Update-2025-January-am

Օրենսգրքի 43-րդ հոդվածի 1-ին մասը «հարկ վճարողի պարտավորությունը» բառերից հետո լրացնել «ԱԱՀ-ի եւ ակցիզային հարկի միասնական հաշվարկում սահմանված չափից ավելի արտացոլված՝ պետական բյուջեից փոխհատուցման ենթակա ԱԱՀ-ի եւ (կամ) ակցիզային հարկի գումարները՝ ավել ցույց տրված գումարների չափով» բառերով:

Հոդված 43. Հարկային պարտավորությունը

Հին տարբերակ

Հարկային պարտավորություն է համարվում որեւէ տեսակի հարկի եւ (կամ) վճարի, ինչպես նաեւ Օրենսգրքի եւ (կամ) վճարների վերաբերյալ Հայաստանի Հանրապետության օրենքների դրույթները խախտելու համար հաշվարկված՝ Օրենսգրքով եւ (կամ) վճարների վերաբերյալ Հայաստանի Հանրապետության օրենքներով սահմանված տույժերի, տուգանքների, ինչպես նաեւ վնասի հատուցման գումարներ վճարելու՝ հարկ վճարողի պարտավորությունը։

Նոր տարբերակ

Հարկային պարտավորություն է համարվում որեւէ տեսակի հարկի եւ (կամ) վճարի, ինչպես նաեւ Օրենսգրքի եւ (կամ) վճարների վերաբերյալ Հայաստանի Հանրապետության օրենքների դրույթները խախտելու համար հաշվարկված՝ Օրենսգրքով եւ (կամ) վճարների վերաբերյալ Հայաստանի Հանրապետության օրենքներով սահմանված տույժերի, տուգանքների, ինչպես նաեւ վնասի հատուցման գումարներ վճարելու՝ հարկ վճարողի պարտավորությունը, ԱԱՀ-ի եւ ակցիզային հարկի միասնական հաշվարկում սահմանված չափից ավելի արտացոլված՝ պետական բյուջեից փոխհատուցման ենթակա ԱԱՀ-ի եւ (կամ) ակցիզային հարկի գումարները՝ ավել ցույց տրված գումարների չափով, բացառությամբ սույն հոդվածի 2-րդ մասով սահմանված դեպքերի:

Օրենսգրքի 53-րդ հոդվածում լրացնել հետեւյալ բովանդակությամբ 12-րդ մասով.

Հոդված 53. Հարկային հաշվարկի ներկայացումը

Հին տարբերակ

Նոր տարբերակ

12. Ակցիզային հարկի մասով հարկային հաշվարկներ չեն կարող ներկայացվել նաեւ այն դեպքերում (ԱԱՀ- ի եւ ակցիզային հարկի միասնական հաշվարկ ներկայացվելու դեպքում տվյալ հաշվարկն ակցիզային հարկի մասով հաշվի չի առնվում), երբ հարկային հաշվարկը վերաբերում է այն հաշվետու ժամանակաշրջանին, որը միասնական հաշվին մուտքագրման ենթակա՝ ակցիզային հարկի փոխհատուցվող գումարների հիմնավորվածության ուսումնասիրության նպատակով արդեն ուսումնասիրվել է հարկային մարմնի կողմից:

Օրենսգրքի 74-րդ հոդվածում 2-րդ մասը շարադրել հետեւյալ խմբագրությամբ.

Հոդված 74. Պետական բյուջեից փոխհատուցման ենթակա ավելացված արժեքի հարկի գումարի հաշվարկման կարգը

Հին տարբերակ

Հաշվետու ժամանակաշրջանի գործունեության արդյունքներով առաջացող ԱԱՀ-ի փոխհատուցվող գումարն ուղղվում է հաշվետու ժամանակաշրջանների գործունեության արդյունքներով ԱԱՀ-ի եւ ակցիզային հարկի միասնական հաշվարկներով առաջացող՝ պետական բյուջե վճարման ենթակա ԱԱՀ-ի գումարների, ինչպես նաեւ Օրենսգրքի 17-րդ բաժնով սահմանված կարգով հարկային մարմնի կողմից իրականացվող ստուգման կամ ուսումնասիրության արդյունքով արձանագրվող՝ ԱԱՀ-ի լրացուցիչ գումարների մարմանը: Եթե յուրաքանչյուր հաշվետու ամսվա ավարտից հետո այդ հաշվետու ժամանակաշրջանի ԱԱՀ-ի եւ ակցիզային հարկի միասնական հաշվարկի ներկայացման օրվան հաջորդող օրվա դրությամբ հարկ վճարողն ունի ԱԱՀ-ի փոխհատուցվող գումար, ապա այդ գումարը հարկ վճարողի գրավոր դիմումի հիման վրա Օրենսգրքի 348-րդ հոդվածի 10-րդ մասով սահմանված պարզեցված ընթացակարգով կամ Օրենսգրքի 17-րդ բաժնով սահմանված կարգով իրականացվող ստուգման կամ ուսումնասիրության արդյունքներով հիմնավորվելու դեպքում մուտքագրվում է միասնական հաշվին:

Նոր տարբերակ

2. Հաշվետու ժամանակաշրջանի գործունեության
արդյունքներով առաջացող՝ ԱԱՀ-ի փոխհատուցվող
գումարը սույն հոդվածի 3-րդ մասին
համապատասխան ուղղվում է որեւէ հաշվետու
ժամանակաշրջանի գործունեության արդյունքներով
ԱԱՀ-ի եւ ակցիզային հարկի միասնական
հաշվարկներով առաջացած՝ պետական բյուջե
վճարման ենթակա ԱԱՀ-ի գումարների մարմանը
կամ սույն հոդվածի 4-րդ կամ 5-րդ մասին
համապատասխան մուտքագրվում է միասնական
հաշվին:

լրացնել հետեւյալ բովանդակությամբ 3-5-րդ մասերով.

Հին տարբերակ

Նոր տարբերակ

«3. Եթե յուրաքանչյուր hաշվետու ժամանակաշրջանի գործունեության արդյունքներով տվյալ հաշվետու ժամանակաշրջանի ԱԱՀ-ի եւ ակցիզային հարկի միասնական հաշվարկի (այդ թվում՝ ճշտված) ներկայացման օրվա դրությամբ հարկ վճարողն ունի ԱԱՀ-ի փոխհատուցվող գումար, ապա այդ գումարը կարող է ուղղվել որեւէ հաշվետու ժամանակաշրջանի գործունեության արդյունքներով ԱԱՀ-ի եւ ակցիզային հարկի միասնական հաշվարկներով առաջացած՝ պետական բյուջե վճարման ենթակա ԱԱՀ-ի գումարների մարմանը՝ տվյալ հաշվետու ժամանակաշրջանի համար ԱԱՀ-ի վճարման վերջնաժամկետի օրը կամ մինչեւ տվյալ հաշվետու ժամանակաշրջանի համար ԱԱՀ-ի վճարման վերջնաժամկետին նախորդող օրը՝ հարկ վճարողի կողմից համապատասխան ծրագրային հրահանգի կիրառմամբ:

4. Եթե յուրաքանչյուր hաշվետու ժամանակաշրջանի գործունեության արդյունքներով տվյալ հաշվետու ժամանակաշրջանի համար ներկայացված ԱԱՀ-ի եւ ակցիզային հարկի միասնական հաշվարկով առաջանում է ԱԱՀ-ի փոխհատուցվող գումար, ապա այդ գումարը Կառավարության սահմանած չափանիշներին համապատասխան ռիսկային չհամարվելու դեպքում մուտքագրվում է միասնական հաշվին մինչեւ տվյալ հաշվետու ժամանակաշրջանի համար ԱԱՀ-ի վճարման վերջնաժամկետին նախորդող օրը, եթե հարկ վճարողի կողմից կիրառվել է համապատասխան ծրագրային հրահանգ, կամ տվյալ հաշվետու ժամանակաշրջանի համար ԱԱՀ-ի վճարման վերջնաժամկետի օրը: Եթե որեւէ հաշվետու ժամանակաշրջանի ԱԱՀ-ի եւ ակցիզային հարկի միասնական հաշվարկի ներկայացման վերջնաժամկետից հետո ներկայացվող ԱԱՀ-ի եւ ակցիզային հարկի միասնական հաշվարկով (այդ թվում՝ ճշտված) առաջանում է ԱԱՀ-ի փոխհատուցվող գումար, ապա այդ գումարը Կառավարության սահմանած չափանիշներին համապատասխան ռիսկային չհամարվելու դեպքում մուտքագրվում է միասնական հաշվին միասնական հաշվարկի (այդ թվում՝ ճշտված) ներկայացման օրը:

5. Յուրաքանչյուր hաշվետու ժամանակաշրջանի գործունեության արդյունքներով տվյալ հաշվետու ժամանակաշրջանի համար ներկայացված ԱԱՀ-ի եւ ակցիզային հարկի միասնական հաշվարկով առաջացած՝ Կառավարության սահմանած չափանիշներին համապատասխան ռիսկային համարվող ԱԱՀ-ի փոխհատուցվող գումարները հարկ վճարողի գրավոր դիմումի հիման վրա Օրենսգրքի 17-րդ բաժնով սահմանված կարգով իրականացվող ստուգման կամ միասնական հաշվին մուտքագրման ենթակա գումարների հիմնավորվածության ուսումնասիրության արդյունքներով հիմնավորվելու դեպքում մուտքագրվում են միասնական հաշվին:»

Օրենսգրքի 75-րդ հոդվածը լրացնել հետեւյալ բովանդակությամբ 5-րդ մասով.

Հոդված 75.Ավելացված արժեքի հարկի եւ ակցիզային հարկի միասնական հաշվարկների ներկայացումը

Հին տարբերակ

Նոր տարբերակ

5. Հարկման հատուկ համակարգում գործող հարկ վճարողը մինչեւ տվյալ հաշվետու ժամանակաշրջանին հաջորդող ամսվա 20-ը ներառյալ Օրենսգրքի 53-րդ հոդվածով սահմանված կարգով հարկային մարմին է ներկայացնում ԱԱՀ-ի եւ ակցիզային հարկի միասնական հաշվարկ, եթե ԱԱՀ վճարող համարվելու հաշվետու ժամանակաշրջանում իրականացված՝ ԱԱՀ-ով հարկվող գործարքների մասով հաշվանցման (պակասեցման) ենթակա ԱԱՀ-ի գումարները Օրենսգրքի 71-րդ հոդվածին համապատասխան ենթակա են հաշվանցման (պակասեցման) տվյալ հաշվետու ժամանակաշրջանում, կամ եթե ԱԱՀ վճարող համարվելու հաշվետու ժամանակաշրջանում իրականացված՝ ԱԱՀ-ով հարկվող գործարքների՝ Օրենսգրքով սահմանված կարգով ճշգրտման արդյունքները ենթակա են արտացոլման տվյալ հաշվետու ժամանակաշրջանում:

Օրենսգրքի 320-րդ հոդվածի 1-ին մասը շարադրել հետեւյալ խմբագրությամբ.

Հոդված 320. Ստուգման ակտերով (ուսումնասիրության արձանագրություններով, վարչական ակտերով) առաջացող հարկային պարտավորությունների, դեբետային գումարների հաշվառումը

Հին տարբերակ

1. Հարկային մարմնի կողմից հարկ վճարողի մոտ իրականացված ստուգման (ուսումնասիրության, օպերատիվ- հետախուզական միջոցառումների) արդյունքներով արձանագրված՝ պետական բյուջեի նկատմամբ հարկ վճարողի հարկային պարտավորությունները եւ դեբետային գումարները հաշվառվում են համապատասխանաբար ստուգման ակտը (ուսումնասիրության արձանագրությունը, վարչական ակտը) կազմելու ամսաթվով, բայց ոչ ուշ, քան ստուգման (ուսումնասիրության, օպերատիվ-հետախուզական միջոցառումների) անցկացման համար հիմք հանդիսացող հանձնարարագրի (որոշման) փակման օրը առանց այդ օրվա դրությամբ առկա մնացորդների փոփոխության:

Նոր տարբերակ

1. Հարկային մարմնի կողմից հարկ վճարողի մոտ իրականացված ստուգման (ուսումնասիրության, օպերատիվ-հետախուզական միջոցառումների) արդյունքներով առաջադրված՝ պետական բյուջեի նկատմամբ հարկ վճարողի հարկային պարտավորությունները եւ դեբետային գումարները, Օրենսգրքի 319-րդ հոդվածի 6-րդ մասի 2-րդ կետի համաձայն, հարկային մարմնի կողմից վարվող անձնական հաշվի քարտում հաշվառվում են Օրենսգրքի 398-րդ հոդվածի 6-րդ մասով սահմանված կարգով՝ ստուգման կամ այլ վարչական ակտն անբողոքարկելի դառնալու օրվան հաջորդող օրը:

Օրենսգրքի 325-րդ հոդվածում լրացնել հետեւյալ բովանդակությամբ 6.1-ին մասով

Հոդված 325. Հարկային պարտավորությունների մարումները

Հին տարբերակ

Նոր տարբերակ

6.1. Վարչական ակտի միասնական հաշվի միջոցով մարվում են հարկային մարմնի կողմից Օրենսգրքով սահմանված կարգով կազմված ստուգման կամ այլ վարչական ակտով առաջադրված հարկի կամ վճարի գծով պարտավորությունները, այդ թվում՝ տույժերի, տուգանքների գծով, ինչպես նաեւ Օրենսգրքով սահմանված տուգանքների, վնասի հատուցման գումարների գծով պարտավորությունները: Վարչական ակտի միասնական հաշվում առկա գումարներից առաջնահերթ մարվում են սոցիալական վճարի հարկային պարտավորությունները, այնուհետեւ վարչական ակտի միասնական հաշվում առկա գումարների հաշվին հարկ վճարողի հարկային պարտավորությունները մարվում են ըստ մարման օրվա դրությամբ առկա եւ ավելի վաղ վճարման վերջնաժամկետ ունեցող հարկային պարտավորությունների հերթականության, իսկ մարման օրվա դրությամբ վճարման վերջնաժամկետները համընկնելու (ժամկետները նույնն են) դեպքում հարկային պարտավորությունները մարվում են Օրենսգրքի 319-րդ հոդվածի 6-րդ մասի 2-րդ կետով սահմանված՝ անձնական հաշվի քարտի վարման կարգին համապատասխան: Ընդ որում, հարկային պարտավորությունների գումարներից սկզբում մարվում են բոլոր հարկերի, վճարների գումարները, այնուհետեւ՝ տույժերի, որից հետո՝ տուգանքների, վնասի հատուցման գումարները:

Օրենսգրքի 326-րդ հոդվածը շարադրել հետեւյալ խմբագրությամբ.

Հոդված 326. Միասնական հաշվին կամ վարչական ակտի միասնական հաշվին գումարների մուտքագրման օրը

Հին տարբերակ

1. Միասնական հաշվին գումարների մուտքագրման օր է համարվում`

1) ճշտված հարկային հաշվարկների ներկայացման արդյունքում առաջացած գումարների մասով` ճշտված հարկային հաշվարկի ներկայացման ամսաթիվը.

2) դատարանի վճռի կատարման կամ բողոքարկման հանձնաժողովի ընդունած որոշման արդյունքում հարկային պարտավորության պակասեցումից կամ Օրենսգրքի 327-րդ հոդվածի 1-ին մասում նշված` միասնական հաշվին մուտքագրման ենթակա գումարների ավելացումից առաջացած գումարների մասով` դատարանի վճռի կամ բողոքարկման հանձնաժողովի որոշման ընդունման ամսաթիվը.

3) համալիր հարկային ստուգման կամ ուսումնասիրության արդյունքներով հարկային պարտավորության պակասեցումից կամ Օրենսգրքի 327-րդ հոդվածի 1-ին մասում նշված` միասնական հաշվին մուտքագրման ենթակա գումարների ավելացումից առաջացած գումարների մասով` համալիր հարկային ստուգման ակտը կամ ուսումնասիրության արձանագրությունը կազմելու ամսաթիվը:

Նոր տարբերակ

1. Միասնական հաշվին գումարների մուտքագրման օր է համարվում՝

1) միասնական հաշվին վճարում կատարելու արդյունքում միասնական հաշվին գումարների մուտքագրման ամսաթիվը

2) ճշտված հարկային հաշվարկների ներկայացման արդյունքում առաջացած գումարների մասով՝ ճշտված հարկային հաշվարկի ներկայացման ամսաթիվը.

3) Օրենսգրքի 74-րդ հոդվածի 4-րդ կամ 5-րդ մասով սահմանված դեպքերում ԱԱՀ-ի փոխհատուցվող գումարները միասնական հաշվին մուտքագրելու ամսաթիվը.

4) Օրենսգրքի 95-րդ հոդվածի 4-րդ կամ 5-րդ մասով սահմանված դեպքերում ակցիզային հարկի փոխհատուցվող գումարները միասնական հաշվին մուտքագրելու ամսաթիվը.

5) Օրենսգրքի 138-րդ հոդվածի 1-ին մասով սահմանված դեպքերում պետական բյուջեից փոխհատուցման ենթակա շահութահարկի գումարը միասնական հաշվին մուտքագրելու ամսաթիվը.

6) Օրենսգրքի 223-րդ հոդվածի 1.1-ին մասով սահմանված դեպքերում պետական բյուջեից փոխհատուցման ենթակա ռոյալթիի գումարը միասնական հաշվին մուտքագրելու ամսաթիվը.

7) վարչական ակտի միասնական հաշվից միասնական հաշվին գումարների մուտքագրման ամսաթիվը.

8) դատարանի վճռի կատարման կամ բողոքարկման հանձնաժողովի ընդունած որոշման արդյունքում հարկային պարտավորության պակասեցումից կամ միասնական հաշվին մուտքագրման ենթակա գումարների ավելացումից առաջացած գումարների մասով դատարանի վճռի կամ բողոքարկման հանձնաժողովի որոշման ընդունման ամսաթիվը:

2. Վարչական ակտի միասնական հաշվին գումարների մուտքագրման օր է համարվում՝

1) վարչական ակտի միասնական հաշվին վճարում կատարելու արդյունքում վարչական ակտի միասնական հաշվին գումարների մուտքագրման ամսաթիվը.

2) միասնական հաշվից վարչական ակտի միասնական հաշվին գումարների մուտքագրման ամսաթիվը.

3) համալիր հարկային ստուգման (վերստուգման) կամ ուսումնասիրության արդյունքներով հարկային պարտավորության պակասեցումից կամ վարչական ակտի միասնական հաշվին մուտքագրման ենթակա գումարների ավելացումից առաջացած գումարների մասով՝ համալիր հարկային ստուգման ակտը կամ ուսումնասիրության արձանագրությունն անբողոքարկելի դառնալու օրվան հաջորդող օրը:»:

Օրենսգրքի 327-րդ հոդվածը շարադրել հետեւյալ խմբագրությամբ.

