանցում 30-ը,
բ. նոր աշխատողների աշխատավարձի եւ դրան հավասարեցված այլ վճարումների գծով հաշվարկված եկամտային հարկի գումարի 50 տոկոսի չափով, եթե տնտեսավարող սուբյեկտի բոլոր վարձու աշխատողների եռամսյակային միջին քանակը 31 եւ ավելի է.

3) Կառավարության կողմից հաստատված պետական աջակցության ենթակա տնտեսական գործունեության դասակարգիչներով սահմանված գործունեություն իրականացնելու համար անհրաժեշտ մասնագիտական աշխատանք կատարող կադրերի պատրաստման եւ վերապատրաստման գծով կատարված կրթական ծախսերի փոխհատուցման նպատակով, ընդ որում՝
ա. տնտեսավարող սուբյեկտի մասնագիտական աշխատանք կատարող վարձու աշխատողների աշխատավարձի եւ դրան հավասարեցված այլ վճարումների գծով հաշվարկված եկամտային հարկի գումարի 50 տոկոսի չափով, եթե տնտեսավարող սուբյեկտի վարձու աշխատողների եռամսյակային միջին քանակը չի գերազանցում 30-ը,
բ. տնտեսավարող սուբյեկտի մասնագիտական աշխատանք կատարող վարձու աշխատողների աշխատավարձի եւ դրան հավասարեցված այլ վճարումների գծով հաշվարկված եկամտային հարկի գումարի 25 տոկոսի չափով, եթե վարձու աշխատողների եռամսյակային միջին քանակը 31 եւ ավելի է:
5. Սույն հոդվածի 4-րդ մասի 3-րդ կետի «ա» ենթակետի կիրառման դեպքում փոխհատուցումը ներառում է նաեւ կադրերի պատրաստման եւ վերապատրաստման նպատակով տնտեսավարող սուբյեկտի կողմից կատարված գործուղման ծախսերը:
6. Սույն հոդվածի 4-րդ մասի 3-րդ կետի կիրառության դեպքում տնտեսավարող սուբյեկտի միջոցներից կադրերի պատրաստման եւ վերապատրաստման հիմնավորումները (վկայական, վերապատրաստման ծախսերը հիմնավորող փաստաթղթեր եւ այլն) ուսումնասիրվում են լիազոր մարմնի կողմից:
7. Սույն հոդվածի 4-րդ մասի 2-րդ եւ 3-րդ կետերի կիրառության նպատակով՝ վարձու աշխատողների եռամսյակային միջին քանակը որոշվում է հետեւյալ կերպ՝
1) Գործող տնտեսավարող սուբյեկտի համար՝ տվյալ եռամսյակի յուրաքանչյուր ամսվա վերջին օրվա դրությամբ վարձու աշխատողների քանակների հանրագումարը հարաբերելով 3-ի:
2) Տվյալ եռամսյակում նոր ստեղծված (հաշվառված) տնտեսավարող սուբյեկտի համար՝ ստեղծման (հաշվառման) օրվանից մինչեւ եռամսյակի վերջը ընկած ժամանակահատվածում յուրաքանչյուր ամսվա վերջին օրվա դրությամբ աշխատողների քանակների հանրագումարը հարաբերելով տվյալ տնտեսավարող սուբյեկտի ստեղծման (հաշվառման) օրվանից մինչեւ եռամսյակի վերջն ընկած ժամանակահատվածի ամիսների (այդ թվում՝ ոչ ամբողջական ամիսների) թվի վրա:
3) Եթե տնտեսավարող սուբյեկտը ստեղծվել (հաշվառվել) է տվյալ եռամսյակի վերջին ամսին, ապա աշխատողների միջին եռամսյակային քանակ է համարվում այդ ամսվա վերջին օրվա դրությամբ կազմակերպության եւ անհատ ձեռնարկատիրոջ մոտ առկա աշխատողների քանակը:
8. Սույն հոդվածի 4-րդ մասի 1-ին, 2-րդ եւ 3-րդ կետերով սահմանված՝ հաշվետու ժամանակաշրջանի համար տրամադրվող պետական աջակցությունների հանրագումարը չի կարող գերազանցել նույն հաշվետու ժամանակաշրջանի մասով տվյալ տնտեսավարող սուբյեկտի բոլոր աշխատողների գծով հաշվարկված եկամտային հարկի գումարի 50 տոկոսը:
9. Սույն հոդվածի 4-րդ մասի 2-րդ կետով սահմանված՝ նոր աշխատողների մասով պետական աջակցությունը տրամադրվում է վարձու աշխատողի՝ առաջին անգամ մասնագիտական աշխատանքի անցնելու պահից երեք օրացուցային տարիների համար:
10. Սույն հոդվածի 4-րդ մասով սահմանված պետական աջակցությունների տրամադրման կարգերը սահմանում է Կառավարությունը:
11. Սույն հոդվածի 4-րդ մասով սահմանված աջակցությունը տրամադրվում է հարկման ընդհանուր համակարգում եւ շրջանառության հարկի համակարգում գործող կազմակերպություններին եւ անհատ ձեռնարկատերերին՝ 2025 թվականի հունվարի 1-ից մինչեւ 2032 թվականի հունվարի 1-ը ընկած ժամանակահատվածի համար: Ընդ որում, շրջանառության հարկի համակարգում գործող կազմակերպությունը կամ անհատ ձեռնարկատերը աջակցությունից օգտվելն սկսելու օրացուցային տարվան հաջորդող երրորդ օրացուցային տարին լրանալուց հետո կարող է շարունակել օգտվել աջակցությունից, եթե գործում է հարկման ընդհանուր համակարգում:

Հոդված 6. Տնտեսավարող սուբյեկտներին ներկայացվող պահանջները
1. Պետական աջակցության համար կարող են դիմել հետեւյալ տնտեսավարող սուբյեկտները.
1) Հայաստանի Հանրապետությունում պետական գրանցում ստացած առեւտրային կազմակերպությունները,
2) Հայաստանի Հանրապետությունում հաշվառված անհատ ձեռնարկատերերը:

2. Պետական աջակցության համար դիմող տնտեսավարող սուբյեկտների գործունեության իրականացման ոլորտը պետք է համապատասխանի Կառավարության կողմից սահմանված պետական աջակցության ենթակա տնտեսական գործունեության դասակարգիչներով սահմանված գործունեությանը կամ ներառի այն:
3. Սույն օրենքով սահմանված պահանջները բավարարող տնտեսավարող սուբյեկտները պետական աջակցություն ստանալու համար դիմում են կամավորության սկզբունքով՝ հարթակի միջոցով:
4. Տնտեսավարող սուբյեկտները պետական աջակցության ստացման համար հարթակի միջոցով ներկայացնում են դիմում: Պետական աջակցության համար դիմելու կարգը եւ դիմումին ներկայացվող պահանջները սահմանվում են լիազոր մարմնի կողմից:
5. Հարթակն ինքնաշխատ եղանակով բավարարում կամ մերժում է պետական աջակցության տրամադրումը:

Հոդված 7. Պետական աջակցության տրամադրման մերժման հիմքերը
1. Պետական աջակցության տրամադրման դիմումը մերժվում է, եթե`
1) դիմած տնտեսավարող սուբյեկտը չի համապատասխանում սույն օրենքով սահմանված՝ պետական աջակցություն ստանալու իրավունք ունեցող տնտեսավարող սուբյեկտներին ներկայացվող պահանջներին.
2) դիմած տնտեսավարող սուբյեկտի 51 տոկոս եւ ավելի բաժնեմասի բաժնետերը կամ մասնակիցը կամ անհատ ձեռնարկատերը հանդիսացել է սույն օրենքի 8-րդ հոդվածի 4-րդ մասով սահմանված՝ պետական աջակցության իրավունքից զրկված տնտեսավարող սուբյեկտի 51 եւ ավելի բաժնեմասի բաժնետեր կամ մասնակից կամ անհատ ձեռնարկատեր.
3) Պետական աջակցություն ստանալու համար ներկայացված տվյալները թերի են կամ չեն համապատասխանում սույն օրենքի եւ այլ նորմատիվ իրավական ակտերի պահանջներին.
4) դիմումի ներկայացման օրվան նախորդող օրվա դրությամբ ունեն 100 հազար դրամը գերազանցող՝ հարկային մարմնի կողմից վերահսկվող եկամուտների գծով պարտավորություններ, բացառությամբ եկամտային հարկի գծով պարտավորությունների, որոնք պետք է ամբողջությամբ կատարված լինեն:

Հոդված 8. Բարձր տեխնոլոգիաների ոլորտի պետական աջակցության դադարեցումը
1. Սույն օրենքի 5-րդ հոդվածի 4-րդ մասով սահմանված պետական աջակցության տրամադրումը դադարեցվում է, եթե պետական աջակցության ստացման համար տնտեսավարող սուբյեկտը ներկայացրել է ոչ հավաստի տեղեկություններ:
2. Պետական աջակցության դադարեցման մասին որոշումն ընդունում է լիազոր մարմնի ղեկավարը՝ «Վարչարարության եւ վարչական վարույթի մասին» օրենքով սահմանված համապատասխան վարչական ակտի հիման վրա:
3. Պետական աջակցության դադարեցման դեպքում պետական աջակցություն ստացած տնտեսավարող սուբյեկտը պարտավոր է սույն հոդվածի 2-րդ մասում նշված վարչական ակտի մասին իրազեկվելուց հետո տասնօրյա ժամկետում Հայաստանի Հանրապետության պետական բյուջե վերադարձնել խախտումը ներառող ժամանակաշրջանում, սույն օրենքի շրջանակում, կոնկրետ դեպքով աջակցության համար տրամադրված գումարները:
4. Տնտեսավարող սուբյեկտը զրկվում է սույն օրենքի 5-րդ հոդվածի 4-րդ մասով սահմանված պետական աջակցության ստացման իրավունքից, եթե մեկ տարվա ընթացքում
տնտեսավարող սուբյեկտի մոտ հայտնաբերվել է դադարեցման հիմք հանդիսացող երկու եւ ավելի խախտման դեպք:
5. Լիազոր մարմինը սույն հոդվածի 2-րդ մասով սահմանված վարչական ակտի կայացումից հետո 3 աշխատանքային օրվա ընթացքում տվյալ տնտեսավարող սուբյեկտի մասին տվյալները հրապարակում է իր պաշտոնական կայքում:

Հոդված 9. Հրապարակայնությունը
1. Պետական աջակցություն ստացած, ինչպես նաեւ աջակցության համար դիմած եւ մերժված անձանց ցանկը հրապարակվում է լիազոր մարմնի պաշտոնական կայքում:
2. Լիազոր մարմնի պաշտոնական կայքում հրապարակվում են նաեւ սույն օրենքի պահանջները խախտած տնտեսավարող սուբյեկտների անվանումները:

Հոդված 10. Բարձր տեխնոլոգիաների ոլորտի վարչական ռեգիստրը
1. Բարձր տեխնոլոգիաների ոլորտի զարգացման համար ճյուղային հաշվառում իրականացնելու նպատակով լիազոր մարմինը հարթակում վարում է բարձր տեխնոլոգիաների ոլորտի վարչական ռեգիստրը (այսուհետ` վարչական ռեգիստր):
2. Վարչական ռեգիստրը ներառում է Հայաստանի Հանրապետությունում գրանցված (հաշվառված) բարձր տեխնոլոգիաների ոլորտի կազմակերպությունների կամ անհատ ձեռնարկատերերի փաստացի գործունեության կամ դրանց գտնվելու վայրի, գործունեության հիմնական եւ ոչ հիմնական տեսակների, աշխատողների քանակի, օտարերկրյա մասնակցության, արտադրված արտադրանքի, մատուցված ծառայությունների ծավալի, արտահանման, ներդրումների (այդ թվում՝ օտարերկրյա), եկամուտների, ներմուծման եւ այլ անհրաժեշտ ցուցանիշների մասին շարունակական արդիականացման ենթակա տվյալների բազան:
3. Բարձր տեխնոլոգիաների ոլորտի վարչական ռեգիստրը ստեղծվում է պետական եկամուտների կոմիտեի, իրավաբանական անձանց պետական ռեգիստրի, լիազոր մարմնի` Հայաստանի Հանրապետության օրենսդրությամբ սահմանված կարգով փոխանակված եւ տրամադրված տեղեկությունների, ինչպես նաեւ տնտեսավարող սուբյեկտների հաշվետվությունների հիման վրա:
4. Տնտեսավարող սուբյեկտների հաշվետվությունների ձեւերը եւ ներկայացման կարգը սահմանում է լիազոր մարմինը:
5. Կախված հավաքվող ցուցանիշների բնույթից` տնտեսավարող սուբյեկտների կողմից հաշվետվությունները ներկայացվում են ամսական, եռամսյակային կամ կիսամյակային
պարբերականությամբ, որը որոշում է լիազոր մարմինը:

Հոդված 11. Տեղեկությունների տրամադրումը
1. Իրավաբանական անձանց եւ անհատ ձեռնարկատերերի պետական գրանցում (հաշվառում) իրականացնող մարմինը յուրաքանչյուր եռամսյակ լիազոր մարմին է ներկայացնում բարձր տեխնոլոգիաների ոլորտում գործունեություն իրականացնող տնտեսավարող սուբյեկտների պետական գրանցման վերաբերյալ տեղեկությունները՝ Հայաստանի Հանրապետության կառավարության սահմանած կարգով:
2. Պետական եկամուտների կոմիտեի կողմից լիազոր մարմնին տրամադրվող տեղեկությունների շրջանակը եւ տրամադրման հետ կապված հարաբերությունները կարգավորվում են լիազոր մարմնի ղեկավարի եւ Պետական եկամուտների կոմիտեի ղեկավարի համատեղ իրավական ակտով:

Հոդված 12. Պատասխանատվությունը սույն օրենքի դրույթները խախտելու համար
1. Սույն օրենքի պահանջների խախտումն առաջացնում է օրենքով նախատեսված պատասխանատվություն:
2. Սույն օրենքի համաձայն բարձր տեխնոլոգիաների ոլորտի կազմակերպությունների կամ անհատ ձեռնարկատերերի կողմից հաշվետվությունները չներկայացնելը առաջացնում է վարչական պատասխանատվություն՝ Վարչական իրավախախտումների վերաբերյալ Հայաստանի Հանրապետության օրենսգրքով սահմանված չափերով:

Հոդված 13. Բարձր տեխնոլոգիաների ոլորտի պետական աջակցության մոնիթորինգը
1. Բարձր տեխնոլոգիաների ոլորտի զարգացման, պետական աջակցություն ստացած անձանց ներկայացվող պահանջների պահպանման նկատմամբ հսկողություն իրականացնելու նպատակով լիազոր մարմինն իրականացնում է մոնիթորինգ:
2. Մոնիթորինգն իրականացվում է տնտեսվարող սուբյեկտների վերաբերյալ տվյալների հավաքման, տվյալների ստուգման, համեմատման, գնահատման, վերլուծությունների իրականացման միջոցով:
3. Մոնիթորինգի իրականացման կարգը սահմանում է լիազոր մարմինը:

Հոդված 14. Եզրափակիչ եւ անցումային դրույթներ
1. Սույն օրենքն ուժի մեջ է մտնում 2025 թվականի հունվարի 1-ից եւ գործում է մինչեւ 2032 թվականի հունվարի 1-ը:
2. Սույն օրենքով սահմանված ենթաօրենսդրական նորմատիվ իրավական ակտերն ընդունվում են սույն օրենքն ուժի մեջ մտնելուց հետո՝ եռամսյա ժամկետում:

3. Սույն օրենքի 6-րդ հոդվածով սահմանված հարթակը գործարկվում է ոչ ուշ քան 2025 թվականի հուլիսի 1-ը: Մինչեւ հարթակի գործարկումը տնտեսավարող սուբյեկտներից դիմումներն ընդունվում եւ մշակվում են լիազոր մարմնի ղեկավարի հաստատած կարգով:

2. Մասնագիտական ուսումնական հաստատությունների ատեստավորված կամ տարակարգ ստացած մանկավարժական աշխատողների դրույքաչափի փոփոխության եւ հավելավճարի սահմանման կարգը եւ չափը հաստատելու մասին.

Օրենսդրական ակտի անվանումը՝

Մասնագիտական ուսումնական հաստատությունների ատեստավորված կամ տարակարգ ստացած
մանկավարժական աշխատողների դրույքաչափի փոփոխության եւ հավելավճարի սահմանման կարգը եւ չափը հաստատելու մասին N 1912-Ն.

Փոփոխության կարգավիճակը՝

Որոշումը ուժի մեջ է մտել 05.12.2024 թվականից։

Ինչին են վերաբերում փոփոխությունները՝

Կառավարության N 1912-Ն որոշումը մասնավորապես վերաբերվում է մասնագիտական ուսումնական
հաստատությունների ատեստավորված մանկավարժական աշխատողների դրույքաչափի
փոփոխության եւ հավելավճարի սահմանման կարգին եւ չափին եւ մասնագիտական ուսումնական
հաստատությունների տարակարգ ստացած մանկավարժական աշխատողների հավելավճարի
սահմանման կարգին եւ չափին։

«Մասնագիտական կրթության եւ ուսուցման մասին» Հայաստանի Հանրապետության օրենքի 18-րդ հոդվածի 1-ին մասի 7-րդ կետին համապատասխան` Հայաստանի Հանրապետության կառավարությունը որոշում է.
1. Հաստատել`
1) մասնագիտական ուսումնական հաստատությունների ատեստավորված մանկավարժական աշխատողների դրույքաչափի փոփոխության եւ հավելավճարի սահմանման կարգը եւ չափը` համաձայն
N 1 հավելվածի.
2) մասնագիտական ուսումնական հաստատությունների տարակարգ ստացած մանկավարժական աշխատողների հավելավճարի սահմանման կարգը եւ չափը` համաձայն N 2 հավելվածի:
2. Սույն որոշման 1-ին կետի 1-ին ենթակետն ուժի մեջ է մտնում ընդունման պահից, իսկ 2-րդ ենթակետը եւ միջնակարգ կրթության երրորդ մակարդակին համապատասխան առարկայական ծրագիր վարող մանկավարժական աշխատողի տարակարգի հավելավճարի տրամադրումը` 2025 թվականի դեկտեմբերի 1-ից:

Հավելված N 1
ՀՀ կառավարության
2024 թվականի դեկտեմբերի 5-ի
N 1912-Ն որոշման.

OՄԱՍՆԱԳԻՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ԱՏԵՍՏԱՎՈՐՎԱԾ ՄԱՆԿԱՎԱՐԺԱԿԱՆ ԱՇԽԱՏՈՂՆԵՐԻ ԴՐՈՒՅՔԱՉԱՓԻ ՓՈՓՈԽՈՒԹՅԱՆ ԵՎ ՀԱՎԵԼԱՎՃԱՐԻ ՍԱՀՄԱՆՄԱՆ ԿԱՐԳԸ ԵՎ ՉԱՓԸ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում են արհեստագործական եւ միջին մասնագիտական կրթական ծրագրեր իրականացնող պետական ուսումնական հաստատությունների ատեստավորված մանկավարժական աշխատողների դրույքաչափի փոփոխության եւ հավելավճարի սահմանման իրավահարաբերությունները:
2. ՀՀ կրթության, գիտության, մշակույթի եւ սպորտի նախարարի 2024 թվականի փետրվարի 7-ի N 07-Ն
հրամանի 2-րդ հավելվածով հաստատված կարգի (այսուհետ` ատեստավորման կարգ) 40-րդ կետի 1-ին,
2-րդ եւ 3-րդ ենթակետերով սահմանված արդյունք ցուցաբերած մանկավարժական աշխատողների դրույքաչափը փոխվում է` սահմանվելով 200.000 դրամ` մեկ դրույք զբաղվածության համար, որի նկատմամբ կիրառվում է համապատասխան չափով հավելավճարը, իսկ 40-րդ կետի 4-րդ ենթակետով սահմանված արդյունքը ցուցաբերած մանկավարժական աշխատողների դրույքաչափը փոխվում է` սահմանվելով 200.000 դրամ` մեկ դրույք զբաղվածության համար` առանց հավելավճարի տրամադրման:
3. Ատեստավորումն անցած մանկավարժական աշխատողներին հավելավճար սահմանվում է ատեստավորման կարգի 40-րդ կետի 1-3-րդ ենթակետերով սահմանված դեպքերում` 5 տարի ժամկետով, հետեւյալ տրամաբանությամբ`
1) ատեստավորման 90-100 տոկոս արդյունք ցուցաբերելու դեպքում` 50% հավելավճար` մանկավարժի աշխատավարձի նկատմամբ.
2) ատեստավորման 80-89 տոկոս արդյունք ցուցաբերելու դեպքում` 40% հավելավճար` մանկավարժի աշխատավարձի նկատմամբ.
3) ատեստավորման 70-79 տոկոս արդյունք ցուցաբերելու դեպքում` 30% հավելավճար` մանկավարժի աշխատավարձի նկատմամբ.
4) հավելավճարը հաշվարկվում է միայն ատեստավորված ուղղությամբ բոլոր հաստատություններում փաստացի դասավանդող ժամերին համապատասխան հաշվարկվող մանկավարժական աշխատավարձի նկատմամբ:
4. Մեկ հաստատությունից մանկավարժական աշխատողի այլ հաստատություն տեղափոխման արդյունքում հավելավճարը պահպանվում է:
5. Ատեստավորման կարգի 40-րդ կետի 1-4-րդ ենթակետերով սահմանված արդյունքների դեպքում մանկավարժական աշխատողը կարող է իր նախաձեռնությամբ եւ իր միջոցների հաշվին երկրորդ անգամ դիմել ու մասնակցել նախարարության կողմից իր ուղղությամբ հաջորդ կազմակերպվելիք երաշխավորած կազմակերպության վերապատրաստման դասընթացին եւ ատեստավորման գործընթացին`
1) նախորդ արդյունքին հավասար արդյունք ցուցաբերելու դեպքում մանկավարժական աշխատողի հավելավճարի չափը պահպանվում է, որի համար սահմանվում է հնգամյա նոր ժամկետ.
2) ատեստավորման կարգի 40-րդ կետի 2-3-րդ ենթակետերով սահմանված արդյունք ցուցաբերած արդյունքի համեմատ ավելի բարձր արդյունք ցուցաբերելու դեպքում մանկավարժական աշխատողը հավելավճար է ստանում վերջին արդյունքի հիման վրա, որի համար սահմանվում է հավելավճար ստանալու հնգամյա նոր ժամկետ.
3) նախորդ արդյունքի համեմատ ավելի ցածր արդյունք ցուցաբերելու դեպքում հավելավճարը պահպանվում է արդեն սահմանված չափով եւ ժամկետով:
6. Ատեստավորում անցած մանկավարժական աշխատողը ատեստավորում անցած ուղղությամբ համատեղությամբ աշխատելու դեպքում հավելավճար ստանում է եւ՛ հիմնական, եւ՛ համատեղությամբ աշխատավայրից, որոնց հանրագումարային ծանրաբեռնվածությունը չի կարող գերազանցել աշխատանքային օրենսգրքով սահմանված առավելագույն աշխատաժամանակը: Յուրաքանչյուր աշխատավայրում հավելավճարը հաշվարկվում է նախարարի հրամանով հաստատված ուղղության ոլորտին առնչվող եւ մանկավարժական աշխատողի կողմից դասավանդվող մոդուլների ժամաքանակների հանրագումարի հաշվարկով եւ այդ ժամերին համապատասխան հաշվարկվող մանկավարժական աշխատավարձի նկատմամբ:
7. Սույն կարգի 3-րդ կետով սահմանված հավելավճարները ներառում են աշխատավարձից վճարվող հարկերը, սոցիալական կամ օրենքով սահմանված պարտադիր այլ վճարներ:.

Հավելված N 2
ՀՀ կառավարության
2024 թվականի դեկտեմբերի 5-ի

PՄԱՍՆԱԳԻՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ՏԱՐԱԿԱՐԳ ՍՏԱՑԱԾ

ՄԱՆԿԱՎԱՐԺԱԿԱՆ ԱՇԽԱՏՈՂՆԵՐԻ ՀԱՎԵԼԱՎՃԱՐԻ ՍԱՀՄԱՆՄԱՆ ԿԱՐԳԸ ԵՎ ՉԱՓԸS

1. Սույն կարգով սահմանվում է արհեստագործական եւ միջին մասնագիտական կրթական ծրագրեր իրականացնող պետական ուսումնական հաստատությունների տարակարգ ստացած դասախոսի, վարպետի եւ հրահանգչի (այսուհետ` մանկավարժ) հավելավճար սահմանելու կարգը:
2. Կրթության պետական կառավարման լիազոր մարմնի կողմից սահմանված կարգով տարակարգ ստացած մանկավարժներին ուսումնական հաստատությանը հատկացված միջոցների հաշվին սահմանվում է հավելավճար երեք տարի ժամկետով`
1) երրորդ աստիճանի տարակարգի համար` մանկավարժական աշխատավարձի նկատմամբ 50 տոկոսի չափով.
2) երկրորդ աստիճանի տարակարգի համար` մանկավարժական աշխատավարձի նկատմամբ 30 տոկոսի չափով.
3) առաջին աստիճանի տարակարգի համար` մանկավարժական աշխատավարձի նկատմամբ 20 տոկոսի չափով:
3. Ատեստավորման միջոցով որակավորման տարակարգ ստացած մանկավարժական աշխատողի հասանելիք հավելավճարը սահմանվում է յուրաքանչյուր ամիս` աշխատավարձի հետ միասին:
4. Համատեղությամբ արհեստագործական կամ միջին մասնագիտական կրթական ծրագրեր իրականացնող պետական այլ ուսումնական հաստատությունում դասավանդելու դեպքում տարակարգ ստացած մանկավարժին հավելավճար տրամադրվում է նաեւ տվյալ հաստատությունում:
5. Հանրային եւ մասնավոր ՄՈՒՀ-երի մանկավարժական աշխատողը կարող է լիազոր մարմնի սահմանած կարգով մասնակցել տարակարգի շնորհման գործընթացին ՄՈՒՀ-ի կամ սեփական եւ այլ ֆինանսական միջոցների հաշվին:.