Հոդված 327. Միասնական հաշվին կամ վարչական ակտի միասնական հաշվին գումարների մուտքագրումը, միասնական հաշվից կամ վարչական ակտի միասնական հաշվից գումարների վերադարձը

Հին տարբերակ

1. Ուսումնասիրության արդյունքներով հիմնավորված գումարները ենթակա են մուտքագրման միասնական հաշվին` հարկային մարմնի սահմանած ձեւի եզրակացության հիման վրա: Եզրակացությունը հարկային մարմինը կազմում եւ ներկայացնում է գանձապետարան` գումարների հիմնավորվածությունը հիմնավորող փաստաթղթերը` համալիր հարկային ստուգման ակտը կամ ուսումնասիրության արձանագրությունը ուժի մեջ մտնելու, իսկ դատարանի վճիռը, բողոքարկման հանձնաժողովի որոշումը, ճշտված հարկային հաշվարկը հարկային մարմին ստացվելու օրվան հաջորդող երեք աշխատանքային օրվա ընթացքում:

2. Միասնական հաշվում առկա գումարները ենթակա են վերադարձման հարկ վճարողին նրա կողմից հարկային մարմին ներկայացված՝ հարկային մարմնի սահմանած ձեւով եւ կարգով լրացված դիմումի հիման վրա՝ այն ստանալուց հետո՝ 20 օրվա ընթացքում, իսկ գործող օրինապահ հարկ վճարողի հավաստագիր ունեցող հարկ վճարողների դեպքում՝ դիմումն ստանալուց հետո՝ 10 օրվա ընթացքում: Վերադարձը կատարվում է դիմումում նշված գումարի չափով, սակայն ոչ ավելի, քան վերադարձման օրվա դրությամբ միասնական հաշվում առկա գումարի չափից: Միասնական հաշվից գումարների վերադարձն իրականացնում է գանձապետարանը՝ գումարը փոխանցելով վճարողի բանկային հաշվին, իսկ Կառավարության սահմանած դեպքերում` Կառավարության սահմանած կարգով հարկային մարմին ներկայացված այլ հաշվին: Գումարի վերադարձը սույն մասով սահմանված ժամկետից 30 օրից ավելի ուշացնելու դեպքում այդ ժամկետին հաջորդող յուրաքանչյուր ուշացած օրվա համար հարկ վճարողին վճարվում է տույժ՝ վերադարձման ենթակա գումարի 0.03 տոկոսի չափով:

Նոր տարբերակ

1. Միասնական հաշվին մուտքագրման ենթակա գումարների հիմնավորվածության ուսումնասիրության արդյունքներով հիմնավորված համարված գումարները ենթակա են մուտքագրման միասնական հաշվին՝ հարկային մարմնի սահմանած ձեւի եզրակացության հիման վրա՝ ուսումնասիրության արձանագրությունն ուժի մեջ մտնելու օրվան հաջորդող երեք աշխատանքային օրվա ընթացքում:

2. Միասնական հաշվում կամ վարչական ակտի միասնական հաշվում առկա գումարները ենթակա են վերադարձման հարկ վճարողին նրա կողմից հարկային մարմին ներկայացված՝ հարկային մարմնի սահմանած ձեւով եւ կարգով լրացված դիմումի հիման վրա՝ այն ստանալուց հետո՝ 20 օրվա ընթացքում, իսկ գործող օրինապահ հարկ վճարողի հավաստագիր ունեցող հարկ վճարողների դեպքում՝ դիմումն ստանալուց հետո՝ 10 օրվա ընթացքում: Վերադարձը կատարվում է դիմումում նշված գումարի չափով: Միասնական հաշվից կամ վարչական ակտի միասնական հաշվից գումարների վերադարձն իրականացնում է գանձապետարանը՝ գումարը փոխանցելով հարկ վճարողի բանկային հաշվին (իսկ Կառավարության սահմանած դեպքերում՝ Կառավարության սահմանած կարգով հարկային մարմին ներկայացված այլ հաշվին) կամ վարչական ակտի միասնական հաշվին կամ միասնական հաշվին: Վճարողի բանկային հաշվին (իսկ Կառավարության սահմանած դեպքերում՝ Կառավարության սահմանած կարգով հարկային մարմին ներկայացված այլ հաշվին) գումարի վերադարձը սույն մասով սահմանված ժամկետից 30 օրից ավելի ուշացնելու դեպքում այդ ժամկետին հաջորդող յուրաքանչյուր ուշացած օրվա համար հարկ վճարողին վճարվում է տույժ՝ վերադարձման ենթակա գումարի 0.03 տոկոսի չափով:

Օրենսգրքի 401-րդ հոդվածի 3-րդ մասը լրացնել հետեւյալ բովանդակությամբ 3-րդ կետով.

Հոդված 401. Հարկի վճարումը սահմանված ժամկետներից ուշացնելը 3. Սույն հոդվածով սահմանված կարգով տույժեր են հաշվարկվում նաեւ`

Հին տարբերակ

Նոր տարբերակ

3) տվյալ հաշվետու ժամանակաշրջանի համար ներկայացված ԱԱՀ-ի եւ ակցիզային հարկի միասնական հաշվարկի ճշտման արդյունքում՝ ճշտված եւ նախորդ հաշվարկում ներառված տվյալներով առաջացող դեբետային գումարի բացասական տարբերության չափով՝ որպես հարկային պարտավորություն հաշվառվող գումարների նկատմամբ՝ ա. տվյալ հաշվետու ժամանակաշրջանի համար Օրենսգրքով սահմանված պարտավորությունների մարմանը մասնակցելու օրվանից սկսած, եթե այդ գումարները Օրենսգրքի 74-րդ հոդվածի 3-րդ մասին համապատասխան ուղղվել են ԱԱՀ-ի պարտավորությունների մարմանը, կամ Օրենսգրքի 95-րդ հոդվածի 3-րդ մասին համապատասխան ուղղվել են ակցիզային հարկի պարտավորությունների մարմանը, բ. միասնական հաշվին մուտքագրման օրվանից սկսած, եթե այդ գումարները Օրենսգրքի 74-րդ հոդվածի 4-րդ կամ 5-րդ մասին կամ Օրենսգրքի 95- րդ հոդվածի 4-րդ կամ 5-րդ մասին համապատասխան մուտքագրվել են միասնական հաշվին:

Օրենսգրքի 457-րդ հոդվածում 7-րդ մասը շարադրել հետեւյալ խմբագրությամբ.

Հոդված 457. Օրենսգրքի 17-րդ բաժնին վերաբերող անցումային հարկային հարաբերությունների կարգավորումը

Հին տարբերակ

7. Եթե մինչեւ Օրենսգիրքն ուժի մեջ մտնելը որեւէ կիսամյակին հաջորդող ամսվա 21-ի դրությամբ հարկ վճարողն ունի հաշվետու ժամանակաշրջանում հաշվանցման ենթակա ԱԱՀ-ի գումարների` հարկվող շրջանառության նկատմամբ հաշվարկված ԱԱՀ-ի գումարները գերազանցող գումար (սույն մասի կիրառության իմաստով` բյուջեից հաշվանցման ենթակա ԱԱՀ գումար), ապա այդ գումարն օրենքով սահմանված կարգով պետական գրանցում (հաշվառում) ունեցող հարկ վճարողի գրավոր դիմումի հիման վրա Օրենսգրքի 17-րդ բաժնով սահմանված կարգով իրականացվող ստուգման կամ ուսումնասիրության արդյունքներով հիմնավորվելու դեպքում մուտքագրվում է միասնական հաշվին, բացառությամբ օրենքով սահմանված դեպքերի: Սույն մասի դրույթները տարածվում են յուրաքանչյուր կիսամյակի հաշվետու ժամանակաշրջանների համար հարկային մարմին ներկայացված ԱԱՀ-ի հաշվարկներով առաջացած` հաշվանցման ենթակա ԱԱՀ-ի գումարների` հարկվող շրջանառության նկատմամբ հաշվարկված ԱԱՀ-ի գումարները գերազանցող գումարի (բյուջեից հաշվանցման ենթակա ԱԱՀ գումար) վրա։

Նոր տարբերակ

7. Մինչեւ 2025 թվականի հունվարի 1-ը հաշվառված եւ չկատարված (չմարված) հարկային պարտավորությունները, Օրենսգրքի 319-րդ հոդվածի 6-րդ մասի 1-ին կետի համաձայն, հարկային մարմնի կողմից վարվող անձնական հաշվի քարտերում հաշվառվում են հարկային մարմնի սահմանած կարգով:

2) լրացնել հետեւյալ բովանդակությամբ 8-10-րդ մասերով.

Հին տարբերակ

Նոր տարբերակ

«8. Մինչեւ 2025 թվականի հունվարի 1-ը հարկային մարմնի կողմից կազմված ստուգման կամ այլ վարչական ակտով հաշվառված եւ չկատարված (չմարված) հարկային պարտավորությունները, Օրենսգրքի 319-րդ հոդվածի 6-րդ մասի 2-րդ կետի համաձայն, հարկային մարմնի կողմից վարվող անձնական հաշվի քարտերում հաշվառվում են հարկային մարմնի սահմանած կարգով:

9. 2024 թվականի դեկտեմբերի 31-ի դրությամբ առկա ԱԱՀ-ի եւ ակցիզային հարկի փոխհատուցվող գումարները հաշվառվում են որպես ռիսկային փոխհատուցվող գումարներ: ԱԱՀ-ի մասով այդ փոխհատուցվող գումարները կարող են ուղղվել ԱԱՀ-ի գծով պարտավորությունների մարմանը՝ Օրենսգրքի 74-րդ հոդվածի 3-րդ մասին համապատասխան, կամ մուտքագրվել միասնական հաշվին՝ Օրենսգրքի 74-րդ հոդվածի 5-րդ մասին համապատասխան, իսկ ակցիզային հարկի մասով այդ փոխհատուցվող գումարները կարող են ուղղվել ակցիզային հարկի գծով պարտավորությունների մարմանը՝ Օրենսգրքի 95-րդ հոդվածի 3-րդ մասին համապատասխան, կամ մուտքագրվել միասնական հաշվին՝ Օրենսգրքի 95-րդ հոդվածի 5-րդ մասին համապատասխան:

10. 2025 թվականի հունվարի 1-ից հետո հարկային մարմին ներկայացվող հարկային հաշվարկներում (այդ թվում՝ ճշտված) արտացոլված կամ հարկային մարմնի կողմից կազմված ստուգման կամ այլ վարչական ակտով առաջադրված հարկային պարտավորությունները՝ անկախ որ հաշվետու ժամանակաշրջանին են վերաբերում, Օրենսգրքի 319-րդ հոդվածի 6-րդ մասի համաձայն հաշվառվում են հարկային մարմնի կողմից վարվող անձնական հաշվի քարտերում՝ հարկային մարմնի սահմանած կարգով:»:ուն)

2. Հայաստանի Հանրապետության Հարկային օրենսգրքում ապրանքների ձեռքբերման գործարքների փաստաթղթավորման պահանջները չպահպանելու, ինչպես նաեւ հարկ վճարողների կողմից 2025 թվականից իրականացվող անցումային դրույթների վերաբերյալ լրացումներ եւ փոփոխություններ կատարելու մասին

Օրենսդրական ակտի անվանումը՝

Հայաստանի Հանրապետության Հարկային օրենսգրքում լրացումներ եւ փոփոխություններ կատարելու
մասին ՀՕ-340-Ն
https://www.arlis.am/documentview.aspx?docid=185690

Փոփոխության կարգավիճակը՝

Օրենքի փոփոխությունը ունի անցումային դրույթներ, որոնք ուժի մեջ են մտել 2025 թվականի հունվարի 1-ից։

Որ օրենսդրական ակտն է փոփոխվել վերոնշյալ ակտի ընդունմամբ՝

Վերոնշյալ ակտի ընդունմամբ փոփոխություն է տեղի ունեցել Հարկային օրենսգրքում։

Ինչին են վերաբերում փոփոխությունները՝

Օրենքի փոփոխության անցումային դրույթներով կարգավորվում է այն իրավահարաբերությունների շրջանակը, որոնք իրականացվելու են 2025 թվականի հունվարի 1-ից։ Մասնավորապես՝ 2025թվականի հունվարից 1-ից իրականացվելու են «Բացթողում` ներքին սպառման համար» մաքսային ընթացակարգով ներմուծված ապրանքների մաքսային արժեքի, իսկ ԵՏՄ անդամ պետություններից ներմուծված ապրանքների մասով` սահմանված կարգով որոշվող ԱԱՀ-ով հարկման բազայի (առանց ակցիզային հարկի) 100 միլիոն դրամի շեմը չգերազանցած` շրջանառության հարկ վճարողների մոտ ապրանքների մնացորդի փաստացի պակասորդը պարզելու նպատակով սույն օրենքին համապատասխան չափագրումը, իսկ ապրանքների (բացառությամբ հումքի, նյութերի, հիմնական միջոցների եւ արտարժույթի) ձեռքբերման գործարքների փաստաթղթավորման պահանջները չպահպանելու համար սահմանված պատասխանատվության միջոցը շրջանառության հարկ վճարողների համար կիրառվելու է 2025 թվականի հունվարի 1-ից եւ դրանից հետո ձեռք բերված ապրանքների նկատմամբ, ինչպես նաեւ օրենքով նախատեսված այլ դրույթներ:

Օրենսգիրքը լրացնել հետեւյալ բովանդակությամբ 406.1-ին հոդվածով

Հոդված 406.1.Ապրանքների (բացառությամբ հումքի, նյութերի, հիմնական միջոցների եւ արտարժույթ) ձեռքբերման գործարքների փաստաթղթավորման պահանջները չպահպանելը

Հին տարբերակ

Նոր տարբերակ

1. Շրջանառության հարկ վճարողների մոտ ապրանքների (բացառությամբ հումքի, նյութերի, հիմնական միջոցների, արտարժույթի, գյուղատնտեսական արտադրանքի եւ Կառավարության սահմանած ցանկում ներառված երկրորդային հումքի) ձեռքբերման գործարքների փաստաթղթավորման պահանջները չպահպանելու փաստը հարկային մարմնի կողմից իրականացվող համալիր հարկային ստուգման կամ չափագրման ընթացքում արձանագրվելու դեպքում շրջանառության հարկ վճարողից գանձվում է տուգանք՝ այդ ապրանքների ձեռքբերման գնի (արժեքի) 20 տոկոսի չափով: Սույն մասով սահմանված խախտումն արձանագրելուց հետո՝ մեկ տարվա ընթացքում, կրկին կատարելու դեպքում գանձվում է տուգանք՝ ապրանքների ձեռքբերման գնի (արժեքի) 50 տոկոսի չափով:

2. Սույն հոդվածով սահմանված տուգանքը ապրանքների (բացառությամբ հումքի, նյութերի, հիմնական միջոցների, արտարժույթի, գյուղատնտեսական արտադրանքի եւ Կառավարության սահմանած ցանկում ներառված երկրորդային հումքի) ձեռքբերման գործարքների փաստաթղթավորման պահանջները չպահպանելու մասով եկամտային հարկի հաշվարկման (այդ թվում՝ նաեւ որպես հարկային գործակալ) առումով հանդիսանում է վերջնական հարկային պարտավորություն:

3. Սույն հոդվածով սահմանված տուգանքների կիրառության իմաստով՝ ապրանքի ձեռքբերման գնի (արժեքի) որոշման անհնարինության դեպքում ապրանքի ձեռքբերման գին (արժեք) է համարվում խախտումը հայտնաբերելու եռամսյակում հարկ վճարողի մոտ երկկողմանի հաշվարկային փաստաթղթերով հիմնավորված՝ նույն ապրանքի վաճառքի (իրացման) միջին կշռված գինը, իսկ դրա բացակայության դեպքում՝ Օրենսգրքով սահմանված անուղղակի եղանակներով որոշված գինը:»

Համաձայն Օրենքի փոփոխության 10-րդ հոդվածի անցումային դրույթների՝

4. Հարկային տարվա որեւէ ամսում իրացման շրջանառության կամ ԵՏՄ անդամ չհամարվող պետություններից «Բացթողում՝ ներքին սպառման համար» մաքսային ընթացակարգով ներմուծված ապրանքների մաքսային արժեքի, իսկ ԵՏՄ անդամ պետություններից ներմուծված ապրանքների մասով՝ սահմանված կարգով որոշվող ԱԱՀ-ով հարկման բազայի (առանց ակցիզային հարկի) 100 միլիոն դրամի շեմը չգերազանցած՝ շրջանառության հարկ վճարողների մոտ ապրանքների մնացորդի փաստացի պակասորդը պարզելու նպատակով սույն օրենքին համապատասխան չափագրումն իրականացվում է 2025 թվականի հունվարի 1-ից:

5. Այն հարկ վճարողները, որոնք, 2025 թվականի հունվարի 1-ի դրությամբ Օրենսգրքի 457-րդ հոդվածի 2-րդ մասի համաձայն, ըստ մատակարարման եւ պահպանման առանձին վայրերի, չեն հաշվառել ապրանքների մնացորդները, պարտավոր են 2025 թվականի փետրվարի 1-ի դրությամբ ըստ մատակարարման եւ պահպանման առանձին վայրերի հաշվառել ապրանքների մնացորդները, եթե 2025 թվականի հունվարի 1-ի դրությամբ նախորդ հարկային տարում Օրենսգրքի 55-րդ հոդվածի 2-րդ մասի 1-5-րդ կետերով սահմանված եւ (կամ) 13-րդ մասին համապատասխան փաստաթղթերով ձեռք բերված ապրանքների (բացառությամբ հումքի, նյութերի, հիմնական միջոցների եւ արտարժույթի) արժեքի (առանց ԱԱՀ-ի, ակցիզային հարկի եւ (կամ) բնապահպանական հարկի գումարների) կամ ԵՏՄ անդամ չհամարվող պետություններից «Բացթողում՝ ներքին սպառման համար» մաքսային ընթացակարգով ներմուծված ապրանքների մաքսային արժեքի, իսկ ԵՏՄ անդամ պետություններից ներմուծված ապրանքների մասով՝ սահմանված կարգով որոշվող ԱԱՀ-ով հարկման բազան (առանց ակցիզային հարկի) գերազանցում է 24 միլիոն դրամի շեմը:

6. Այն հարկ վճարողները, որոնք, 2025 թվականի հունվարի 1-ի դրությամբ Օրենսգրքի 457-րդ հոդվածի 2-րդ մասի եւ (կամ) սույն հոդվածի 5-րդ մասի համաձայն, ըստ մատակարարման եւ պահպանման առանձին վայրերի, չեն հաշվառել ապրանքների մնացորդները, սակայն հետագայում որեւէ ամսաթվի դրությամբ հարկային տարվա որեւէ ժամանակահատվածում հարկ վճարողի (այդ թվում՝ նոր ստեղծված (պետական գրանցում ստացած կամ հաշվառված))՝ Օրենսգրքի 55-րդ հոդվածի 2-րդ մասի 1-5-րդ կետերով սահմանված եւ (կամ) 13-րդ մասին համապատասխան փաստաթղթերով ձեռք բերված ապրանքների (բացառությամբ հումքի, նյութերի, հիմնական միջոցների եւ արտարժույթի) արժեքը (առանց ԱԱՀ-ի, ակցիզային հարկի եւ (կամ) բնապահպանական հարկի գումարների) կամ ԵՏՄ անդամ չհամարվող պետություններից «Բացթողում՝ ներքին սպառման համար» մաքսային ընթացակարգով ներմուծված ապրանքների մաքսային արժեքը, իսկ ԵՏՄ անդամ պետություններից ներմուծված ապրանքների մասով սահմանված կարգով որոշվող ԱԱՀ-ով հարկման բազան (առանց ակցիզային հարկի) գերազանցում է 24 միլիոն դրամի շեմը, պարտավոր են գերազանցելու հաշվետու ամսվան հաջորդող ամսվա 1-ի դրությամբ ըստ մատակարարման եւ պահպանման առանձին վայրերի հաշվառել ապրանքների մնացորդները:

7. Սույն օրենքի 8-րդ հոդվածով սահմանված պատասխանատվության միջոցը շրջանառության հարկ վճարողների նկատմամբ կիրառվում է 2025 թվականի հունվարի 1-ին եւ դրանից հետո ձեռք բերված ապրանքների նկատմամբ:

3. Հայաստանի Հանրապետության Հարկային օրենսգրքում եկամտային հարկի գումարի վերադարձի վերաբերյալ փոփոխություններ կատարելու մասին

Օրենսդրական ակտի անվանումը՝

Հայաստանի Հանրապետության Հարկային օրենսգրքում փոփոխություններ կատարելու մասին
ՀՕ-229-Ն
https://www.arlis.am/documentview.aspx?docid=193377

Փոփոխության կարգավիճակը՝

Օրենքի 1-ին հոդվածը ուժի մեջ է 2025 թվականի հունվարի 1-ից։ Սույնով սահմանված
սահմանափակումների կիրառության առումով հաշվի են առնվում միայն սույն օրենքն ուժի մեջ մտնելուց հետո կազմված ստուգման կամ այլ վարչական ակտերով արձանագրված՝ սույն օրենքով սահմանված իրավախախտումները։

Որ օրենսդրական ակտն է փոփոխվել վերոնշյալ ակտի ընդունմամբ՝

Վերոնշյալ ակտի ընդունմամբ փոփոխություն է տեղի ունեցել Հարկային օրենսգրքում։.

Ինչին են վերաբերում փոփոխությունները՝

Օրենքի փոփոխությունը վերաբերում է Եկամտային հարկի գումարի վերադարձի եւ մուտքագրման միասնական հաշվին, մասնավորապես նախատեսվում է, որ պետական բյուջեից փոխհատուցում չի կատարվում, եթե շահաբաժին վճարող Հայաստանի Հանրապետության ռեզիդենտ կազմակերպությունը 2025 թվականի հունվարի 1-ից հետո ընկած հաշվետու ժամանակաշրջանների գործունեության արդյունքներով ձեւավորվող շահույթից բաշխվող շահաբաժիններից վճարված եկամտային հարկի փոխհատուցման դիմումները հարկային մարմին ներկայացնելու օրը ներառող հարկային տարվա եւ կամ նախորդ հարկային տարվա ընթացքում ունեցել է անբողոքարկելի դարձած ստուգման կամ այլ վարչական ակտով արձանագրված օրենքով նախատեսված խախտում։

2016 թվականի հոկտեմբերի 4-ի Հայաստանի Հանրապետության հարկային օրենսգրքի (այսուհետ՝ Օրենսգիրք) 159-րդ հոդվածի 4-րդ մասը շարադրել հետեւյալ խմբագրությամբ.

Հոդված 159. Եկամտային հարկի գումարի վերադարձը եւ մուտքագրումը միասնական հաշվին

Հին տարբերակ

Շահաբաժինների տեսքով ստացվող եկամուտները դրանց ստացման հարկային տարվա ընթացքում շահաբաժին վճարող՝ Հայաստանի Հանրապետության ռեզիդենտ նույն կազմակերպության կանոնադրական կամ բաժնեհավաք կապիտալում օրենսդրությամբ սահմանված կարգով ներդնելու դեպքում ներդրված գումարը` ներդրման չափով, բայց ոչ ավելի, քան շահաբաժիններից պետական բյուջե վճարված հարկի գումարները, պետական բյուջեից փոխհատուցվում է Կառավարության սահմանած կարգով:

Նոր տարբերակ

Շահաբաժինների տեսքով ստացվող եկամուտները դրանց ստացման հարկային տարվա ընթացքում շահաբաժին վճարող Հայաստանի Հանրապետության ռեզիդենտ նույն կազմակերպության կանոնադրական կամ բաժնեհավաք կապիտալում օրենսդրությամբ սահմանված կարգով ներդնելու դեպքում ներդրված գումարը` ներդրման չափով, բայց ոչ ավելի, քան շահաբաժիններից պետական բյուջե վճարված հարկի գումարները, պետական բյուջեից փոխհատուցվում է Կառավարության սահմանած կարգով` հաշվի առնելով սույն մասով սահմանված սահմանափակումները:

Սույն մասով սահմանված` պետական բյուջեից փոխհատուցում չի կատարվում, եթե շահաբաժին վճարող Հայաստանի Հանրապետության ռեզիդենտ կազմակերպությունը 2025 թվականի հունվարի 1-ից հետո ընկած հաշվետու ժամանակաշրջանների գործունեության արդյունքներով ձեւավորվող շահույթից բաշխվող շահաբաժիններից վճարված եկամտային հարկի փոխհատուցման դիմումները հարկային մարմին ներկայացնելու օրը ներառող հարկային տարվա եւ կամ նախորդ հարկային տարվա ընթացքում ունեցել է անբողոքարկելի դարձած ստուգման կամ այլ վարչական ակտով արձանագրված`

1) Օրենսգրքի 408-րդ կամ 410-րդ կամ 415-րդ հոդվածի պահանջներից որեւէ մեկով խախտում.

2) Օրենսգրքի 412-րդ հոդվածի պահանջների երկու եւ ավելի անգամ խախտում.

3) Օրենսգրքի 416-րդ հոդվածի պահանջների երեք եւ ավելի անգամ խախտում: Սույն մասի երկրորդ պարբերությունում նշված խախտումներին վերաբերող ստուգման կամ այլ վարչական ակտի վարչական կամ դատական կարգով բողոքարկման արդյունքում ստուգման կամ այլ վարչական ակտի ուժի մեջ մնալը հիմք չէ սույն մասով նախատեսված դիմումների հիման վրա եկամտային հարկի փոխհատուցված գումարները պետական բյուջե վերադարձնելու համար:

4. Հայաստանի Հանրապետության Հարկային օրենսգրքում շրջանառության հարկի դրույքաչափերում, պարտավորությունների ու հաշվանցումների վերաձեւակերպման կարգում փոփոխություններ կատարելու մասին

Օրենսդրական ակտի անվանումը՝

Հայաստանի Հանրապետության Հարկային օրենսգրքում փոփոխություններ կատարելու մասին ՀՕ-285-Ն
https://www.arlis.am/documentview.aspx?docid=201067

Փոփոխության կարգավիճակը՝

Սույն Օրենքն ուժի մեջ է 2025 թվականի հունվարի 1-ից եւ տարածվում է դրանից հետո ծագող
հարաբերությունների վրա, եթե օրենքով այլ բան նախատեսված չէ:

Որ օրենսդրական ակտն է փոփոխվել վերոնշյալ ակտի ընդունմամբ՝

Վերոնշյալ ակտի ընդունմամբ փոփոխություն է տեղի ունեցել Հարկային օրենսգրքում։

Ինչին են վերաբերում փոփոխությունները՝

Օրենքի փոփոխությունը մասնավորապես վերաբերում է պարտավորությունների ու հաշվանցումների (պակասեցումների) վերաձեւակերպման կարգին, օրենսգրքով նախատեսված շրջանառության հարկի վերաբերյալ դրույթների վերաշարադրմանը, ինչպես նաեւ պետական բյուջե վճարման ենթակա շրջանառության հարկի գումարի հաշվարկման կարգին։

Օրենսգրքի 73-րդ հոդվածում 14-րդ մասը շարադրել հետեւյալ խմբագրությամբ.

Հոդված 73. Պարտավորությունների ու հաշվանցումների (պակասեցումների) վերաձեւակերպման կարգը

Հին տարբերակ

14. Սույն հոդվածով սահմանված կարգով վերաձեւակերպումներ չեն կատարվում, եթե վերաձեւակերպում կատարելու՝ սույն հոդվածով սահմանված հաշվետու ժամանակաշրջանում հարկ վճարողը չի համարվում ԱԱՀ վճարող:

Նոր տարբերակ

14. Օրենսգրքի համաձայն` ԱԱՀ վճարողների մոտ հարկման ընդհանուր համակարգից հարկման հատուկ համակարգեր տեղափոխվելու օրվա դրությամբ առկա ձեռքբերումների մասով նախորդ հաշվետու ժամանակաշրջաններում Օրենսգրքով սահմանված կարգով հաշվանցված (պակասեցված) ԱԱՀ-ի գումարները ենթակա են վերաձեւակերպման՝ հաշվետու ժամանակաշրջանում հաշվանցման (պակասեցման) ենթակա ԱԱՀ-ի գումարներից նվազեցման՝ տվյալ օրվան նախորդող` ԱԱՀ վճարող համարվելու վերջին հաշվետու ժամանակաշրջանի համար հարկային մարմին ներկայացվող՝ ԱԱՀ-ի եւ ակցիզային հարկի միասնական հաշվարկով` 1) ապրանքի (բացառությամբ հիմնական միջոցի կամ ոչ նյութական ակտիվի), աշխատանքի կամ ծառայության համապատասխան արժեքի նկատմամբ՝ ԱԱՀ-ի 20 տոկոս դրույքաչափով հաշվարկված գումարի չափով. 2) հիմնական միջոցի կամ ոչ նյութական ակտիվի հաշվեկշռային արժեքի նկատմամբ՝ ԱԱՀ-ի 20 տոկոս դրույքաչափով հաշվարկված գումարի չափով:»

Օրենսգրքի 258-րդ հոդվածը շարադրել հետեւյալ խմբագրությամբ.

Հոդված 258. Շրջանառության հարկի դրույքաչափերը

1. Շրջանառության հարկով հարկման օբյեկտ համարվող գործարքների հարկման բազայի նկատմամբ շրջանառության հարկը հաշվարկվում է հետեւյալ դրույքաչափերով` հաշվի առնելով սույն հոդվածի 2-8- րդ մասերով սահմանված դրույթները.

	Եկամտի տեսակը	Դրույքաչափը (տոկոս)
1)	Առեւտրական (առք ու վաճառքի) գործունեությունից ստացվող եկամուտներ, բացառությամբ սույն աղյուսակի 2- րդ եւ 9-րդ կետերով նախատեսված գործունեության տեսակներից ստացվող եկամուտների	10
2)	Կառավարության սահմանած ցանկում ներառված երկրորդային հումքի առեւտրական (առք ու վաճառքի) գործունեությունից ստացվող եկամուտներ	5
3)	Խմբագրությունների կողմից թերթերի օտարումից եկամուտներ	1.5
4)	Արտադրական գործունեությունից ստացվող եկամուտներ	7
5)	Վարձակալական վճար, տոկոս, ռոյալթի	10
6)	Հանրային սննդի ոլորտում իրականացվող գործունեությունից ստացվող եկամուտներ	12
7)	Հանրային սննդի ոլորտում գործունեություն իրականացնելու համար շրջանառության հարկ վճարող համարվելու վերաբերյալ հարկային մարմնի հաստատած ձեւով հայտարարություն ներկայացրած շրջանառության հարկ վճարողների կողմից Հայաստանի Հանրապետությունում կիրառվող՝ տնտեսական գործունեության դասակարգչի «Հանրային սննդի կազմակերպում» հատվածում չներառվող՝ այլ ակտիվների օտարումից, ինչպես նաեւ այլ գործունեությունից ստացվող եկամուտներr	20
8)	Կառավարության սահմանած բարձր տեխնոլոգիաների ոլորտի գործունեության տեսակների ցանկում ներառված	1
9)	Այլ ակտիվների, այդ թվում՝ անշարժ գույքի օտարումից ստացվող եկամուտներ	10
10)	Այլ գործունեությունից ստացվող եկամուտներ	10

2. Հաշվետու ժամանակաշրջանի համար սույն հոդվածի 1-ին մասի աղյուսակի 1-ին կետով սահմանված՝ առեւտրական (առք ու վաճառքի) գործունեությունից ձեւավորվող հարկման բազայի մասով սույն հոդվածի 1-ին մասով սահմանված դրույքաչափով հաշվարկված շրջանառության հարկի գումարը նվազեցվում է սույն հոդվածի 6-րդ մասով սահմանված ծախսերի հանրագումարի 9.5 տոկոսը կազմող գումարի չափով: Եթե սույն մասով սահմանված նվազեցումներից հետո շրջանառության հարկի գումարը կազմում է առեւտրական (առք ու վաճառքի) գործունեությունից ձեւավորվող հարկման բազայի մեկ տոկոսից պակաս գումար, ապա ծախսերի գծով նվազեցումը կատարվում է այն չափով, որ շրջանառության հարկի գումարը կազմի առեւտրական (առք ու վաճառքի) գործունեությունից ձեւավորվող հարկման բազայի մեկ տոկոսը:

3. Հաշվետու ժամանակաշրջանի համար սույն հոդվածի 1-ին մասի աղյուսակի 4-րդ կետով սահմանված՝ արտադրական գործունեությունից ձեւավորվող հարկման բազայի մասով սույն հոդվածի 1-ին մասով սահմանված դրույքաչափով հաշվարկված շրջանառության հարկի գումարը նվազեցվում է սույն հոդվածի 6-րդ մասով սահմանված ծախսերի հանրագումարի 5 տոկոսը կազմող գումարի չափով: Եթե սույն մասով սահմանված նվազեցումներից հետո շրջանառության հարկի գումարը կազմում է արտադրական գործունեությունից ձեւավորվող հարկման բազայի 3 տոկոսից պակաս գումար, ապա ծախսերի գծով նվազեցումը կատարվում է այն չափով, որ շրջանառության հարկի գումարը կազմի արտադրական գործունեությունից ձեւավորվող հարկման բազայի 3 տոկոսը:

4. Հաշվետու ժամանակաշրջանի համար սույն հոդվածի 1-ին մասի աղյուսակի 6-րդ կետով սահմանված՝ հանրային սննդի ոլորտում իրականացվող գործունեությունից ձեւավորվող հարկման բազայի մասով սույն հոդվածի 1-ին մասով սահմանված դրույքաչափով հաշվարկված շրջանառության հարկի գումարը նվազեցվում է սույն հոդվածի 6-րդ մասով սահմանված ծախսերի հանրագումարի 9 տոկոսը կազմող գումարի չափով: Եթե սույն մասով սահմանված նվազեցումներից հետո շրջանառության հարկի գումարը կազմում է հանրային սննդի ոլորտում իրականացվող գործունեությունից ձեւավորվող հարկման բազայի 3.5 տոկոսից պակաս գումար, ապա ծախսերի գծով նվազեցումը կատարվում է այն չափով, որ շրջանառության հարկի գումարը կազմի հանրային սննդի ոլորտում իրականացվող գործունեությունից ձեւավորվող հարկման բազայի 3.5 տոկոսը:

5. Հաշվետու ժամանակաշրջանի համար սույն հոդվածի 1-ին մասի աղյուսակի 10-րդ կետով սահմանված՝ այլ գործունեությունից ձեւավորվող հարկման բազայի մասով սույն հոդվածի 1-ին մասով սահմանված դրույքաչափով հաշվարկված շրջանառության հարկի գումարը նվազեցվում է սույն հոդվածի 6-րդ մասով սահմանված ծախսերի հանրագումարի 6 տոկոսը կազմող գումարի չափով: Եթե սույն մասով սահմանված նվազեցումներից հետո շրջանառության հարկի գումարը կազմում է սույն հոդվածի 1-ին մասի աղյուսակի 10-րդ կետով սահմանված՝ այլ գործունեությունից ձեւավորվող հարկման բազայի 4.5 տոկոսից պակաս գումար, ապա ծախսերի գծով նվազեցումը կատարվում է այն չափով, որ շրջանառության հարկի գումարը կազմի այլ գործունեությունից ձեւավորվող հարկման բազայի 4.5 տոկոսը:

6. Սույն հոդվածի 2-5-րդ մասերի կիրառության իմաստով՝

1) շրջանառության հարկի գումարից նվազեցվող ծախսեր են համարվում տվյալ հաշվետու ժամանակաշրջանում կատարված՝ Օրենսգրքի 55-րդ հոդվածի 2-րդ մասի 1-5-րդ կետերով, ինչպես նաեւ նույն հոդվածի 12-րդ եւ 13-րդ մասերով սահմանված փաստաթղթերով հիմնավորված՝ ապրանքների արտադրության, աշխատանքների կատարման եւ (կամ) ծառայությունների մատուցման հետ անմիջականորեն կապված ծախսերը (բացառությամբ շահագործման մեջ գտնվող արտադրական նշանակության հիմնական միջոցների եւ շահագործման մեջ գտնվող ոչ նյութական ակտիվների ամորտիզացիոն մասհանումների, ինչպես նաեւ այդ հիմնական միջոցների եւ ոչ նյութական ակտիվների վրա կատարվող ծախսերի), առեւտրական (առք ու վաճառքի) գործունեության առարկա հանդիսացող ապրանքների սկզբնական արժեքը, ինչպես նաեւ իրացման ծախսերը: Սույն կետի կիրառության նպատակով՝

ա. հաշվետու ժամանակաշրջանում կատարված ծախսեր են համարվում տվյալ հաշվետու ժամանակաշրջանում ձեռք բերված ապրանքների, ստացված ծառայությունների, ընդունված աշխատանքների գծով ծախսերը,

բ. ապրանքների արտադրության, աշխատանքների կատարման եւ (կամ) ծառայությունների մատուցման հետ անմիջականորեն կապված ծախսեր են համարվում Օրենսգրքի 121-րդ հոդվածի 7-րդ մասի երրորդ պարբերության 1-ին կետով սահմանված ծախսերը (բացառությամբ շահագործման մեջ գտնվող արտադրական նշանակության հիմնական միջոցների եւ շահագործման մեջ գտնվող ոչ նյութական ակտիվների ամորտիզացիոն մասհանումների, ինչպես նաեւ այդ հիմնական միջոցների եւ ոչ նյութական ակտիվների վրա կատարվող ծախսերի), իսկ իրացման ծախսեր են համարվում Օրենսգրքի 121-րդ հոդվածի 7-րդ մասի երրորդ պարբերության 3-րդ կետով սահմանված ծախսերը. 2) շրջանառության հարկի գումարից նվազեցվող ծախսեր չեն համարվում անհատույց ստացված ակտիվների, աշխատանքների եւ ծառայությունների գծով ծախսերը, ինչպես նաեւ հանրային սննդի ոլորտում գործունեություն իրականացնող հարկ վճարողների կողմից խոհարարական արտադրանք չհանդիսացող այլ ակտիվների օտարման դեպքում՝ դրանց սկզբնական արժեքը:

7. Սույն հոդվածի 2-5-րդ մասերին համապատասխան` շրջանառության հարկի գումարից ծախսերի գծով չնվազեցված մասը (այդ թվում` հաշվետու ժամանակաշրջանի համար առեւտրական (առք ու վաճառքի), արտադրական, հանրային սննդի ոլորտում իրականացվող եւ սույն հոդվածի 1-ին մասի աղյուսակի 10-րդ կետով սահմանված՝ այլ գործունեությունից ձեւավորվող հարկման բազաների բացակայության դեպքում) սույն հոդվածի 2-5-րդ մասերի պահանջների պահպանմամբ նվազեցվում է հետագա հաշվետու ժամանակաշրջանների համար՝ համապատասխանաբար առեւտրական (առք ու վաճառքի), արտադրական, հանրային սննդի ոլորտում իրականացվող եւ սույն հոդվածի 1-ին մասի աղյուսակի 10-րդ կետով սահմանված՝ այլ գործունեությունից ձեւավորվող հարկման բազաների նկատմամբ հաշվարկվող շրջանառության հարկի գումարից:

8. Հանրային սննդի ոլորտում գործունեություն իրականացնելու համար շրջանառության հարկ վճարող համարվելու վերաբերյալ հարկային մարմնի հաստատած ձեւով հայտարարություն ներկայացրած շրջանառության հարկ վճարողները շրջանառության հարկը հաշվարկում են միայն սույն հոդվածի 1-ին մասի աղյուսակի 6-րդ եւ 7-րդ կետերով սահմանված համապատասխան դրույքաչափերով:»:

Օրենսգրքի 260-րդ հոդվածը շարադրել հետեւյալ խմբագրությամբ

Հոդված 260. Պետական բյուջե վճարման ենթակա շրջանառության հարկի գումարի հաշվարկման կարգը

Հին տարբերակ

1. Շրջանառության հարկ վճարողները հաշվետու ժամանակաշրջանի գործունեության (բացառությամբ առեւտրական (առք ու վաճառքի) եւ հանրային սննդի ոլորտում իրականացվող գործունեության) արդյունքներով պետական բյուջե են վճարում այդ ժամանակաշրջանում ձեւավորվող հարկման բազայի նկատմամբ Օրենսգրքի 258-րդ հոդվածի 1-ին մասով սահմանված համապատասխան դրույքաչափերի կիրառությամբ հաշվարկված շրջանառության հարկի գումարը:

2. Շրջանառության հարկ վճարողները հաշվետու ժամանակաշրջանի՝ առեւտրական (առք ու վաճառքի) գործունեության (բացառությամբ Հայաստանի Հանրապետության կառավարության սահմանած ցանկում ներառված երկրորդային հումքի առեւտրական (առք ու վաճառքի) գործունեության) արդյունքներով պետական բյուջե են վճարում այդ ժամանակաշրջանում ձեւավորվող հարկման բազայի նկատմամբ Օրենսգրքի 258-րդ հոդվածի 1-ին մասով սահմանված դրույքաչափի կիրառությամբ հաշվարկված շրջանառության հարկի գումարի եւ Օրենսգրքի 258-րդ հոդվածի 2- րդ մասով սահմանված կարգով հաշվարկված՝ շրջանառության հարկի գումարից նվազեցվող գումարի տարբերությունը: 3. Շրջանառության հարկ վճարողները հաշվետու ժամանակաշրջանի՝ հանրային սննդի ոլորտում իրականացվող գործունեության արդյունքներով պետական բյուջե են վճարում այդ ժամանակաշրջանում ձեւավորվող հարկման բազայի նկատմամբ Օրենսգրքի 258-րդ հոդվածի 1-ին մասով սահմանված դրույքաչափի կիրառությամբ հաշվարկված շրջանառության հարկի գումարի եւ Օրենսգրքի 258-րդ հոդվածի 3- րդ մասով սահմանված կարգով հաշվարկված՝ շրջանառության հարկի գումարից նվազեցվող գումարի տարբերությունը: 4. Առեւտրական (առք ու վաճառքի) կամ հանրային սննդի ոլորտում իրականացվող գործունեության մասով շրջանառության հարկի հաշվարկման նպատակով իրականացվում է ապրանքների առանձնացված հաշվառում:.

Նոր տարբերակ

1. Շրջանառության հարկ վճարողները հաշվետու ժամանակաշրջանի գործունեության (բացառությամբ Օրենսգրքի 258-րդ հոդվածի 1-ին մասի աղյուսակի 1-ին, 4-րդ, 6-րդ եւ 10-րդ կետերով սահմանված գործունեությունների) արդյունքներով պետական բյուջե են վճարում այդ ժամանակաշրջանում ձեւավորվող հարկման բազայի նկատմամբ Օրենսգրքի 258-րդ հոդվածի 1- ին մասով սահմանված համապատասխան դրույքաչափերի կիրառությամբ հաշվարկված շրջանառության հարկի գումարը: 2. Շրջանառության հարկ վճարողները հաշվետու ժամանակաշրջանի գործունեության արդյունքներով Օրենսգրքի 258-րդ հոդվածի 1-ին մասի աղյուսակի 1-ին, 4-րդ, 6-րդ եւ 10-րդ կետերով սահմանված գործունեությունների մասով պետական բյուջե են վճարում այդ ժամանակաշրջանում ձեւավորվող հարկման բազայի նկատմամբ Օրենսգրքի 258-րդ հոդվածի 1- ին մասով սահմանված` համապատասխան դրույքաչափի կիրառությամբ հաշվարկված շրջանառության հարկի գումարի եւ Օրենսգրքի 258- րդ հոդվածի 2-5-րդ եւ 7-րդ մասերով սահմանված կարգով հաշվարկված` շրջանառության հարկի գումարից նվազեցվող գումարի տարբերությունը: 3. Օրենսգրքի 258-րդ հոդվածի 1-ին մասի աղյուսակի 1-ին, 4-րդ, 6-րդ եւ 10-րդ կետերով սահմանված գործունեությունների մասով շրջանառության հարկի հաշվարկման նպատակով իրականացվում է ծախսերի առանձնացված հաշվառում:»:

Օրենսգրքի 264-րդ հոդվածում 4-րդ մասը շարադրել հետեւյալ խմբագրությամբ.

Հոդված 264. Շրջանառության հարկի համակարգից հարկման ընդհանուր համակարգին անցումը

Հին տարբերակ

8. Փորձաքննության արդյունքները կազմակերպությունում ամփոփվում են եւ կազմվում է փորձագիտական եզրակացություն, որը փորձաքննության ավարտին հաջորդող աշխատանքային օրը ներկայացվում է լիազոր մարմնին՝ փորձաքննության արդյունքների մասին գրավոր ծանուցելով նաեւ հայտատուին՝ փոստային առաքմամբ կամ էլեկտրոնային փոստի միջոցով:

Նոր տարբերակ

4. Շրջանառության հարկի համակարգից հարկման ընդհանուր համակարգ անցնելու դեպքում, Օրենսգրքի 258-րդ հոդվածի 7-րդ մասի համաձայն, ծախսերի գծով չնվազեցված մասը համապատասխանաբար առեւտրական (առք ու վաճառքի) գործունեության մասով` 10-ապատիկի, արտադրական գործունեության մասով` 20- ապատիկի, հանրային սննդի ոլորտում իրականացվող գործունեության մասով` 10- ապատիկի եւ Օրենսգրքի 258-րդ հոդվածի 1-ին մասի աղյուսակի 10-րդ կետով սահմանված այլ գործունեության մասով 15-ապատիկի չափով նվազեցվում է շրջանառության հարկի համակարգից հարկման ընդհանուր համակարգ անցնելու օրը ներառող հաշվետու ժամանակաշրջանի համախառն եկամտից:

5. Հայաստանի Հանրապետության ՊԵԿ նախագահի 2022 թվականի օգոստոսի 17-ի N 849-ն հրամանում հարկային մարմին էլեկտրոնային եղանակով ներկայացվող հարկային հաշվարկների ներկայացման հետ կապված հարաբերությունների հաշվետու ժամանակաշրջանների հիմքերի վերաբերյալ լրացումներ կատարելու մասին

Օրենսդրական ակտի անվանումը՝

Հայաստանի Հանրապետության Պետական եկամուտների կոմիտեի նախագահի 2022 թվականի
օգոստոսի 17-ի N 849-ն հրամանում լրացումներ կատարելու մասին N 1739-Ն
https://www.arlis.am/documentview.aspx?docid=201801

Փոփոխության կարգավիճակը՝

Սույն Որոշումն ուժի մեջ է մտել 2025թվականի հունվարի 9-ին.

Որ օրենսդրական ակտն է փոփոխվել վերոնշյալ ակտի ընդունմամբ՝

Վերոնշյալ ակտի ընդունմամբ փոփոխություն է տեղի ունեցել Հայաստանի Հանրապետության Պետական
եկամուտների կոմիտեի նախագահի 2022 թվականի օգոստոսի 17-ի N 849-ն հրամանում։

Ինչին են վերաբերում փոփոխությունները՝

Փոփոխություն տեղի է ունեցել Հայաստանի Հանրապետության կառավարության 2022 թվականի օգոստոսի 17-ի «Հարկային պարտավորությունն ավելացնող եւ (կամ) հաշվանցվող (պակասեցվող) գումարը նվազեցնող հարկային հաշվարկների (այդ թվում՝ ճշտված հարկային հաշվարկների) ներկայացման կարգը սահմանելու մասին» N 849-Ն որոշման մեջ, մասնավորապես լրացում է տեղի ունեցել հաշվետու ժամանակաշրջանի հիմքերում՝ Հայաստանի Հանրապետությունում հարկային պարտավորությունն ավելացնող եւ/կամ հաշվանցվող/պակասեցվող գումարը նվազեցնող հարկային մարմնին էլեկտրոնային եղանակով ներկայացվող հարկային հաշվարկների վերաբերյալ։

Հայաստանի Հանրապետության պետական եկամուտների կոմիտեի նախագահի 2022 թվականի օգոստոսի 17-ի «Հարկային պարտավորությունն ավելացնող եւ (կամ) հաշվանցվող (պակասեցվող) գումարը նվազեցնող հարկային հաշվարկների (այդ թվում՝ ճշտված հարկային հաշվարկների) ներկայացման կարգը սահմանելու մասին» N 849-Ն հրամանի հավելվածի 1-ին կետում լրացնել հետեւյալ բովանդակությամբ 3-5-րդ ենթակետեր՝

Կ Ա Ր Գ

Հարկային պարտավորությունն ավելացնող եւ (կամ) հաշվանցվող (պակասեցվող) գումարը նվազեցնող հարկային հաշվարկների (այդ թվում՝ ճշտված հարկային հաշվարկների) ներկայացման 1. Սույն կարգով կարգավորվում են հարկային պարտավորությունն ավելացնող եւ (կամ) հաշվանցվող (պակասեցվող) գումարը նվազեցնող հարկային մարմին էլեկտրոնային եղանակով ներկայացվող այն հարկային հաշվարկների (այդ թվում՝ ճշտված հարկային հաշվարկների) ներկայացման հետ կապված հարաբերությունները, որոնք վերաբերում են այն հաշվետու ժամանակաշրջանին՝ «3) որը տվյալ հարկատեսակի գծով արդեն ուսումնասիրվել է հարկային մարմնի կողմից՝ Հայաստանի Հանրապետության հարկային օրենսգրքի 349.1-ին հոդվածով սահմանված կարգով,
4) որը միասնական հաշվին մուտքագրման ենթակա գումարների հիմնավորվածության ուսումնասիրության նպատակով արդեն ուսումնասիրվել է հարկային մարմնի կողմից, 5) որի արդյունքներով առաջացած ավելացված արժեքի հարկի փոխհատուցվող գումարների մուտքագրումը միասնական հաշվին կատարվել է Հայաստանի Հանրապետության հարկային օրենսգրքի 348-րդ հոդվածի 10-րդ մասին համապատասխան՝ Հայաստանի Հանրապետության կառավարության սահմանած պարզեցված ընթացակարգով:»

6. Հայաստանի Հանրապետության կառավարության 2017 թվականի սեպտեմբերի 28-ի N 1371-Ն որոշման մեջ եկամտային հարկի փոխհատուցման դիմումի մերժման, հարկային օրենսգրքով նախատեսված սահմանափակումների վերաբերյալ լրացումներ եւ փոփոխություններ կատարելու մասին

Օրենսդրական ակտի անվանումը՝

Հայաստանի Հանրապետության կառավարության 2017 թվականի սեպտեմբերի 28-ի N 1371-Ն որոշման մեջ լրացումներ եւ փոփոխություններ կատարելու մասին N 1598-Ն
https://www.arlis.am/documentview.aspx?docid=198337

Փոփոխության կարգավիճակը՝

Սույն որոշումն ուժի մեջ է 2025 թվականի հունվարի 1-ից։

Որ օրենսդրական ակտն է փոփոխվել վերոնշյալ ակտի ընդունմամբ՝

Վերոնշյալ ակտի ընդունմամբ փոփոխություն է տեղի ունեցել Հայաստանի Հանրապետության կառավարության 2017 թվականի սեպտեմբերի 28-ի «Շահաբաժինների տեսքով ստացվող եկամուտները դրանց ստացման հարկային տարվա ընթացքում շահաբաժին վճարող՝ Հայաստանի Հանրապետության ռեզիդենտ նույն կազմակերպության կանոնադրական կամ բաժնեհավաք կապիտալում օրենսդրությամբ սահմանված կարգով ներդնելու դեպքում այդ շահաբաժիններից վճարված եկամտային հարկի գումարները պետական բյուջեից փոխհատուցելու կարգը սահմանելու մասին» N 1371-Ն որոշման մեջ։

Ինչին են վերաբերում փոփոխությունները՝

Փոփոխություն է տեղի ունեցել Հայաստանի Հանրապետության կառավարության 2017 թվականի սեպտեմբերի 28-ի «Շահաբաժինների տեսքով ստացվող եկամուտները դրանց ստացման հարկային տարվա ընթացքում շահաբաժին վճարող՝ Հայաստանի Հանրապետության ռեզիդենտ նույն կազմակերպության կանոնադրական կամ բաժնեհավաք կապիտալում օրենսդրությամբ սահմանված կարգով ներդնելու դեպքում այդ շահաբաժիններից վճարված եկամտային հարկի գումարները պետական բյուջեից փոխհատուցելու կարգը սահմանելու մասին» N 1371-Ն որոշման մեջ, համաձայն որի այսուհետ շահաբաժին ստացած անձանց ենթակա գումարների փոխհատուցման կարգում պետք է հաշվի առնել նաեւ հարկային օրենսգրքով նախատեսված «Եկամտային հարկի գումարի վերադարձը եւ մուտքագրումը միասնական հաշվին» սահմանափակումները։ Ինչպես նաեւ որոշմամբ հստակեցվել է հարկային մարմնի կողմից Եկամտային հարկի փոխհատուցման մասին դիմումի հստակ մերժման հիմքերը։

Հայաստանի Հանրապետության կառավարության 2017 թվականի սեպտեմբերի 28-ի «Շահաբաժինների տեսքով ստացվող եկամուտները դրանց ստացման հարկային տարվա ընթացքում շահաբաժին վճարող՝ Հայաստանի Հանրապետության ռեզիդենտ նույն կազմակերպության կանոնադրական կամ բաժնեհավաք կապիտալում օրենսդրությամբ սահմանված կարգով ներդնելու դեպքում այդ շահաբաժիններից վճարված եկամտային հարկի գումարները պետական բյուջեից փոխհատուցելու կարգը սահմանելու մասին» N 1371-Ն որոշման 1-ին կետով հաստատված հավելվածի 2-րդ կետը լրացնել նոր բովանդակությամբ

Հին տարբերակ

2. Սույն կարգի իմաստով շահաբաժին ստացած անձանց փոխհատուցվում են Հայաստանի Հանրապետության հարկային օրենսգրքի 159-րդ հոդվածի 4-րդ մասի համաձայն այդ անձանց կողմից Հայաստանի Հանրապետության ռեզիդենտ կազմակերպության կանոնադրական կամ բաժնեհավաք կապիտալում ներդրված ամբողջ գումարը, բայց ոչ ավելի, քան տվյալ անձի կողմից շահաբաժնի տեսքով ստացվող եկամուտներից շահաբաժին վճարելու հարկային տարվա ընթացքում Հայաստանի Հանրապետության ռեզիդենտ նույն կազմակերպության կողմից վճարված եկամտային հարկի գումարները:

Նոր տարբերակ

2. Սույն կարգի իմաստով շահաբաժին ստացած անձանց փոխհատուցվում են Հայաստանի Հանրապետության հարկային օրենսգրքի 159-րդ հոդվածի 4-րդ մասի համաձայն այդ անձանց կողմից Հայաստանի Հանրապետության ռեզիդենտ կազմակերպության կանոնադրական կամ բաժնեհավաք կապիտալում ներդրված ամբողջ գումարը, բայց ոչ ավելի, քան տվյալ անձի կողմից շահաբաժնի տեսքով ստացվող եկամուտներից շահաբաժին վճարելու հարկային տարվա ընթացքում Հայաստանի Հանրապետության ռեզիդենտ նույն կազմակերպության կողմից վճարված եկամտային հարկի գումարները ՝ հաշվի առնելով Հայաստանի Հանրապետության հարկային օրենսգրքի 159-րդ հոդվածի 4-րդ մասով սահմանված սահմանափակումները։

լրացնել հետեւյալ բովանդակությամբ նոր՝ 4.2-րդ ենթակետով.

Հին տարբերակ

Նոր տարբերակ

4.2) հաշվետու տարվա ընթացքում անձանց կողմից ռեզիդենտ հանդիսացող նույն կոոպերատիվի բաժնային ֆոնդի (փայահավաք կապիտալի) մեծացման վերաբերյալ լիազոր մարմնի կողմից տրամադրված տեղեկանք` համաձայն սույն կարգի N 3.2 ձեւի։

5-րդ կետը շարադրել հետեւյալ խմբագրությամբ.

Հին տարբերակ

5. Եկամտային հարկի գումարների փոխհատուցման նպատակով հարկային մարմին ներկայացված՝ սույն կարգի 3-րդ կետով սահմանված փաստաթղթերն ամբողջական չլինելու դեպքում հարկային մարմինը եկամտային հարկի փոխհատուցման համար դիմում ներկայացրած անձին առաջարկում է տասն աշխատանքային օրվա ընթացքում շտկել առկա թերությունները: Եկամտային հարկի փոխհատուցման մասին դիմումը հարկային մարմնի որոշմամբ մերժվում է, եթե սույն կետով սահմանված ժամկետում չեն ներկայացվել սույն կարգի 3-րդ կետով սահմանված փաստաթղթերը: Եկամտային հարկի փոխհատուցման մասին դիմումը հարկային մարմնի կողմից մերժվելու դեպքում եկամտային հարկի փոխհատուցումը մերժելու մասին հարկային մարմնի որոշումը սույն կետով սահմանված ժամկետի ավարտին հաջորդող հինգ աշխատանքային օրվա ընթացքում ներկայացվում է դիմում ներկայացրած անձին: Եկամտային հարկի փոխհատուցումը մերժելու մասին հարկային մարմնի որոշումն ստանալուց հետո անձը կարող է հարկային մարմին կրկին ներկայացնել դիմում՝ սույն կարգի N 1 ձեւի համաձայն:

Նոր տարբերակ

5. Եկամտային հարկի գումարների փոխհատուցման նպատակով հարկային մարմին ներկայացված՝ սույն կարգի 3-րդ կետով սահմանված փաստաթղթերն ամբողջական չլինելու (կամ) ներկայացված փաստաթղթերում անհամապատասխանություններ հայտնաբերելու դեպքում հարկային մարմինը եկամտային հարկի փոխհատուցման համար դիմում ներկայացրած անձին առաջարկում է տասն աշխատանքային օրվա ընթացքում շտկել առկա թերությունները: Եկամտային հարկի փոխհատուցման մասին դիմումը հարկային մարմնի որոշմամբ մերժվում է, եթե՝

1) սույն կետով սահմանված ժամկետում չեն ներկայացվել սույն կարգի 3-րդ կետով սահմանված փաստաթղթերը կամ չեն ուղղվել ներկայացված փաստաթղթերում առկա անհամապատասխանությունները.

2) շահաբաժին վճարող Հայաստանի Հանրապետության ռեզիդենտ կազմակերպությունը 2025 թվականի հունվարի 1-ից հետո ընկած հաշվետու ժամանակաշրջանների գործունեության արդյունքներով ձեւավորվող շահույթից բաշխվող շահաբաժիններից վճարված եկամտային հարկի փոխհատուցման դիմումները հարկային մարմին ներկայացնելու օրը ներառող հարկային տարվա կամ նախորդ հարկային տարվա ընթացքում ունեցել է անբողոքարկելի դարձած ստուգման կամ այլ վարչական ակտով արձանագրված՝

ա. Հայաստանի Հանրապետության հարկային օրենսգրքի 408-րդ կամ 410-րդ կամ 415-րդ հոդվածի պահանջներից որեւէ մեկով խախտում,

բ. Հայաստանի Հանրապետության հարկային օրենսգրքի 412-րդ հոդվածի պահանջների երկու եւ ավելի անգամ խախտում,

գ. Հայաստանի Հանրապետության հարկային օրենսգրքի 416-րդ հոդվածի պահանջների երեք եւ ավելի անգամ խախտում։ Եկամտային հարկի փոխհատուցման մասին դիմումը հարկային մարմնի կողմից մերժվելու դեպքում եկամտային հարկի փոխհատուցումը մերժելու մասին հարկային մարմնի որոշումը սույն կետով սահմանված ժամկետի ավարտին հաջորդող հինգ աշխատանքային օրվա ընթացքում ներկայացվում է դիմում ներկայացրած անձին: Եկամտային հարկի փոխհատուցումը մերժելու մասին հարկային մարմնի որոշումն ստանալուց հետո անձը կարող է հարկային մարմին կրկին ներկայացնել դիմում՝ սույն կարգի N 1 ձեւի համաձայն՝ բացառությամբ սույն կետի 2-րդ ենթակետում նշված դեպքերի:

7. Հայաստանի Հանրապետության հարկային օրենսգրքում եկամտի առանձին տեսակների հաշվառման, հարկման բազայի որոշման նպատակով համախառն եկամտից կատարվող նվազեցումների սահմանափակումների, ծախսերի առանձին տեսակների հաշվառման առանձնահատկությունների եւ օրենսգրքով նախատեսված այլ նվազեցումների վերաբերյալ փոփոխություններ եւ լրացումներ կատարելու մասին

Օրենսդրական ակտի անվանումը՝

OՀայաստանի Հանրապետության Հարկային օրենսգրքում փոփոխություններ եւ լրացումներ կատարելու մասին ՀՕ-499-Ն https://www.arlis.am/documentview.aspx?docid=201054

Փոփոխության կարգավիճակը՝

Սույն օրենքն ուժի մեջ է մտնում 2025 թվականի հունվարի 1-ից եւ գործում է մինչեւ 2031 թվականի
դեկտեմբերի 31-ը:

Որ օրենսդրական ակտն է փոփոխվել վերոնշյալ ակտի ընդունմամբ՝

Վերոնշյալ ակտի ընդունմամբ փոփոխություն է տեղի ունեցել Հարկային օրենսգրքում։

Ինչին են վերաբերում փոփոխությունները՝

Հարկային օրենսգրքում փոփոխության իրականացումը մասնավորապես կապված է «Բարձր տեխնոլոգիաների ոլորտի պետական աջակցության մասին» օրենքի ընդունմամբ։ Մասնավորապես՝ Հարկային օրենսգրքում լրացումներ են տեղի ունեցել եկամտի առանձին տեսակների հաշվառման, հարկման բազայի որոշման նպատակով համախառն եկամտից կատարվող նվազեցումների սահմանափակումների, ծախսերի առանձին տեսակների հաշվառման առանձնահատկությունների եւ օրենսգրքով նախատեսված այլ նվազեցումների վերաբերյալ դրույթներում։

8. Հաշվետու ժամանակաշրջանի արդյունքներով հարկային մարմին ներկայացված ավելացված արժեքի հարկի եւ ակցիզային հարկի միասնական հաշվարկով առաջացած ավելացված արժեքի հարկի կամ ակցիզային հարկի փոխհատուցվող գումարները ռիսկային համարելու չափանիշները սահմանելու մասին

Նոր ընդունված օրենսդրական ակտի անվանումը՝

Հաշվետու ժամանակաշրջանի արդյունքներով հարկային մարմին ներկայացված ավելացված արժեքի
հարկի եւ ակցիզային հարկի միասնական հաշվարկով առաջացած ավելացված արժեքի հարկի կամ
ակցիզային հարկի փոխհատուցվող գումարները ռիսկային համարելու չափանիշները սահմանելու մասին N 155-Ն
https://www.arlis.am/DocumentView.aspx?docid=189277

Փոփոխության կարգավիճակը՝

Սույն որոշումն ուժի մեջ է մտնում 2025 թվականի հունվարի 1-ից` 30.05.24 N 810-Ն որոշման 1-ին կետի 1-ին ենթակետի փոփոխության համաձայն:

Ինչին են վերաբերում փոփոխությունները՝

Որոշմամբ նախատեսված է հաշվետու ժամանակաշրջանի արդյունքներով հարկային մարմին ներկայացված ավելացված արժեքի հարկի եւ ակցիզային հարկի միասնական հաշվարկով առաջացած ավելացված արժեքի հարկի կամ ակցիզային հարկի փոխհատուցվող գումարները ռիսկային համարելու չափանիշները։ Մասնավորապես Որոշմամբ նախատեսված է Կազմակերպության կամ անհատ ձեռնարկատիրոջ կամ նոտարի (այսուհետ` հարկ վճարող) կողմից յուրաքանչյուր hաշվետու ժամանակաշրջանի գործունեության արդյունքներով Հայաստանի Հանրապետության հարկային օրենսգրքով (այսուհետ՝ օրենսգիրք) սահմանված կարգով հարկային մարմին ներկայացված ավելացված արժեքի հարկի եւ ակցիզային հարկի միասնական հաշվարկով (այսուհետ` միասնական հաշվարկ) թե որ դեպքերում է առաջացած ավելացված արժեքի հարկի (այսուհետ` ԱԱՀ) փոխհատուցվող գումարը համարվում ռիսկային, եթե առկա է Որոշմամբ նախատեսված չափանիշներից որեւէ մեկը։

ՀԱՇՎԵՏՈՒ ԺԱՄԱՆԱԿԱՇՐՋԱՆԻ ԱՐԴՅՈՒՆՔՆԵՐՈՎ ՀԱՐԿԱՅԻՆ ՄԱՐՄԻՆ ՆԵՐԿԱՅԱՑՎԱԾ ԱՎԵԼԱՑՎԱԾ ԱՐԺԵՔԻ ՀԱՐԿԻ ԵՎ ԱԿՑԻԶԱՅԻՆ ՀԱՐԿԻ ՄԻԱՍՆԱԿԱՆ ՀԱՇՎԱՐԿՈՎ ԱՌԱՋԱՑԱԾ ԱՎԵԼԱՑՎԱԾ ԱՐԺԵՔԻ ՀԱՐԿԻ ԿԱՄ ԱԿՑԻԶԱՅԻՆ ՀԱՐԿԻ ՓՈԽՀԱՏՈՒՑՎՈՂ ԳՈՒՄԱՐՆԵՐԸ ՌԻՍԿԱՅԻՆ ՀԱՄԱՐԵԼՈՒ ՉԱՓԱՆԻՇՆԵՐԸ ՍԱՀՄԱՆԵԼՈՒ ՄԱՍԻՆ

Հիմք ընդունելով Հայաստանի Հանրապետության հարկային օրենսգրքի 74-րդ հոդվածի 4-րդ եւ 5-րդ, 95- րդ հոդվածի 4-րդ եւ 5-րդ, 348-րդ հոդվածի 1-ին մասերը` Հայաստանի Հանրապետության կառավարությունը որոշում է.

1. Սահմանել հաշվետու ժամանակաշրջանի արդյունքներով հարկային մարմին ներկայացված ավելացված արժեքի հարկի եւ ակցիզային հարկի միասնական հաշվարկով առաջացած ավելացված արժեքի հարկի կամ ակցիզային հարկի փոխհատուցվող գումարները ռիսկային համարելու չափանիշները` համաձայն հավելվածի:.

9. Մինչեւ 2025 թվականի հունվարի 1-ը հաշվառված եւ չկատարված (չմարված) հարկային պարտավորությունները հարկային մարմնի կողմից վարվող անձնական հաշվի քարտերում հաշվառելու կարգը սահմանելու մասին

Նոր ընդունված օրենսդրական ակտի անվանումը՝

Մինչեւ 2025 թվականի հունվարի 1-ը հաշվառված եւ չկատարված (չմարված) հարկային պարտավորությունները հարկային մարմնի կողմից վարվող անձնական հաշվի քարտերում հաշվառելու կարգը սահմանելու մասին N 1512-Ն Հրաման

https://www.arlis.am/DocumentView.aspx?DocID=199961

Փոփոխության կարգավիճակը՝

Սույն հրամանն ուժի մեջ է մտել 2025 թվականի հունվարի 1-ից:

Ինչին են վերաբերում փոփոխությունները՝

Հրամանը մասնավորապես վերաբերում է մինչեւ 2025 թվականի հունվարի 1-ը հարկի կամ վճարի գծով հաշվառված եւ չկատարված հարկային պարտավորությունների եւ 2025 թվականի հունվարի 1-ի դրությամբ առկա դեբետային գումարների Հայաստանի Հանրապետության հարկային օրենսգրքի 319-րդ հոդվածի 6- րդ մասին համապատասխան հարկային մարմնի կողմից էլեկտրոնային եղանակով վարվող` հարկ վճարողների ներկայացրած հարկային հաշվարկներում արտացոլված տվյալների հիման վրա անձնական հաշվի քարտում եւ հարկային մարմնի կողմից կազմված ստուգման կամ այլ վարչական ակտում արտացոլված տվյալների հիման վրա անձնական հաշվի քարտում հաշվառելու հետ կապված հարցերին:

1. Սահմանել`

1) մինչեւ 2025 թվականի հունվարի 1-ը հաշվառված եւ չկատարված (չմարված) հարկային պարտավորությունները հարկային մարմնի կողմից վարվող անձնական հաշվի քարտերում հաշվառելու կարգը` համաձայն հավելվածի:

2. Սույն հրամանն ուժի մեջ է մտնում 2025 թվականի հունվարի 1-ից:

ՄԻՆՉԵՎ 2025 ԹՎԱԿԱՆԻ ՀՈՒՆՎԱՐԻ 1-Ը ՀԱՇՎԱՌՎԱԾ ԵՎ ՉԿԱՏԱՐՎԱԾ (ՉՄԱՐՎԱԾ) ՀԱՐԿԱՅԻՆ ՊԱՐՏԱՎՈՐՈՒԹՅՈՒՆՆԵՐԸ ՀԱՐԿԱՅԻՆ ՄԱՐՄՆԻ ԿՈՂՄԻՑ ՎԱՐՎՈՂ ԱՆՁՆԱԿԱՆ ՀԱՇՎԻ ՔԱՐՏԵՐՈՒՄ ՀԱՇՎԱՌԵԼՈՒ

1. Սույն կարգով կարգավորվում են մինչեւ 2025 թվականի հունվարի 1-ը հարկի կամ վճարի գծով հաշվառված եւ չկատարված հարկային պարտավորությունները եւ 2025 թվականի հունվարի 1-ի դրությամբ առկա դեբետային գումարները (այսուհետ՝ հաշվառման ենթակա հարկային պարտավորություններ) Հայաստանի Հանրապետության հարկային օրենսգրքի (այսուհետ` օրենսգիրք) 319-րդ հոդվածի 6-րդ մասին համապատասխան հարկային մարմնի կողմից էլեկտրոնային եղանակով վարվող` հարկ վճարողների ներկայացրած հարկային հաշվարկներում արտացոլված տվյալների հիման վրա անձնական հաշվի քարտում (այսուհետ` հարկատեսակների ԱՀՔ) եւ հարկային մարմնի կողմից կազմված ստուգման կամ այլ վարչական ակտում արտացոլված տվյալների հիման վրա անձնական հաշվի քարտում (այսուհետ` վարչական ակտի ԱՀՔ) հաշվառելու հետ կապված հարցերը:

2. Մինչեւ 2025 թվականի հունվարի 1-ը հարկային մարմնի կողմից վարվող անձնական հաշվի քարտում հարկի կամ վճարի հարկային պարտավորությունների, դեբետային գումարների մասով կատարված գրանցումները պահպանվում են այդ քարտում եւ դրանք 2025 թվականի հունվարի 1-ից հետո վարվող հարկատեսակների ԱՀՔ կամ վարչական ակտի ԱՀՔ չեն տեղափոխվում, բացառությամբ հաշվառման ենթակա հարկային պարտավորությունների:

3. 2025 թվականի հունվարի 1-ից հետո հարկի կամ վճարի գծով հարկային պարտավորությունների, դեբետային գումարների մասով մինչեւ 2025 թվականի հունվարի 1-ը վարվող անձնական հաշվի քարտում գրանցումներ չեն կատարվում:

4. Հաշվառման ենթակա հարկային պարտավորությունները հաշվառվում են օրենսգրքի 319-րդ հոդվածի 6-րդ մասին համապատասխան հարկային մարմնի կողմից էլեկտրոնային եղանակով վարվող հարկատեսակների ԱՀՔ-ում կամ վարչական ակտի ԱՀՔ-ում:

5. Հաշվառման ենթակա պարտավորություններից հարկային մարմնի կողմից կազմված ստուգման կամ այլ վարչական ակտով առաջադրված հարկի կամ վճարի գծով հարկային պարտավորությունները, դեբետային գումարները, որոնք օրենսգրքով սահմանված կարգով անբողոքարկելի համարվելուց հետո հարկ վճարողի անձնական հաշվի քարտում հաշվառվել են մինչեւ 2025 թվականի հունվարի 1-ը, հաշվառվում են վարչական ակտի ԱՀՔ-ում, իսկ հաշվառման ենթակա հարկային պարտավորությունների մնացած մասը հաշվառվում են հարկատեսակների ԱՀՔ-ում։

6. Հարկատեսակների ԱՀՔ-ում կամ վարչական ակտի ԱՀՔ-ում հաշվառման ենթակա պարտավորությունների սկզբնական մնացորդները հաշվառվում են 2025 թվականի հունվարի 1-ի դրությամբ: Ընդ որում, հարկերի, տույժերի եւ տուգանքների գումարները հաշվառվում են առանձին- առանձին:

7. Սույն կարգի 5-րդ կետին համապատասխան հաշվառված` հաշվառման ենթակա պարտավորությունների մասով 2025 թվականի հունվարի 1-ից հետո կատարվող փոփոխությունները հաշվառվում են համապատասխանաբար հարկատեսակների ԱՀՔ-ում կամ վարչական ակտի ԱՀՔ-ում` դրանց վարման կարգերին համապատասխան:

10. Հարկ վճարողների ներկայացրած հարկային հաշվարկներում արտացոլված տվյալների հիման վրա անձնական հաշվի քարտի ձեւը եւ վարման կարգը սահմանելու մասին

Նոր ընդունված օրենսդրական ակտի անվանումը՝

«Անձնական հաշվի քարտի ձեւը եւ վարման կարգը սահմանելու մասին» N 1513-Ն
https://www.arlis.am/documentview.aspx?docID=200015

Փոփոխության կարգավիճակը՝

Սույն հրամանն ուժի մեջ է մտել 2025 թվականի հունվարի 1-ից:

Ինչին են վերաբերում փոփոխությունները՝

Հրամանը մասնավորապես վերաբերում է անձնական հաշվի քարտի ձեւին, հարկ վճարողների ներկայացրած հարկային հաշվարկներում արտացոլված տվյալների հիման վրա անձնական հաշվի քարտի վարման կարգին, հարկային մարմնի կողմից կազմված ստուգման կամ այլ վարչական ակտում արտացոլված տվյալների հիման վրա անձնական հաշվի քարտի վարման կարգին։ Հրամանով մանրամասնորեն կարգերը սահմանված են։

1. Սահմանել`

1) անձնական հաշվի քարտի ձեւը` համաձայն N 1 հավելվածի,

2) հարկ վճարողների ներկայացրած հարկային հաշվարկներում արտացոլված տվյալների հիման վրա անձնական հաշվի քարտի վարման կարգը` համաձայն N 2 հավելվածի,

3) հարկային մարմնի կողմից կազմված ստուգման կամ այլ վարչական ակտում արտացոլված տվյալների հիման վրա անձնական հաշվի քարտի վարման կարգը` համաձայն N 3 հավելվածի:

2. Սահմանել, որ՝

1) 2025 թվականի հունվարի 1-ից սկսած հարկային մարմին ներկայացվող հարկային հաշվարկներով (այդ թվում՝ ճշտված) առաջացող հարկային պարտավորությունները՝ անկախ այդ պարտավորությունները որ հաշվետու ժամանակաշրջանին են վերաբերում, հաշվառվում են սույն հրամանի 1-ին կետի 2-րդ ենթակետին համապատասխան վարվող անձնական հաշվի քարտում,

2) հարկային մարմնի կողմից կազմված ստուգման կամ այլ վարչական ակտով առաջադրված հարկային պարտավորությունները՝ անկախ այդ պարտավորությունները որ հաշվետու ժամանակաշրջանին են վերաբերում, 2025 թվականի հունվարի 1-ից սկսած հաշվառվում են սույն հրամանի 1-ին կետի 3-րդ ենթակետին համապատասխան վարվող անձնական հաշվի քարտում:

3. Սույն հրամանն ուժի մեջ է մտնում 2025 թվականի հունվարի 1-ից:.

11. Հաշվարկային փաստաթուղթ չհամարվող՝ օրենսդրությամբ սահմանված կարգով կազմված այլ փաստաթղթերի դուրսգրման դեպքերը, կարգը եւ ժամկետները սահմանելու մասին

Նոր ընդունված օրենսդրական ակտի անվանումը՝

Հաշվարկային փաստաթուղթ չհամարվող՝ օրենսդրությամբ սահմանված կարգով կազմված այլ
փաստաթղթերի դուրսգրման դեպքերը, կարգը եւ ժամկետները սահմանելու մասին N 392-Ն
https://www.arlis.am/DocumentView.aspx?docid=191005

Փոփոխության կարգավիճակը՝

Սույն Որոշումն ուժի մեջ է մտել 2025 թվականի հունվարի 1-ից եւ տարածվում է 2025 թվականի հունվարի 1-ից հետո կատարված ձեռքբերումների նկատմամբ:

Ինչին են վերաբերում փոփոխությունները՝

2025 թվականի հունվարի 1-ից ուժի մեջ է մտել «Հաշվարկային փաստաթուղթ չհամարվող՝ օրենսդրությամբ սահմանված կարգով կազմված այլ փաստաթղթերի դուրսգրման դեպքերը, կարգը եւ ժամկետները սահմանելու մասին» N 392-Ն Որոշումը, որը նախատեսում է սահմանել հաշվարկային փաստաթուղթ չհամարվող՝ օրենսդրությամբ սահմանված կարգով կազմված այլ փաստաթղթերի դուրսգրման դեպքերը, կարգը եւ ժամկետները՝ համաձայն Որոշման հավելվածի։ Մանսավորապես՝ Որոշմամբ նախատեսվել է, որ Որոշմամբ նախատեսված կարգով կարգավորվում է հարկային օրենսգրքի 55-րդ հոդվածի 13-րդ մասին համապատասխան՝ անհատ ձեռնարկատեր կամ նոտար չհամարվող ֆիզիկական անձից ձեռք բերվող ապրանքների (բացառությամբ արտարժույթի) մասով օրենսդրությամբ սահմանված կարգով կազմվող հաշվարկային փաստաթուղթ չհամարվող այլ փաստաթղթերի (այսուհետ` ֆիզիկական անձից ձեռքբերման փաստաթուղթ) էլեկտրոնային եղանակով դուրսգրման դեպքերի, կարգի եւ ժամկետների հետ կապված հարաբերությունները։

Հիմք ընդունելով Հայաստանի Հանրապետության հարկային օրենսգրքի 55-րդ հոդվածի 14-րդ մասը՝ Հայաստանի Հանրապետության կառավարությունը որոշում է.

1. Սահմանել հաշվարկային փաստաթուղթ չհամարվող՝ օրենսդրությամբ սահմանված կարգով կազմված այլ փաստաթղթերի դուրսգրման դեպքերը, կարգը եւ ժամկետները՝ համաձայն հավելվածի։

2. Սույն որոշումն ուժի մեջ է մտնում 2025 թվականի հունվարի 1-ից եւ տարածվում է 2025 թվականի հունվարի 1-ից հետո կատարված ձեռքբերումների նկատմամբ:.

12. Շրջանառության հարկի հաշվարկի ձեւը եւ դրա լրացման կարգը հաստատելու մասին N 299-Ն հրամանում փոփոխություն կատարելու մասին

Օրենսդրական ակտի անվանումը՝

Հայաստանի Հանրապետության կառավարությանն առընթեր պետական եկամուտների կոմիտեի
նախագահի 2016 թվականի դեկտեմբերի 30-ի N 299-ն հրամանում փոփոխություն կատարելու մասին N 1430-Ն հրաման
https://www.arlis.am/documentview.aspx?docid=201683

Փոփոխության կարգավիճակը՝

Սույն հրամանն ուժի մեջ է 2025 թվականի հունվարի 1-ից։
Սույն հրամանի հավելվածով հաստատված ձեւով շրջանառության հարկի հաշվարկ ներկայացվում է 2025 թվականի հունվարի 1-ից հետո ընկած հաշվետու ժամանակաշրջանների համար:

Որ օրենսդրական ակտն է փոփոխվել վերոնշյալ ակտի ընդունմամբ՝

Վերոնշյալ ակտի ընդունմամբ փոփոխություն է տեղի ունեցել «Շրջանառության հարկի հաշվարկի ձեւը եւ դրա լրացման կարգը հաստատելու մասին» N 299-Ն հրամանում։

Ինչին են վերաբերում փոփոխությունները՝

Փոփոխությունը վերաբերում է «Շրջանառության հարկի հաշվարկի ձեւը եւ դրա լրացման կարգը հաստատելու մասին» N 299-Ն հրամանի 1-ին կետով հաստատված N 1 հավելվածին, որը կարգավորում է շրջանառության հարկի հաշվարկի ձեւը՝ մասնավորապես հրամանով նախատեսված են շրջանառության հարկի հաշվարկը, առեւտրական (առք ու վաճառքի) գործունեությունից ստացվող եկամուտների մասով հարկի հաշվարկը, արտադրական գործունեությունից ստացվող եկամուտների մասով հարկի հաշվարկ, այլ գործունեությունից ստացվող եկամուտների մասով հարկի հաշվարկ։ Հրամանով սահմանված է նաեւ Կառավարության սահմանած բարձր տեխնոլոգիաների ոլորտի գործունեության տեսակների ցանկում ներառված գործունեության տեսակներից ստացվող եկամուտների հաշվարկը, ինչպես նաեւ լրացման կարգը եւ ձեւը։

Հայաստանի Հանրապետության կառավարությանն առընթեր պետական եկամուտների կոմիտեի նախագահի 2016 թվականի դեկտեմբերի 30-ի «Շրջանառության հարկի հաշվարկի ձեւը եւ դրա լրացման կարգը հաստատելու մասին» N 299-Ն հրամանի 1-ին կետով հաստատված N 1 հավելվածը շարադրել նոր խմբագրությամբ` համաձայն հավելվածի:

ՀԱՇՎԱՐԿ ՇՐՋԱՆԱՌՈՒԹՅԱՆ ՀԱՐԿԻ	Փաստաթղթի համարը ________________ (լրացվում է հարկային մարմնի կողմից)
1. Հարկ վճարողի հաշվառման համարը
2. Հարկ վճարողը
3. Հարկ վճարողի գտնվելու վայրը (բնակության վայրը)
4. Հաշվետու ժամանակաշրջանը	Տարի	Եռամսյակ

(AMD)

5. Առեւտրական (առք ու վաճառքի) գործունեությունից ստացվող եկամուտների մասով հարկի հաշվարկ
5.1. Հաշվետու եռամսյակում առեւտրական (առք ու վաճառքի) գործունեությունից ստացվող եկամուտներ
5.2. Առեւտրական (առք ու վաճառքի) գործունեությունից ստացվող եկամուտների նկատմամբ հարկի դրույքաչափ
5.3. Առեւտրական (առք ու վաճառքի) գործունեությունից ստացվող եկամուտների մասով հաշվետու եռամսյակի համար հաշվարկված հարկի գումար				10%
5.4.1. Առեւտրական (առք ու վաճառքի) գործունեության առարկա հանդիսացող ապրանքների սկզբնական արժեք
5.4.2. Իրացման ծախսեր
5.4. Ընդամենը հաշվետու եռամսյակում կատարված ծախսերի գումար
5.5. Հարկի գումարից նվազեցվող գումարի հաշվարկման համար կատարված ծախսերի գումարի նկատմամբ դրույքաչափ				9.5%
5.6. Հաշվետու եռամսյակում հարկի գումարից նվազեցվող գումար
5.7. Նախորդ եռամսյակներում կատարված ծախսերի մասով հարկի գումարից չնվազեցված եւ փոխանցված գումար
5.8. Ընդամենը հաշվետու եռամսյակում հարկի գումարից նվազեցվող գումար
5.9. Հաշվետու եռամսյակի համար հարկի նվազագույն գումար (1%)
5.10. Հաշվետու եռամսյակի համար հաշվարկված վճարման ենթակա հարկի գումար
5.11. Կատարված ծախսերի մասով հարկի գումարից չնվազեցվող եւ հաջորդ եռամսյակներ փոխանցվող գումար
6. Արտադրական գործունեությունից ստացվող եկամուտների մասով հարկի հաշվարկ
6.1. Հաշվետու եռամսյակում արտադրական գործունեությունից ստացվող եկամուտներ
6.2. Արտադրական գործունեությունից ստացվող եկամուտների նկատմամբ հարկի դրույքաչափ				7%
6.3. Արտադրական գործունեությունից ստացվող եկամուտների մասով հաշվետու եռամսյակի համար հաշվարկված հարկի գումար
6.4.1. Ապրանքների արտադրության հետ անմիջականորեն կապված ծախսեր
6.4.2. Իրացման ծախսեր
6.4. Ընդամենը հաշվետու եռամսյակում կատարված ծախսերի գումար
6.5. Հարկի գումարից նվազեցվող գումարի հաշվարկման համար կատարված ծախսերի գումարի նկատմամբ դրույքաչափ				5%
6.6. Հաշվետու եռամսյակում հարկի գումարից նվազեցվող գումար
6.7. Նախորդ եռամսյակներում կատարված ծախսերի մասով հարկի գումարից չնվազեցված եւ փոխանցված գումար
6.8. Ընդամենը հաշվետու եռամսյակում հարկի գումարից նվազեցվող գումար
6.9. Հաշվետու եռամսյակի համար հարկի նվազագույն գումար (3%)
6.10. Հաշվետու եռամսյակի համար հաշվարկված վճարման ենթակա հարկի գումար
6.11. Կատարված ծախսերի մասով հարկի գումարից չնվազեցվող եւ հաջորդ եռամսյակներ փոխանցվող գումար
7. Հանրային սննդի ոլորտում իրականացվող գործունեությունից ստացվող եկամուտների մասով հարկի հաշվարկ (բացառությամբ սույն հաշվարկի 8-րդ կետով սահմանված եկամուտների մասով հարկի հաշվարկի)
7.1. Հաշվետու եռամսյակում հանրային սննդի ոլորտում իրականացվող գործունեությունից ստացվող եկամուտներ
7.2. Հանրային սննդի ոլորտում իրականացվող գործունեությունից ստացվող եկամուտների նկատմամբ հարկի դրույքաչափ				12%
7.3. Հանրային սննդի ոլորտում իրականացվող գործունեությունից ստացվող եկամուտների մասով հաշվետու եռամսյակի համար հաշվարկված հարկի գումար
7.4.1. Հանրային սննդի ոլորտում իրականացվող գործունեության հետ անմիջականորեն կապված ծախսեր
7.4.2. Իրացման ծախսեր
7.4. Ընդամենը հաշվետու եռամսյակում կատարված ծախսերի գումար
7.5. Հարկի գումարից նվազեցվող գումարի հաշվարկման համար կատարված ծախսերի գումարի նկատմամբ դրույքաչափ				9%
7.6. Հաշվետու եռամսյակում հարկի գումարից նվազեցվող գումար
7.7. Նախորդ եռամսյակներում կատարված ծախսերի մասով հարկի գումարից չնվազեցված եւ փոխանցված գումար
7.8. Ընդամենը հաշվետու եռամսյակում հարկի գումարից նվազեցվող գումար
7.9. Հաշվետու եռամսյակի համար հարկի նվազագույն գումար (3.5%)
7.10. Հաշվետու եռամսյակի համար հաշվարկված վճարման ենթակա հարկի գումար
7.11. Կատարված ծախսերի մասով հարկի գումարից չնվազեցվող եւ հաջորդ եռամսյակներ փոխանցվող գումար
8. Բացառապես Երեւան քաղաքից դուրս հանրային սննդի ոլորտում իրականացվող գործունեությունից ստացվող եկամուտների մասով հարկի հաշվարկ
8.1. Հաշվետու եռամսյակում հանրային սննդի ոլորտում իրականացվող գործունեությունից ստացվող եկամուտներ
8.2. Հանրային սննդի ոլորտում իրականացվող գործունեությունից ստացվող եկամուտների նկատմամբ հարկի դրույքաչափ				6%
8.3. Հանրային սննդի ոլորտում իրականացվող գործունեությունից ստացվող եկամուտների մասով հաշվետու եռամսյակի համար հաշվարկված հարկի գումար
8.4. Հաշվետու եռամսյակում հանրային սննդի ոլորտում իրականացվող գործունեության հետ կապված ծախսերի գումար
8.5. Հարկի գումարից նվազեցվող գումարի հաշվարկման համար հանրային սննդի ոլորտում իրականացվող գործունեության հետ կապված ծախսերի գումարի նկատմամբ դրույքաչափ				3%
8.6. Հաշվետու եռամսյակում հարկի գումարից նվազեցվող գումար
8.7. Հաշվետու եռամսյակի համար հարկի նվազագույն գումար (4%)
8.8. Հաշվետու եռամսյակի համար հաշվարկված վճարման ենթակա հարկի գումար
9. Այլ գործունեությունից ստացվող եկամուտների մասով հարկի հաշվարկ
9.1. Հաշվետու եռամսյակում այլ գործունեությունից ստացվող եկամուտներ
9.2. Այլ գործունեությունից ստացվող եկամուտների նկատմամբ հարկի դրույքաչափ				10%
9.3. Այլ գործունեությունից ստացվող եկամուտների մասով հաշվետու եռամսյակի համար հաշվարկված հարկի գումար
9.4.1. Այլ գործունեության հետ անմիջականորեն կապված ծախսեր
9.4.2. Իրացման ծախսեր
9.4. Ընդամենը հաշվետու եռամսյակում կատարված ծախսերի գումար
9.5. Հարկի գումարից նվազեցվող գումարի հաշվարկման համար կատարված ծախսերի գումարի նկատմամբ դրույքաչափ				6%
9.6. Հաշվետու եռամսյակում հարկի գումարից նվազեցվող գումար
9.7. Նախորդ եռամսյակներում կատարված ծախսերի մասով հարկի գումարից չնվազեցված եւ փոխանցված գումար
9.8. Ընդամենը հաշվետու եռամսյակում հարկի գումարից նվազեցվող գումար
9.9. Հաշվետու եռամսյակի համար հարկի նվազագույն գումար (4.5%)
9.10. Հաշվետու եռամսյակի համար հաշվարկված վճարման ենթակա հարկի գումար
9.11. Կատարված ծախսերի մասով հարկի գումարից չնվազեցվող եւ հաջորդ եռամսյակներ փոխանցվող գումար

10. Շրջանառության հարկով հարկվող եկամուտների տեսակը	Եկամուտը[Ա]	Դրույքաչափը[Բ]	Հարկի գումարը[Գ]
11. Առեւտրական (առք ու վաճառքի) գործունեությունից ստացվող եկամուտներ		X
12. Երկրորդային հումքի առեւտրական (առք ու վաճառքի) գործունեությունից ստացվող եկամուտներ		5%
13. Խմբագրությունների կողմից թերթերի օտարումից եկամուտներ		1.5%
14. Արտադրական գործունեությունից ստացվող եկամուտներ		X
15. Վարձակալական վճար, տոկոս, ռոյալթի		10%
16. Հանրային սննդի ոլորտում իրականացվող գործունեությունից ստացվող եկամուտներ (բացառությամբ սույն հաշվարկի 8-րդ կետով սահմանված եկամուտների)		X
17. Բացառապես Երեւան քաղաքից դուրս հանրային սննդի ոլորտում իրականացվող գործունեությունից ստացվող եկամուտներ (սույն հաշվարկի 8-րդ կետով սահմանված եկամուտներ)		X
18. Հանրային սննդի ոլորտում գործունեություն իրականացնելու համար շրջանառության հարկ վճարող համարվելու վերաբերյալ հարկային մարմնի հաստատած ձեւով հայտարարություն ներկայացրած շրջանառության հարկ վճարողների կողմից Հայաստանի Հանրապետությունում կիրառվող՝ տնտեսական գործունեության դասակարգչի «Հանրային սննդի կազմակերպում» հատվածում չներառվող՝ այլ ակտիվների օտարումից, ինչպես նաեւ այլ գործունեությունից ստացվող եկամուտներ		20%
19. Կառավարության սահմանած բարձր տեխնոլոգիաների ոլորտի գործունեության տեսակների ցանկում ներառված գործունեության տեսակներից ստացվող եկամուտներ		1%
20. Այլ ակտիվների, այդ թվում՝ անշարժ գույքի օտարումից ստացվող եկամուտներ		10%
21. Այլ գործունեությունից ստացվող եկամուտներ		X
22. Ընդամենը		X

ՄԱՍ II. ԱՌՈՂՋԱՊԱՀՈՒԹՅԱՆ ՈԼՈՐՏ

(Իրավական նորությունների սույն բաժնում ներառվում են 2025 թվականի հունվար ամսվան առողջապահության ոլորտին վերաբերող իրավական նորությունները)

1. Հայաստանի Հանրապետության կառավարության 2004 թվականի մարտի 4-ի «Պետության կողմից երաշխավորված անվճար եւ արտոնյալ պայմաններով բժշկական օգնության եւ սպասարկման մասին» N 318-ն որոշման հավելվածը նոր խմբագրությամբ շարադրելու մասին

Օրենսդրական ակտի անվանումը՝

Հայաստանի Հանրապետության կառավարության 2004 թվականի մարտի 4-ի N 318-ն որոշման մեջ
փոփոխություն կատարելու N 2093-Ն
https://www.arlis.am/documentview.aspx?docid=201663

Փոփոխության կարգավիճակը՝

Սույն Որոշումն ուժի մեջ է մտել 2025 թվականի հունվարի 1-ից

Որ օրենսդրական ակտն է փոփոխվել վերոնշյալ ակտի ընդունմամբ՝

Վերոնշյալ ակտի ընդունմամբ փոփոխություն է տեղի ունեցել Հայաստանի Հանրապետության կառավարության 2004 թվականի մարտի 4-ի «Պետության կողմից երաշխավորված անվճար եւ արտոնյալ պայմաններով բժշկական օգնության եւ սպասարկման մասին» N 318-Ն որոշման մեջ

Ինչին են վերաբերում փոփոխությունները՝

Համաձայն Որոշման, փոփոխության է ենթարկվել «Պետության կողմից երաշխավորված անվճար եւ արտոնյալ պայմաններով բժշկական օգնության եւ սպասարկման մասին» N 318-Ն որոշման հավելվածը եւ շարադրվել նոր խմբագրությամբ, ինչպես նաեւ հաստատվել է պետության կողմից երաշխավորված անվճար եւ արտոնյալ պայմաններով բժշկական օգնություն եւ սպասարկում ստանալու իրավունք ունեցող` բնակչության սոցիալապես անապահով ու առանձին (հատուկ) խմբերի ցանկը, պետության կողմից երաշխավորված անվճար եւ արտոնյալ պայմաններով բժշկական օգնության եւ սպասարկման ֆինանսավորման, փոխհատուցման եւ գների հաստատման կարգը, պետության կողմից երաշխավորված բժշկական օգնության ու սպասարկման շրջանակներում անվճար եւ արտոնյալ պայմաններով Հայաստանի Հանրապետության քաղաքացիներին տրամադրվող ծառայությունների ծավալները եւ բացառությունները, պետության կողմից երաշխավորված անվճար եւ արտոնյալ պայմաններով բժշկական օգնություն եւ սպասարկում ստանալու համար բժշկական կազմակերպություններ ուղեգրման եւ հերթագրման կարգը, բժշկական օգնության եւ սպասարկման պետական պատվերի տեղադրման կարգը եւ Հայաստանի Հանրապետության պետական բյուջեի միջոցների հաշվին պետության կողմից երաշխավորված արտոնյալ պայմաններով բժշկական օգնության եւ սպասարկման կազմակերպման կարգը։

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՄԱՐՏԻ 4-Ի N 318-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ՀՈՒԼԻՍԻ 25-Ի N 806-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ, 34-րդ եւ 37-րդ հոդվածները` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2004 թվականի մարտի 4-ի «Պետության կողմից երաշխավորված անվճար եւ արտոնյալ պայմաններով բժշկական օգնության եւ սպասարկման մասին» N 318-Ն որոշման մեջ կատարել հետեւյալ փոփոխությունը՝

1) Հայաստանի Հանրապետության կառավարության 2004 թվականի մարտի 4-ի «Պետության կողմից երաշխավորված անվճար եւ արտոնյալ պայմաններով բժշկական օգնության եւ սպասարկման մասին» N 318-Ն որոշումը շարադրել նոր խմբագրությամբ՝ համաձայն հավելվածի։

2. Ուժը կորցրած ճանաչել Հայաստանի Հանրապետության կառավարության 2013 թվականի հուլիսի 25-ի «Սոցիալական փաթեթի շահառու հանդիսացող զինծառայողների եւ նրանց հավասարեցված անձանց, նրանց ընտանիքների անդամների, ինչպես նաեւ փրկարար ծառայության ծառայողների եւ նրանց ընտանիքների անդամների, ժամկետային պարտադիր զինվորական ծառայության շարքային եւ կրտսեր ենթասպայական կազմի զինծառայողների համար պետության կողմից երաշխավորված անվճար բժշկական օգնության ու սպասարկման կազմակերպման եւ ֆինանսավորման, ինչպես նաեւ Հայաստանի Հանրապետության կառավարության 2000 թվականի օգոստոսի 28-ի N 517 որոշումն ուժը կորցրած ճանաչելու մասին» N 806-Ն որոշումը։

3. Սույն որոշումն ուժի մեջ է մտնում 2025 թվականի հունվարի 1-ից։ Հայաստանի Հանրապետությունում պետության կողմից երաշխավորված բնակչության առողջության պահպանման եւ բարելավման ծրագրերի շրջանակներում անվճար եւ արտոնյալ պայմաններով բժշկական օգնությունն ու սպասարկումն արդյունավետ կազմակերպելու եւ կանոնակարգելու նպատակով եւ «Բնակչության բժշկական օգնության եւ սպասարկման մասին» օրենքի 44-րդ հոդվածի համաձայն՝ Հայաստանի Հանրապետության կառավարությունը որոշում է.

1. Հաստատել`

1) պետության կողմից երաշխավորված անվճար եւ արտոնյալ պայմաններով բժշկական օգնություն եւ սպասարկում ստանալու իրավունք ունեցող` բնակչության սոցիալապես անապահով ու առանձին (հատուկ) խմբերի ցանկը՝ համաձայն N 1 հավելվածի.

2) պետության կողմից երաշխավորված անվճար եւ արտոնյալ պայմաններով բժշկական օգնության եւ սպասարկման ֆինանսավորման, փոխհատուցման եւ գների հաստատման կարգը` համաձայն N 2 հավելվածի.

3) պետության կողմից երաշխավորված բժշկական օգնության ու սպասարկման շրջանակներում անվճար եւ արտոնյալ պայմաններով Հայաստանի Հանրապետության քաղաքացիներին տրամադրվող ծառայությունների ծավալները եւ բացառությունները՝ համաձայն N 3 հավելվածի.

4) պետության կողմից երաշխավորված անվճար եւ արտոնյալ պայմաններով բժշկական օգնություն եւ սպասարկում ստանալու համար բժշկական կազմակերպություններ ուղեգրման եւ հերթագրման կարգը՝ համաձայն N 4 հավելվածի.

5) բժշկական օգնության եւ սպասարկման պետական պատվերի տեղադրման կարգը՝ համաձայն N 5 հավելվածի.

6) Հայաստանի Հանրապետության պետական բյուջեի միջոցների հաշվին պետության կողմից երաշխավորված արտոնյալ պայմաններով բժշկական օգնության եւ սպասարկման կազմակերպման կարգը՝ համաձայն N 6 հավելվածի:

2. Հայաստանի Հանրապետության առողջապահության նախարարին` Հայաստանի Հանրապետության պետական բյուջեի մասին Հայաստանի Հանրապետության օրենքն ուժի մեջ մտնելուց հետո՝

1) մեկամսյա ժամկետում հաստատել Հայաստանի Հանրապետության պետական բյուջեից ֆինանսավորումն իրականացնող մարմնի եւ բժշկական կազմակերպությունների միջեւ կնքվող պայմանագրերի օրինակելի ձեւերը.

2) Հայաստանի Հանրապետության օրենսդրությամբ նախատեսված լիազորությունների սահմաններում եռամսյա ժամկետում մշակել եւ սահմանված կարգով ընդունել սույն որոշումից բխող համապատասխան իրավական ակտեր:.

2. Հայաստանի Հանրապետության կառավարության 2019 թվականի փետրվարի 28-ի N 168-ն որոշման մեջ փորձարկումների փուլում գտնվող դեղերի օգտագործման թույլտվության տրամադրման վերաբերյալ փոփոխություններ եւ լրացումներ կատարելու մասին

Օրենսդրական ակտի անվանումը՝

Հայաստանի Հանրապետության կառավարության 2019 թվականի փետրվարի 28-ի N 168-ն որոշման մեջ փոփոխություններ եւ լրացումներ կատարելու մասին N 2088-Ն
arlis.am/documentView.aspx?docid=201600

Փոփոխության կարգավիճակը՝

Սույն Որոշումն ուժի մեջ է 2025 թվականի հունվարի 6-ից։

Որ օրենսդրական ակտն է փոփոխվել վերոնշյալ ակտի ընդունմամբ՝

Վերոնշյալ ակտի ընդունմամբ փոփոխություն է տեղի ունեցել Հայաստանի Հանրապետության կառավարության 2019 թվականի փետրվարի 28-ի «Կլինիկական փորձարկումների թույլտվության տրամադրման, այդ նպատակով իրականացվող փորձաքննության կարգերը, փորձաքննության եզրակացության ձեվը, պահանջվող փաստաթղթերի ցանկերը հաստատելու եվ հայաստանի հանրապետության կառավարության 2002 թվականի հունվարի 24-ի N 63 որոշումն ուժը կորցրած ճանաչելու մասին» N 2088-Ն որոշման մեջ

Ինչին են վերաբերում փոփոխությունները՝

Որոշմամբ փոփոխություն է տեղի ունեցել մասնավորապես այլ երկրներում կլինիկական փորձարկումների փուլում գտնվող դեղերի կամ հետազոտվող դեղագործական արտադրանքի բուժման նպատակով կիրառելու թույլտվության տրամադրման կարգում, ինչպես նաեւ վերաշարադրվել է դրանց իրականացման փորձաքննության կարգին վերաբերող դրույթները, փորձաքննության արդյունքների կարգին վերաբերող դրույթները եւ պահանջվող փաստաթղթերի վերաբերյալ դրույթները։

Հայաստանի Հանրապետության կառավարության 2019 թվականի փետրվարի 28-ի «Կլինիկական փորձարկումների թույլտվության տրամադրման, այդ նպատակով իրականացվող փորձաքննության կարգերը, պահանջվող փաստաթղթերի ցանկերը հաստատելու եւ Հայաստանի Հանրապետության կառավարության 2002 թվականի հունվարի 24-ի N 63 որոշումն ուժը կորցրած ճանաչելու մասին» N 168-Ն Որոշման N 1 հավելվածում լրացնել հետեւյալ բովանդակությամբ նոր՝ 17-րդ կետով.

Հին տարբերակ

Նոր տարբերակ

17. Այլ երկրներում կլինիկական փորձարկումների փուլում գտնվող դեղերը կամ հետազոտվող դեղագործական արտադրանքը կյանքին վտանգ սպառնացող հիվանդություններով տառապող հիվանդների բուժման նպատակով կիրառելու (այսուհետ՝ կարեկցական բուժում) համար «Դեղերի մասին» օրենքի 14-րդ հոդվածի 17-րդ մասի համաձայն անհրաժեշտ է լիազոր մարմնի թույլտվությունը, որը տրամադրվում է կլինիկական փորձարկումների թույլտվության տրամադրման կարգով՝ ներկայացնելով Հայաստանի Հանրապետության կառավարության 2019 թվականի փետրվարի 28-ի N 168-Ն որոշման N 3 հավելվածով սահմանված ցանկի փաստաթղթերը:

Որոշման N 2 հավելվածի 4-րդ կետը շարադրել հետեւյալ խմբագրությամբ

Հին տարբերակ

4. Փորձաքննության առավելագույն տեւողությունը 40 աշխատանքային օր է, բացառությամբ վերարտադրված դեղի կենսահամարժեքությունը հետազոտելու նպատակով իրականացվող կլինիկական փորձարկումների փաստաթղթերի փորձաքննության, որի դեպքում փորձաքննության տեւողությունն առավելագույնը 12 աշխատանքային օր է, իսկ այն դեպքերում, երբ հետազոտվող դեղագործական արտադրանքը գրանցված է Հայաստանի Հանրապետությունում կամ ներկայացված է «Դեղերի մասին» Հայաստանի Հանրապետության օրենքի համաձայն Հայաստանի Հանրապետության կառավարության սահմանած միջազգային մասնագիտական կազմակերպությունների անդամ երկրի իրավասու մարմնի կողմից կլինիկական փորձարկման կամ կարեկցական բուժման թույլտվության մասին հավաստող փաստաթուղթ, փորձաքննության տեւողությունն առավելագույնը 7 աշխատանքային օր է:

Նոր տարբերակ

4. Փորձաքննությունն իրականացվում է ընդհանուր եւ պարզեցված ընթացակարգերով: Ընդհանուր ընթացակարգով փորձաքննության առավելագույն տեւողությունը 60 օրացուցային օր է՝ բացառությամբ վերարտադրված դեղի կենսահամարժեքությունը հետազոտելու նպատակով եւ Հայաստանի Հանրապետությունում դեղի գրանցումից հետո իրականացվող կլինիկական փորձարկումների փաստաթղթերի փորձաքննության, երբ փորձաքննության տեւողությունն առավելագույնը 20 օրացուցային օր է: Պարզեցված ընթացակարգը կիրառվում է Հայաստանի Հանրապետության կառավարության որոշմամբ սահմանված միջազգային մասնագիտական կազմակերպության անդամ երկրի իրավասու մարմնի տրամադրած կլինիկական փորձարկման թույլտվության առկայության դեպքում: Պարզեցված ընթացակարգի առավելագույն տեւողությունը 10 օրացուցային օր է: Կլինիկական փորձարկումների թույլտվության համար ներկայացված փաստաթղթերում կատարված փոփոխությունների փորձաքննության տեւողությունն առավելագույնը 30 օրացուցային օր է՝ բացառությամբ պարզեցված ընթացակարգով թույլատրված կլինիկական փորձարկումների փոփոխված փաստաթղթերի փորձաքննության, երբ առավելագույն տեւողությունը 5 օրացուցային օր է:

8-րդ կետը շարադրել հետեւյալ խմբագրությամբ.

Հին տարբերակ

8. Փորձաքննության արդյունքները կազմակերպությունում ամփոփվում են եւ կազմվում է փորձագիտական եզրակացություն, որը փորձաքննության ավարտին հաջորդող աշխատանքային օրը ներկայացվում է լիազոր մարմնին՝ փորձաքննության արդյունքների մասին գրավոր ծանուցելով նաեւ հայտատուին՝ փոստային առաքմամբ կամ էլեկտրոնային փոստի միջոցով:

Նոր տարբերակ

8. Փորձաքննության արդյունքները կազմակերպությունում ամփոփվում են, եւ կազմվում է փորձաքննության եզրակացություն՝ N 4 հավելվածի համաձայն, որը փորձաքննության ավարտին հաջորդող աշխատանքային օրը ներկայացվում է լիազոր մարմին՝ փորձաքննության արդյունքների մասին գրավոր ծանուցելով նաեւ հայտատուին՝ էլեկտրոնային փոստի միջոցով:

Որոշման N 3 հավելվածի 15-րդ կետը շարադրել հետեւյալ խմբագրությամբ.

Հին տարբերակ

15. Կլինիկական փորձարկումների փաստաթղթերի փորձաքննության վարձի վճարման փաստը հավաստող փաստաթղթի բնօրինակ:

Նոր տարբերակ

15. Կլինիկական փորձարկումների փաստաթղթերի փորձաքննության համար սահմանված պետական տուրքի վճարման փաստը հավաստող փաստաթուղթ;

3. Հայաստանի Հանրապետության կառավարության 2023 թվականի մարտի 30-ի N 429- ն որոշմամբ նախատեսված բժշկական արտադրատեսակների ներմուծման վերաբերյալ փոփոխություններ կատարելու մասին

Օրենսդրական ակտի անվանումը՝

Հայաստանի Հանրապետության կառավարության 2023 թվականի մարտի 30-ի N 429-ն որոշման մեջ
փոփոխություններ եւ լրացումներ կատարելու մասին N 1619-Ն
arlis.am/DocumentView.aspx?docid=198543

Փոփոխության կարգավիճակը՝

Սույն Որոշման 1-ին կետի 3-րդ ենթակետը ուժի մեջ է մտել 2025թվականի հունվարի 18-ին

Որ օրենսդրական ակտն է փոփոխվել վերոնշյալ ակտի ընդունմամբ՝

Վերոնշյալ ակտի ընդունմամբ փոփոխություն է տեղի ունեցել Հայաստանի Հանրապետության կառավարության 2023 թվականի մարտի 30-ի «Հայաստանի Հանրապետության տարածք բժշկական արտադրատեսակների ներմուծման կարգը եւ բժշկական արտադրատեսակների ներմուծման նպատակով իրականացվող փորձաքննության համար անհրաժեշտ փաստաթղթերի ցանկը սահմանելու մասին» N 1619-Ն որոշման մեջ

Ինչին են վերաբերում փոփոխությունները՝

Որոշումը ուժի մեջ է մտել դեռ 18.10.2024 թվականից, բացառությամբ որոշման 1-ին կետի 3-րդ ենթակետի դրույթների, որոնք ուժի մեջ են մտնում սույն որոշման պաշտոնական հրապարակումից 3 ամիս հետո։ Փոփոխությունը մասնավորապես վերաբերում է օգտագործված բժշկական արտադրատեսակների ներմուծմանը, եւ դրանց բացառություններին, այն է Որոշմամբ սահմանված է, որ դրանց արտադրության ժամկետից մինչեւ ներմուծման պահն ընկած ժամանակահատվածը չի կարող գերազանցել 5 տարին:

Հայաստանի Հանրապետության կառավարության 2023 թվականի մարտի 30-ի «Հայաստանի Հանրապետության տարածք բժշկական արտադրատեսակների ներմուծման կարգը եւ բժշկական արտադրատեսակների ներմուծման նպատակով իրականացվող փորձաքննության համար անհրաժեշտ փաստաթղթերի ցանկը սահմանելու մասին» N 429-Ն որոշման (այսուհետ` որոշում) N 1 հավելվածում կատարել հետեւյալ փոփոխությունը՝

4-րդ կետից հետո լրացնել հետեւյալ բովանդակությամբ 4.1-ին կետով՝

Հին տարբերակ

Նոր տարբերակ

«4.1. Չի թույլատրվում օգտագործված բժշկական արտադրատեսակների ներմուծումը, բացառությամբ այն բժշկական արտադրատեսակների, որոնց անվտանգության, որակի եւ արդյունավետության ցուցանիշներին համապատասխանությունը արտադրողի կողմից սահմանված ցուցանիշներին հավաստվում է միայն սույն որոշման N 2 հավելվածի 2-րդ կետի 1-ին ենթակետի «ա» եւ 2-րդ կետի 2-րդ ենթակետի «գ» պարբերություններով սահմանված փաստաթղթերով եւ որոնց արտադրության ժամկետից մինչեւ ներմուծման պահն ընկած ժամանակահատվածը չի գերազանցում 5 տարին:»

4. Հայաստանի Հանրապետության կառավարության 2019 թվականի փետրվարի 28-ի N 164-ն որոշման մեջ դեղերի, կեղծ դեղերի, դեղանյութերի շրջանառությունը դադարեցնելու եւ շրջանառությունից հանելու (հետկանչի) վերաբերյալ փոփոխություններ եւ լրացումներ կատարելու մասին

Օրենսդրական ակտի անվանումը՝

Հայաստանի Հանրապետության կառավարության 2019 թվականի փետրվարի 28-ի N 164-ն որոշման մեջ փոփոխություններ եւ լրացումներ կատարելու մասին N 36
arlis.am/documentview.aspx?docid=202236

Փոփոխության կարգավիճակը՝

Սույն Որոշումն ուժի մեջ է մտել 2025թվականի հունվարի 26-ին

Որ օրենսդրական ակտն է փոփոխվել վերոնշյալ ակտի ընդունմամբ՝

Վերոնշյալ ակտի ընդունմամբ փոփոխություն է տեղի ունեցել Հայաստանի Հանրապետության կառավարության 2019 թվականի փետրվարի 28-ի «Հայաստանի Հանրապետությունում չգրանցված կամ որակի պահանջներին չհամապատասխանող կամ պիտանիության ժամկետն անցած կամ գրանցումն ուժը կորցրած ճանաչված կամ գրանցումը կասեցված կամ Հայաստանի Հանրապետության օրենսդրության խախտմամբ ներմուծված դեղերի, կեղծ դեղերի, դեղանյութերի, դեղաբուսական հումքի, հետազոտվող դեղագործական արտադրանքի մասին ահազանգի ծանուցման, շրջանառությունը դադարեցնելու եվ շրջանառությունից հանելու (հետկանչի) կարգը սահմանելու մասին» N 36 որոշման մեջ

Ինչին են վերաբերում փոփոխությունները՝

Փոփոխություն տեղի է ունեցել Հայաստանի Հանրապետության կառավարության 2019 թվականի փետրվարի 28-ի «Հայաստանի Հանրապետությունում չգրանցված կամ որակի պահանջներին չհամապատասխանող կամ պիտանիության ժամկետն անցած կամ գրանցումն ուժը կորցրած ճանաչված կամ գրանցումը կասեցված կամ Հայաստանի Հանրապետության օրենսդրության խախտմամբ ներմուծված դեղերի, կեղծ դեղերի, դեղանյութերի, դեղաբուսական հումքի, հետազոտվող դեղագործական արտադրանքի մասին ահազանգի ծանուցման, շրջանառությունը դադարեցնելու եւ շրջանառությունից հանելու (հետկանչի) կարգը սահմանելու մասին» N 164-Ն որոշման մեջ, մասնավորապես այն վերաբերում է Հայաստանի Հանրապետությունում հետկանչի ենթակա արտադրանքի հետկանչ իրականացմանը եւ դրա ընթացակարգին, ինչպես նաեւ լրացում է տեղի ունեցել Որոշմամբ նախատեսված շրջանառության ենթակա արտադրանքների դադարեցման եւ երկարաձգման ժամկետների վերաբերյալ։

Հայաստանի Հանրապետության կառավարության 2019 թվականի փետրվարի 28-ի «Հայաստանի Հանրապետությունում չգրանցված կամ որակի պահանջներին չհամապատասխանող կամ պիտանիության ժամկետն անցած կամ գրանցումն ուժը կորցրած ճանաչված կամ գրանցումը կասեցված կամ Հայաստանի Հանրապետության օրենսդրության խախտմամբ ներմուծված դեղերի, կեղծ դեղերի, դեղանյութերի, դեղաբուսական հումքի, հետազոտվող դեղագործական արտադրանքի մասին ահազանգի ծանուցման, շրջանառությունը դադարեցնելու եւ շրջանառությունից հանելու (հետկանչի) կարգը սահմանելու մասին» N 164-Ն որոշման (այսուհետ՝ որոշում) հավելվածում 6-րդ կետը շարադրել հետեւյալ խմբագրությամբ.

Հին տարբերակ

6. Հայաստանի Հանրապետությունում
հետկանչի ենթակա արտադրանքի հետկանչ
իրականացնողը հաստատում է հետկանչի
կառավարման ներքին ընթացակարգ՝ սույն
կարգի համաձայն:

Նոր տարբերակ

6. Հայաստանի Հանրապետությունում հետկանչ իրականացնողները շրջանառության դադարեցումը եւ հետկանչի կառավարումն իրականացնում են սույն կարգի, իսկ արտադրողները եւ մատակարարները՝ նաեւ համապատասխանաբար առողջապահության հարցերով լիազորված պետական կառավարման մարմնի ընդունած «Պատշաճ արտադրական գործունեության» եւ «Պատշաճ բաշխման գործունեության» կանոնների հիման վրա հաստատված ներքին ընթացակարգերով:».

15-րդ կետը լրացնել հետեւյալ բովանդակությամբ նոր նախադասությամբ.

Հին տարբերակ

Նոր տարբերակ

«Լրացուցիչ ուսումնասիրություններ պահանջող դեպքերում Կազմակերպությունը մեկամսյա ժամկետը լրանալու հաջորդ օրը տեսչական մարմին է ներկայացնում եզրակացություն՝ շրջանառության դադարեցումը երկարաձգելու անհրաժեշտության վերաբերյալ համապատասխան հիմնավորումներով: Շրջանառությունը դադարեցնելու երկարաձգման առավելագույն ժամկետը վեց ամիս է:».

ՄԱՍ III. ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ՈԼՈՐՏ

(Իրավական նորությունների սույն բաժնում ներառվում են 2025 թվականի հունվար ամսվան տեղեկատվական տեխնոլոգիաների ոլորտին վերաբերող իրավական նորությունները)

1. Հայաստանի Հանրապետության պետական եկամուտների կոմիտեի նախագահի 2024 թվականի հոկտեմբերի 30-ի N 1430-ն հրամանում Կառավարության սահմանած բարձր տեխնոլոգիաների ոլորտի գործունեության տեսակների ցանկում ներառված գործունեության տեսակներից ստացվող եկամուտների դրույքաչափի վերաբերյալ լրացում կատարելու մասին

Օրենսդրական ակտի անվանումը՝

Հայաստանի Հանրապետության պետական եկամուտների կոմիտեի նախագահի 2024 թվականի
հոկտեմբերի 30-ի N 1430-ն հրամանում փոփոխություն կատարելու մասին N 1724-Ն
https://www.arlis.am/documentview.aspx?docid=201668

Փոփոխության կարգավիճակը՝

Սույն հրամանն ուժի մեջ է 2025 թվականի հունվարի 1-ից:

Որ օրենսդրական ակտն է փոփոխվել վերոնշյալ ակտի ընդունմամբ՝

Վերոնշյալ ակտի ընդունմամբ փոփոխություն է տեղի ունեցել Հայաստանի Հանրապետության պետական եկամուտների կոմիտեի նախագահի 2024 թվականի հոկտեմբերի 30-ի «Հայաստանի Հանրապետության պետական եկամուտների կոմիտեի նախագահի 2024 թվականի հոկտեմբերի 30-ի N 1430-ն հրամանում փոփոխություն կատարելու մասին» N 1430-ն հրամանում

Ինչին են վերաբերում փոփոխությունները՝

Սույն հրամանի փոփոխությունը մասնավորապես վերաբերում է շրջանառության հարկով հարկվող եկամուտների տեսակի մասնավորապես Կառավարության սահմանած բարձր տեխնոլոգիաների ոլորտի գործունեության տեսակների ցանկում ներառված գործունեության տեսակներից ստացվող եկամուտներին, որի դրույքաչափը սահմանվել է 1%

1. Հայաստանի Հանրապետության պետական եկամուտների կոմիտեի նախագահի 2024 թվականի հոկտեմբերի 30-ի «Հայաստանի Հանրապետության կառավարությանն առընթեր պետական եկամուտների կոմիտեի նախագահի 2016 թվականի դեկտեմբերի 30-ի N 299-Ն հրամանում փոփոխություն կատարելու մասին» N 1430-Ն հրամանի 1-ին կետով նոր խմբագրությամբ շարադրված Հայաստանի Հանրապետության կառավարությանն առընթեր պետական եկամուտների կոմիտեի նախագահի 2016 թվականի դեկտեմբերի 30-ի N 299-Ն հրամանի N 1 հավելվածով հաստատված Շրջանառության հարկի հաշվարկի ձեւի 19-րդ տողը շարադրել հետեւյալ խմբագրությամբ.

10. Շրջանառության հարկով հարկվող եկամուտների տեսակը	Եկամուտը[Ա]	Դրույքաչափը[Բ]	Հարկի գումարը[Գ]
19. Կառավարության սահմանած բարձր տեխնոլոգիաների ոլորտի գործունեության տեսակների ցանկում ներառված գործունեության տեսակներից ստացվող եկամուտներ		1%

2. Բարձր տեխնոլոգիաների ոլորտի պետական աջակցության մասին

Նոր ընդունված օրենսդրական ակտի անվանումը՝

«Բարձր տեխնոլոգիաների ոլորտի պետական աջակցության մասին» օրենք
https://www.arlis.am/DocumentView.aspx?DocID=201049

Ընդունման կարգավիճակը՝

Սույն Օրենքն ուժի մեջ է մտել 2025 թվականի հունվարի 1-ից:

Ինչին են վերաբերում փոփոխությունները՝

Օրենքի նպատակը բարձր տեխնոլոգիական ոլորտի, ինչպես նաեւ գիտահետազոտական աշխատանքների համար պետական աջակցության գործիքակազմի եւ հարկային արտոնությունների շրջանակի վերանայումն է՝ նպատակ ունենալով ստեղծել ավելի բարենպաստ պայմաններ նշյալ ոլորտներում առաջանցիկ զարգացում ապահովելու համար: Օրենքով առաջարկվում է սահմանել հարկային արտոնությունները եւ բյուջետային աջակցության հետեւյալ ուղղությունները, որոնցից են՝ 1) վերաիմաստավորել եւ վերանայել բարձր տեխնոլոգիական ոլորտում գործունեություն իրականացվող տնտեսավարող սուբյեկտների համար գործող օրենսդրությամբ նախատեսված՝ հարկային արտոնությունների շրջանակը,

2) ընդլայնել գիտական հետազոտությունների եւ փորձարարական մշակումների (գիտահետազոտական՝ R&D) աշխատանքների մասով գործող հարկային արտոնությունների շրջանակը: Ընդ որում, այս ուղղությամբ առաջարկվող հարկային արտոնությունները վերաբերելու են ոչ միայն բարձր տեխնոլոգիական ոլորտի տնտեսավարող սուբյեկտներին, այլ բոլոր ոլորտներում գիտական հետազոտությունների եւ փորձարարական մշակումների աշխատանքներ կատարող տնտեսավարող սուբյեկտներին: Մասնավորապես, առաջարկվում է հարկային արտոնություններ, որոնցից են շրջանառության հարկի դրույքաչափի նվազեցում 2.5 անգամ՝ 5 տոկոսի փոխարեն սահմանելով 2 տոկոս, մասնագիտական աշխատանք կատարող անձնակազմին վճարվող աշխատավարձի 200 տոկոսի չափով շահութահարկով հարկման նպատակով համախառն եկամուտը հավելյալ նվազեցնելու հնարավորության նախատեսում, բայց ոչ ավելի, քան հաշվարկված հարկման բազայի 50 տոկոսը, ինչպես նաեւ գիտական հետազոտությունների եւ փորձարարական մշակումների աշխատանքներում ներգրավված մասնագիտական անձնակազմին վճարվող աշխատավարձի եւ դրան հավասարեցված եկամուտների մասով եկամտային հարկի դրույքաչափի կիսով չափ նվազեցում՝ 20-ից 10 տոկոս եւ այլ օրենքով սահմանված արտոնություններ։

«Բարձր տեխնոլոգիաների ոլորտի պետական աջակցության մասին» օրենքի ընդունմամբ, համապատասխան փոփոխություններ եւ լրացումներ են կատարվելու նաեւ հարակից՝ «Հայաստանի Հանրապետության հարկային օրենսգրքում, ինչը պայմանավորված է բարձր տեխնոլոգիական ոլորտի, ինչպես նաեւ գիտահետազոտական աշխատանքների համար պետական աջակցության գործիքակազմի եւ հարկային արտոնությունների շրջանակի վերանայմամբ եւ գիտահետազոտական աշխատանքների իրականացման համար նպաստավոր պայմանների ձեւավորմամբ.

3. Բարձր տեխնոլոգիաների ոլորտի պետական աջակցության ենթակա գործունեության տեսակների ցանկը սահմանելու մասին նախագիծ

Նախագծի անվանումը՝

Բարձր տեխնոլոգիաների ոլորտի պետական աջակցության ենթակա գործունեության տեսակների ցանկը սահմանելու մասին
https://www.e-draft.am/projects/8212/about

Քննարկման ժամանակահատվածը՝

Որոշման նախագիծը քննարկվել է իրավական ակտերի նախագծերի հրապարակման միասնական
կայքէջում 2025 թվականի հունվարի 16-ից մինչեւ 2025 թվականի հունվարի 31-ը։
Որոշումը այս պահին գտնվում է լրամշակման փուլում։

Ինչին են վերաբերում փոփոխությունները՝

Նախագծի ընդունման արդյունքում կհաստատվի բարձր տեխնոլոգիաների ոլորտի պետական աջակցության ենթակա գործունեության տեսակների ցանկը, ըստ որի՝ տնտեսավարող սուբյեկտերը «Բարձր տեխնոլոգիաների ոլորտի պետական աջակցության մասին» օրենքի եւ Հայաստանի Հանրապետության հարկային օրենսգրքի պահանջների բավարարման պարագայում կարող են օգտվել ոլորտի պետական աջակցությունից եւ հարկային արտոնություններից:

Նախագծով նախատեսվում է սահմանել բարձր տեխնոլոգիաների ոլորտի պետական աջակցության ենթակա գործունեության տեսակների ցանկը, ըստ որի՝ «Բարձր տեխնոլոգիաների ոլորտի պետական աջակցության մասին» օրենքի շրջանակներում աշխատանքային միգրանտների եւ նոր աշխատողների ներգրավման համար, ինչպես նաեւ մասնագետի վերապատրաստման համար, աջակցություն կստանան այն տնտեսավարող սուբյեկտները, որոնք (ի թիվս այլ պահանջների բավարարման) ավելացված արժեքի հարկի եւ (կամ) շրջանառության հարկի հարկային հաշվարկներով հայտարարագրած գործունեության բոլոր տեսակներից իրացման շրջանառության առնվազն 90 տոկոսը պետական աջակցության տրամադրման հաշվետու ժամանակաշրջանում ձեւավորած կլինեն նախագծի հավելվածով սահմանված բարձր տեխնոլոգիաների ոլորտի գործունեության տեսակների հանրագումարից:

«Հայաստանի Հանրապետության հարկային օրենսգրքում փոփոխություններ եւ լրացումներ կատարելու մասին» 2024 թվականի դեկտեմբերի 4-ի ՀՕ-499-Ն եւ ««Հայաստանի Հանրապետության հարկային օրենսգրքում փոփոխություններ կատարելու մասին» օրենքում փոփոխություն կատարելու մասին» 2024 թվականի դեկտեմբերի 4-ի ՀՕ-500-Ն օրենքների ընդունմամբ նախատեսվում է, որ Նախագծով սահմանված տնտեսական գործունեության դասկարգիչների ներքո գործունեություն իրականացնող եւ 2024 թվականի հուլիս-դեկտեմբեր ամիսների հարկային մարմնին տրամադրվող իրենց հաշվետվություններում այդ դասակարգիչների մասով փոփոխություն չկատարած տնտեսավարող սուբյեկտների համար Հայաստանի Հանրապետության հարկային օրենսգրքի 123-րդ հոդվածի 2-րդ մասի 2-րդ կետով եւ նույն մասի երկրորդ պարբերությամբ սահմանված նվազեցումները կարող են կիրառվել նաեւ 2024 թվականի հունվարի 1-ից ծագած հարաբերությունների վրա:

ԲԱՐՁՐ ՏԵԽՆՈԼՈԳԻԱՆԵՐԻ ՈԼՈՐՏԻ ՊԵՏԱԿԱՆ ԱՋԱԿՑՈՒԹՅԱՆ ԵՆԹԱԿԱ ԳՈՐԾՈՒՆԵՈՒԹՅԱՆ ՏԵՍԱԿՆԵՐԻ ՑԱՆԿԸ ՍԱՀՄԱՆԵԼՈՒ ՄԱՍԻՆ

Հիմք ընդունելով «Բարձր տեխնոլոգիաների ոլորտի պետական աջակցության մասին» օրենքի 5-րդ հոդվածի 1-ին մասը, Հայաստանի Հանրապետության հարկային օրենսգրքի 109-րդ հոդվածի 4-րդ մասի 1-ին կետի «բ5» ենթակետը, 113-րդ հոդվածի 1-ին մասի 10-րդ կետը, 123-րդ հոդվածի 2-րդ մասի 2-րդ կետը եւ 258-րդ հոդվածի 1-ին մասի հավելվածի 8-րդ կետը՝ Հայաստանի Հանրապետության կառավարությունը որոշում է.

Սահմանել բարձր տեխնոլոգիաների ոլորտի պետական աջակցության ենթակա գործունեության տեսակների ցանկը` համաձայն Հավելվածի: Սահմանել, որ պետական աջակցության համար դիմող տնտեսավարող սուբյեկտների գործունեության իրականացման ոլորտը պետք է համապատասխանի սույն որոշման հավելվածով նշված՝ տնտեսական գործունեության տեսակների դասակարգիչներով սահմանված գործունեությանը կամ ներառի այն, ընդ որում՝ ավելացված արժեքի հարկի եւ (կամ) շրջանառության հարկի հարկային հաշվարկներով հայտարարագրած գործունեության բոլոր տեսակներից իրացման շրջանառության առնվազն 90 տոկոսը պետական աջակցության տրամադրման հաշվետու ժամանակաշրջանում կարող է ձեւավորվել Հավելվածով սահմանված բարձր տեխնոլոգիաների ոլորտի գործունեության տեսակների հանրագումարից:

Սահմանել, որ

1) Հայաստանի Հանրապետության հարկային օրենսգրքի 123-րդ հոդվածի 2-րդ մասի 2-րդ կետով եւ նույն մասի երկրորդ պարբերությամբ սահմանված նվազեցումները 2024 թվականի հունվարի 1-ից ծագած հարաբերությունների վրա կիրառելու դեպքում պետական աջակցության համար դիմող տնտեսավարող սուբյեկտները տնտեսական գործունեության դասակարգիչների մասով չպետք է փոփոխություն կատարած լինեն առնվազն 2024 թվականի հուլիս-դեկտեմբեր ամիսների հարկային մարմնին տրամադրվող իրենց հաշվետվություններում:

2) 2025 թվականի հունվարի 1-ից սկսած՝ պետական աջակցության հայցվող ժամանակաշրջանում, պետական աջակցության համար դիմող տնտեսավարող սուբյեկտները տնտեսական գործունեության դասակարգիչների մասով չպետք է փոփոխություն կատարած լինեն հարկային մարմնին տրամադրվող իրենց հաշվետվություններում:

Սույն որոշումն ուժի մեջ է մտնում պաշտոնական հրապարակման օրվան հաջորդող օրվանից:.

Հավելված
Հայաստանի Հանրապետության
կառավարության 2025 թվականի
_______________ _____-ի
N_____Ն որոշման_

ՑԱՆԿ ԲԱՐՁՐ ՏԵԽՆՈԼՈԳԻԱՆԵՐԻ ՈԼՈՐՏԻ ՊԵՏԱԿԱՆ ԱՋԱԿՑՈՒԹՅԱՆ ԵՆԹԱԿԱ ԳՈՐԾՈՒՆԵՈՒԹՅԱՆ ՏԵՍԱԿՆԵՐԻ

կոդ	Գործունեության տեսակի անվանումը
C26	Համակարգիչների, էլեկտրոնային եւ օպտիկական սարքավորանքի արտադրություն
C26.11.0 C26.12.0	Էլեկտրոնային բաղադրամասերի արտադրություն Հավաքած Էլեկտրոնային մեկուսատախտակների արտադրություն
C26.20.0 C26.30.0 C26.40.0	Համակարգիչների եւ ծայրամասային սարքվածքների արտադրություն Կապի սարքավորանքի արտադրություն Կենցաղային էլեկտրոնային սարքավորանքի արտադրություն
C26.5	Չափիչ, ստուգիչ, փորձարկիչ եւ նավագնացական գործիքների ու սարքերի արտադրություն. ժամացույցների (ձեռքի եւ այլ) արտադրություն
C26.51.0 C26.60.0 C26.70.0	Չափիչ, ստուգիչ, փորձարկիչ եւ նավագնացական գործիքների ու սարքերի արտադրություն Ճառագայթահարող, էլեկտրաբժշկական եւ էլեկտրաբուժական սարքավորանքի արտադրություն Օպտիկական գործիքների եւ լուսանկարչական սարքավորանքի արտադրություն
C28.1	Ընդհանուր նշանակության մեքենաների արտադրություն
C28.99.0 C29.31.0	Հատուկ նշանակության այլ մեքենաների արտադրություն, չներառված ուրիշ խմբավորումներում Ավտոմեքենաների եւ դրանց շարժիչների համար էլեկտրական եւ էլեկտրոնային սարքավորանքի արտադրություն
C30.30	Օդանավերի, տիեզերանավերի եւ այլ թռչող սարքերի արտադրություն
C30.30.1 C30.30.2	Օդանավերի եւ տիեզերանավերի արտադրություն Այլ թռչող սարքերի արտադրություն
C30.30.9 C30.4 J58.2	Օդանավերի, տիեզերանավերի եւ այլ թռչող սարքերի համար մասերի արտադրություն Մարտական մեքենաների արտադրություն Համակարգչային ծրագրերի հրատարակություն
J58.21.0	Համակարգչային խաղերի հրատարակություն
J58.29.0 J62.0 J62.01.0 J62.02	Այլ համակարգչային ծրագրերի հրատարակություն Ծրագրային ապահովման մշակում, խորհրդատվություններ եւ հարակից գործունեություն համակարգչային տեխնոլոգիաների բնագավառում Ծրագրային ապահովման մշակում Խորհրդատվական գործունեություն համակարգչային տեխնոլոգիաների բնագավառում
J62.02.1	Էլեկտրոնային համակարգերի նախագծում, թեստավորում եւ մշակում
J62.02.9	Խորհրդատվական գործունեություն համակարգչային տեխնոլոգիաների բնագավառում չներառված ուրիշ խմբավորումներում
J62.03.0 J62.09.0	Համակարգչային համակարգերի կառավարման գործունեություն Տեղեկատվական տեխնոլոգիաների եւ համակարգչային տեխնիկայի բնագավառում այլ գործունեություն
J63	Տեղեկատվական ծառայությունների մատուցում
J63.1	Տվյալների մշակում, ցանցում տեղեկատվության տեղաբաշխում եւ հարակից գործունեություն, վեբ-պորտալների հետ կապված գործողություններ
J63.11	Տվյալների մշակում, ցանցում տեղեկատվության տեղաբաշխում եւ հարակից գործունեություն
J63.11.1	Տվյալների հիմնապաշարների եւ տեղեկատվական ռեսուրսների մշակում եւ կիրառում
J63.11.3	Օպերատիվ ռեժիմում ծրագրային ապահովմանն առնչվող սպասարկման ծառայությունները՝ կիրառական ծրագրերի եւ համակարգային ծրագրային ու տեխնիկական միջոցների սպասարկում
J63.12.0 M71.12.5 M72	Վեբ-պորտալների հետ կապված գործողություններ Ինտեգրալային սխեմաների նախագծում եւ թեստավորում Գիտական հետազոտություններ եւ մշակումներt
M72.1	Գիտական հետազոտություններ եւ փորձարարական մշակումներ բնական եւ վտեխնիկական գիտությունների բնագավառում
M72.11.0	Գիտական հետազոտություններ եւ փորձարարական մշակումներ կենսատեխնոլոգիաների բնագավառում
M72.19 M72.19.1	Այլ գիտական հետազոտություններ եւ փորձարարական մշակումներ բնական եւ տեխնիկական գիտությունների բնագավառում Գիտական հետազոտություններ եւ փորձարարական մշակումներ բնական գիտությունների բնագավառում
M72.19.2	Գիտական հետազոտություններ եւ փորձարարական մշակումներ տեխնիկական գիտությունների եւ տեխնոլոգիաների բնագավառում
M72.20.0	Գիտական հետազոտություններ եւ փորձարարական մշակումներ հասարակական եւ հումանիտար գիտությունների բնագավառում

ՄԱՍ IV. ԱՇԽԱՏԱՆՔԱՅԻՆ ՈԼՈՐՏ

(Իրավական նորությունների սույն բաժնում ներառվում են 2025 թվականի հունվար ամսվան աշխատանքային ոլորտին վերաբերող իրավական նորությունները)

1. «Կուտակային կենսաթոշակների մասին» օրենքում փոփոխություն կատարելու մասին» 2024 թվականի փետրվարի 28-ի ՀՕ-108-Ն օրենքում սոցիալական վճարների վերաբերյալ փոփոխություններ եւ լրացում կատարելու մասին

Օրենսդրական ակտի անվանումը՝

«Կուտակային կենսաթոշակների մասին» օրենքում փոփոխություն կատարելու մասին» 2024 թվականի
փետրվարի 28-ի ՀՕ-108-Ն օրենքում փոփոխություններ եւ լրացում կատարելու մասին ՀՕ-495-Ն
https://www.arlis.am/documentview.aspx?docid=201006

Փոփոխության կարգավիճակը՝

Սույն Որոշումն ուժի մեջ է մտել 2025թվականի հունվարի 1-ին

Որ օրենսդրական ակտն է փոփոխվել վերոնշյալ ակտի ընդունմամբ՝

Վերոնշյալ ակտի ընդունմամբ փոփոխություն է տեղի ունեցել «Կուտակային կենսաթոշակների մասին» օրենքում փոփոխություն կատարելու մասին» 2024 թվականի փետրվարի 28-ի ՀՕ-108-Ն օրենքում

Ինչին են վերաբերում փոփոխությունները՝

Օրենքով փոփոխություն է իրականացվել «Կուտակային կենսաթոշակների մասին» օրենքում փոփոխություն կատարելու մասին» 2024 թվականի փետրվարի 28-ի ՀՕ-108-Ն օրենքում, համաձայն որի Սույն օրենքով սոցիալական վճար կատարելու պարտավորություն ունեցող վարձու աշխատողները (նրանց համար սոցիալական վճար հաշվարկելու եւ փոխանցելու պարտավորություն ունեցող հարկային գործակալները) պատասխանատվություն են կրում սոցիալական վճարները չկատարելու կամ ուշացումով կատարելու համար: Սոցիալական վճարը սահմանված ժամկետում չկատարելու դեպքում ժամկետանց յուրաքանչյուր օրվա համար վարձու աշխատողը (նրա համար սոցիալական վճարներ հաշվարկելու եւ փոխանցելու պարտավորություն ունեցող հարկային գործակալը) վճարում է տույժ` Հայաստանի Հանրապետության հարկային օրենսգրքի 401-րդ հոդվածով սահմանված չափով եւ կարգով: Ինչպես նաեւ 2025 թվականի հունվարի 1-ից ժամկետանց յուրաքանչյուր օրվա համար տույժը վճարվում է 0.075 տոկոսի չափով, այդ թվում` նաեւ այն դեպքում, եթե տույժերի հաշվարկն սկսվել է մինչեւ սույն օրենքն ուժի մեջ մտնելը:

«Կուտակային կենսաթոշակների մասին» 2010 թվականի դեկտեմբերի 22-ի ՀՕ-244-Ն օրենքի 71- րդ հոդվածում`

1) 1-ին մասի առաջին եւ երկրորդ պարբերությունները շարադրել հետեւյալ խմբագրությամբ.

Հոդված 71. Պատասխանատվությունը սոցիալական վճարները չկատարելու կամ ուշացումով կատարելու համար

Հին տարբերակ

11. Սույն օրենքով սոցիալական վճար կատարելու պարտավորություն ունեցող վարձու աշխատողները (նրանց համար սոցիալական վճար հաշվարկելու եւ փոխանցելու պարտավորություն ունեցող հարկային գործակալները) պատասխանատվություն են կրում սոցիալական վճարները չկատարելու կամ ուշացումով կատարելու համար: Սոցիալական վճարը սահմանված ժամկետում չկատարելու դեպքում ժամկետանց յուրաքանչյուր օրվա համար վարձու աշխատողը (նրա համար սոցիալական վճարներ հաշվարկելու եւ փոխանցելու պարտավորություն ունեցող հարկային գործակալը) վճարում է տույժ՝ Հայաստանի Հանրապետության հարկային օրենսգրքի 401-րդ հոդվածով սահմանված չափով եւ կարգով։ Սոցիալական վճարներ չկատարելու կամ ուշացումով կատարելու համար գանձված տույժերը, որպես կուտակային հատկացում, փոխանցվում են մասնակիցների ռեեստրը վարողին, որոնց հաշվին ձեռք են բերվում այն պարտադիր կենսաթոշակային ֆոնդի փայերը, որին այդ պահին կուտակային հատկացումներ է կատարվում մասնակցի համար (օգտին): Գանձված (մուծված) տույժերի հաշվին մասնակցի պարտադիր կենսաթոշակային ֆոնդի փայերը որոշվում են՝ մասնակիցների եկամտից (այդ թվում` ստուգմամբ հայտնաբերված) պահված (վճարված) սոցիալական վճարի ընդհանուր գումարում տվյալ մասնակցի համար հաշվարկված սոցիալական վճարի գումարի չափից ելնելով:

Նոր տարբերակ

1. Սույն օրենքով սոցիալական վճար կատարելու պարտավորություն ունեցող վարձու աշխատողները (նրանց համար սոցիալական վճար հաշվարկելու եւ փոխանցելու պարտավորություն ունեցող հարկային գործակալները) պատասխանատվություն են կրում սոցիալական վճարները չկատարելու կամ ուշացումով կատարելու համար: Սոցիալական վճարը սահմանված ժամկետում չկատարելու դեպքում ժամկետանց յուրաքանչյուր օրվա համար վարձու աշխատողը (նրա համար սոցիալական վճարներ հաշվարկելու եւ փոխանցելու պարտավորություն ունեցող հարկային գործակալը) վճարում է տույժ՝ Հայաստանի Հանրապետության հարկային օրենսգրքի 401-րդ հոդվածով սահմանված չափով եւ կարգով։.

2) 4-րդ մասը շարադրել հետեւյալ խմբագրությամբ.

Հին տարբերակ

4. Սոցիալական վճարների վճարումը սահմանված ժամկետից ուշացնելու դեպքում հարկային մարմինը որոշում է կայացնում սույն օրենքով սոցիալական վճար հաշվարկելու եւ փոխանցելու (գանձելու) պարտականություն ունեցող անձից (այսուհետ` սոցիալական վճար կատարող) ժամանակին չվճարված գումարը գանձելու վերաբերյալ եւ այդ մասին պատշաճ ծանուցում վերջինիս:

Նոր տարբերակ

4. Սոցիալական վճարների վճարումը սահմանված ժամկետից ուշացնելու դեպքում հարկային մարմինը չվճարված սոցիալական վճարների եւ դրանց համար սույն օրենքով սահմանված տույժերի կատարման ապահովումը, ինչպես նաեւ հարկադիր կատարմանն ուղղված միջոցներն իրականացնում է Հայաստանի Հանրապետության հարկային օրենսգրքով սահմանված կարգով: